بہار ءِ سر وزیر ءِ زوراکی ءَ مسلمانیں جنین آدم ءِ برکہ ءِ کشگ شرمندگی ءُ غیر انسانی کارے ، دری کارانی کارگس ءِ جارکش

اسلام آباد۔18دسمبر  (اے پی پی):دری کارانی کارگس ءِ جارکش طاہر حسین آندرابی ءَ بھارتی ریاست بہار ءِ سر وزیر ءِ نیمگ ءَ یک مسلمانیں جنینے ءِ گوں بدیں سلوک ءِ سر ءَ سک باز رد عمل پیش کتگ ءُ گوشت کہ مزنیں سیاسی سروک ءِ نیمگ ءَ جنین آدم ءِ حجاب ءِ زوراکی ءَ چہ کشگ شرمندگی ءُ غیر انسانی کار اِنت۔ پنچ شمبے ءِ روچ ءَ ادا پریس بریفنگ ءِ تہ آئی ءَ گوشت کہ بھارت ءَ اقلیت آناں بدیں سلوک ءِ آماچ انت، بھارتی حکومت اقلیت آنی ھک آنی رکھینگ ءَ را دل یکیمی بہ کنت ھاسیں رنگ ءَ مذہبی آجوئی ءَ را دل یکیمی بہ کنت۔ آئی ءَ گوشت کہ بھارت ءَ مسلمان زالبول آنی گوما بدیں سلوک ءُ مسخرہ مذمت ءِ لائک اِنت، بھارت ءَ مسلمان زالبول آنی بے شرپی ءِ نارمل کنگ پریشان کنوکیں رجحان اِنت، اے وئیل بھارت ءَ اسلاموفوبیا ءُ عدم برداشت ءِ درشان اَنت، پاکستان اقلیت آنی ھک ءُ انسانی شرپ ءِ رکھینگ ءِ لوٹ ءَ کنت۔ ترجمان ءَ گشتگ کہ اے وئیل ءَ پد اتر پردیش ءِ یک وزیرے ءَ اے وئیل ءَ را پدریں رنگ ءَ مذاق کتگ۔ آئی ءَ گوشت کہ ما چہ درستیں ذمہ واریں سٹیک ہولڈر ءُ بھارتی حکومت ءَ اپیل کن ایں کہ آ اے وئیل ءِ سنگینی ءَ را من اَنت ءُ اقلیت آنی ھک آنی رکھینگ، مذہبی آجوئی ءِ احترام ءُ انسانی شرپ ءِ رکھینگ ءِ واستہ وتی جزم ءَ را پدا پدر کن اَنت۔