پہلگام واقعہ نا بارواٹی اقوام متحدہ نا جاچ رپورٹ اٹی اللہ تعالیٰ نا فضل وکرم اٹ پاکستان ناموقف ءِ امنا کننگا، بنجائی وزیر طارق فضل چوہدری

اسلام آباد۔ 19دسمبر (اے پی پی) بنجائی وزیر پارلیمانی امور  ڈاکٹر طارق فضل چوہدری پارینے کہ بھارت اٹی پہلگام واقعہ نا بابت اقوام متحدہ نا جاچ رپورٹ اٹی اللہ تعالیٰ نا فضل وکرم اٹ پاکستان نا موقف ءِ امنا کننگا ہراڑآن جہانی کہول آ پذیرائی دوئی مس۔ جمعہ نادے آ راجی رابطہ نا ویب سائٹ ’’ایکس‘‘ آ تینا کلہو اٹی او پارے کہ اقوام متحدہ نا جاچ رپورٹ اٹی پہلگام واقعہ ٹی بھارت پاکستان نا اوار مننگ نا بارواٹی دوبہ غاتے پک کننگ اٹ بے سہب مس۔ اوپارے کہ اقوام متحدہ نا رپورٹ اٹی پاننگانے کہ 7 مئی آ بھارت پاکستانی دنگ اٹی طاقت ءِ کاریم اٹ ایس ہرا اقوام متحدہ نا چارٹر آن چپ ءِ، یواین او تینا جاچ رپورٹ اٹی داہم پیدوار کرے کہ اگہ بھارت نا کارروائی ءِ سلہہ بند جلہو گوندنگک تو پاکستان تینا دفاع نا حق ءِ کاریم اٹ اتنگ نا حقدار ءِ۔ اوپارے کہ اقوام متحدہ بھارت آ زور شاغانے کہ او پاکستان نا وتواجہی نا شرف ءِ کے و اونا کانودی حق آتا خلاف ورزی کروک آ گام گیج آتیان پاناد کے۔