آسٹریلیا ءِ ہائی کمشنر ءَ مزن وزیر شہباز شریف ءَ گوں گند ءُ نند کتگ، مزن وزیر ءَ ناشرکاری ءِ وئیل ءَ بے گناہیں مردمانی بیرانی ءِ سر ءَ دلپدردی درشان

اسلام آباد۔19دسمبر  (اے پی پی): مزن وزیر محمد شہباز شریف ءَ سڈنی ءِ شہر بونڈی بیچ ءَ ناشرکاریں تیرگواری ءَ بے گناہیں مردمانی بیرانی ءِ سر ءَ دلپدردی ءُ رنج ءُ گم ءِ درشانی کتگ، ناشرکاری ءِ اے بزدلیں کارروائی ءِ مذمت کتگ ءُ آسٹریلیا ءِ گوما یکوئی ءِ درشانی کتگ ءُ پاکستان ءُ آسٹریلیا ءِ نیام ءَ دو نیمگی تجارت ءِ تہ ءَ گیشی ءِ سر ءَ زور پر داتگ۔ لائیو سٹاک ءِ شعبہ آں چہ دیم ءَ اتکگ۔ مزن وزیر کارگس ءِ میڈیا ونگ ءِ نیمگ ءَ جاڑی بوتگیں بیان ءِ رد ءَ مزن وزیر محمد شہباز شریف ءَ را جمعہ ءِ روچ ءَ پاکستان ءَ آسٹریلیا ءِ نوکیں ہائی کمشنر ٹم کین ءَ گوں گند ءُ نند کتگ۔ گند ءُ نند ءَ نائب مزن وزیر ءُ درئی کارانی وزیر سینیٹر محمد اسحاق ڈار، ھاسیں کمکار طارق فاطمی ءُ دری کارانی سیکرٹری ھم ساڑی ات۔ مزن وزیر ءَ ہائی کمشنر ءَ را اے گچینکاری ءِ سر ءَ مبارک بات دات ءُ دل یکیمی ءِ درشان کت کہ آئی ءِ گچینکاری ءَ چہ پاکستان ءُ آسٹریلیا ءِ نیام ءَ دیریں ءُ دوستی ءِ سیادی ءَ را گیش مھکم بیت۔ مزن وزیر ءَ 14دسمبر 2025 ءَ سڈنی ءِ شہر بونڈی بیچ ءَ ناشرکاری تیرگواری ءَ بے گناھیں مردمانی بیرانی ءِ سر ءَ سک باز دلپدردی ءُ رنج ءِ درشان کت ءُ گوشت کہ پاکستان ناشرکاری ءِ اے بزدلیں کارروائی ءَ را سک مذمت کنت۔ مزن وزیر ءَ اے غم ءِ ساھت ءَ آسٹریلیا ءِ گوما پاکستان ءِ یکوئی ءِ پدر کنگ ءَ اے گپ ءِ سر ءَ زور پر دات کہ ناشرکاری ءِ ھچ وڑیں مذھب نیست ءُ ایشی ءَ را وتی ھرچ رنگ ءُ دروشم ءَ مذمت کنگ لوٹ ایت وھدیکہ اے ھترہ ءِ ھلاسی ءِ واستہ یکجائی گامگیج ءِ ضلورت اِنت۔ مزن وزیر ءَ پاکستان ءُ آسٹریلیا ءِ سیادی ءِ جوانیں تک ءُ پھنات آناں پدر کنان ءَ دو نیمگی بیپار ءُ سرمایہ کاری ءِ تہ ءَ گیشی ءِ ضلورت ءِ سر ءَ زور پر دات ءُ کشت ءُ کشار ءُ مالداری شوبگ ءَ کمک ءَ را گیش کنگ ءِ واھشت ءِ درشان کت۔ آئی ءَ کان کنی ءُ معدنیات ءِ شوبگ ءَ آسٹریلیا ءِ دلچسپی ءِ ھم وش اتک کتگ۔ مزن وزیر ءَ ریکو دک ءَ را پاکستان ءَ اے شوبگ ءِ بے دروریں صلاحیت ءِ چمکداریں مثال ءِ رنگ ءَ گوشت۔ آئی ءَ آسٹریلیا ءَ نندوکیں پاکستانی آنی ارزشتی ایں ازمت آناں ھم ساڑات کہ ایشاں دوئیں ملک آنی نیام ءَ یک ھاسیں پُل ءِ رنگ ءَ کار کتگ۔ مزن وزیر ءَ پاکستان ءُ آسٹریلیا ءِ نیام ءَ مھکمیں سیادی ءُ دود ءُ ربیدگی سیادی ءِ ارزشت ءِ سر ءَ زور پر دات ایشی ءِ تہ ءَ دوئیں راج آنی کرکٹ ءِ واستہ یکجائی جزبگ ھم ھوار اِنت۔ گند ءُ نند ءِ ساھت ءَ مزن وزیر ءَ آسٹریلیا ءِ سروکی ءِ نیکیں واھگ آنی درشان کت ءُ گوشت کہ دوئیں ملک آنی نیام ءَ مھکمیں سیادی جوڑ کنگ ءِ واستہ آھانی گوما کار کنگ ءِ ودار ءَ آں۔ ٹم کین ءَ مزن وزیر ءِ منت گپت کنان ءَ پاکستان ءُ آسٹریلیا ءِ نیام ءَ وت مہ وتی مفاد ءِ درستیں پڑ آنی تہ ءَ سیادی ءَ را گیش دیمروئی دیگ ءِ واستہ کار کنگ ءِ وتی گہتریں واھشت ءِ درشان کت۔