پاکستان ءِ معیشت ءَ مالی سال 2025-26 ءِ جولائی ءُ نومبر ءِ تہ ءَ ھاسیں استحکام ءِ گندگ بوتگ کہ اے زانتکاریں میکرو اکنامک انتظامی، جوانیں پالیسی ءِ رھبند ءُ ھدف مندیں گہتری کار ءِ گامگیج آنی آسر اِنت، احسن اقبال

اسلام آباد۔18دسمبر  (اے پی پی):منصوبگ بندی، دیمروئی ءُ ھاسیں گامگیج آنی وفاقی وزیر پروفیسر احسن اقبال ءَ گوشت کہ مالی سال 2025-26ءِ جولائی ءُ نومبر ءِ ساھت ءَ پاکستان ءِ معیشت ءَ را ھاسیں استحکام ءِ گواہ بوتگ کہ اے میکرو اکنامک ءِ مھکمیں انتظامی، جوانیں پالیسی ءِ ردوم ءِ رھبند ءُ ٹارگٹڈ ءِ آسر اِنت۔ پنچ شمبے ءِ روچ ءَ ادا میڈیا ءَ گوں تران کنان ءَ نومبر 2025 ءَ پاکستان ءِ اقتصادی کارکردگی ءِ بابت ءَ آئی ءَ گوشت کہ اے وھد ءِ تہ ءَ مہنگائی ءِ تہ ءَ اوسط شرح 5درسد ءِ کساس ءَ بوتگ کہ گوستگیں سال ءِ ھمے وھد ءِ تہ ءَ 7.9درسد بوتگ۔ آئی ءِ رد ءَ مہنگائی ءِ تہ ءَ کمی ءَ چہ الس ءَ را ریلیف رستگ ءُ کاروبار ءُ سرمایہ کاری ءِ واستہ گیش پیش گوئی ءِ چاگرد جوڑ بوتگ۔ وفاقی وزیر ءَ گوشت کہ مزنیں کساس ءَ صنعت ءِ تہ ءَ 4.1درسد ءِ گیشی بوتگ، ایشی صنعتی چست ءُ ایر آنی تہ ءَ زندگ بوھگ ءُ کاروباری اعتماد ءِ تہ ءَ گیشی ءِ ھاسیں نشانی اِنت۔ آئی ءَ گوشت کہ صنعتی کارکردگی ءِ تہ ءَ گیشی ءِ واستہ توان ءِ گہتریں دستیابی، سپلائی چین ءِ تہ ءَ گہتری ءُگہتری کار ءِ گامگیج المی انت۔ مالیاتی کارکردگی ءِ بابت ءَ گپ ءُ تران کنان ءَ آئی ءَ گوشت کہ جولائی ءَ چہ نومبر ءِ ساھت ءَ فیڈرل بورڈ آف ریونیو ءِ آمدنی 4733ارب کلدار ءَ سر بوتگ ایشی ءَ چہ گوستگیں سال ءِ مقابلہ ءَ 10.2درسد ءِ گیشی گندگ بیت۔ آئی ءِ رد ءَ اے جوانیں ٹیکس انتظامیہ ءُ مالیاتی نظم ءُ ضبط ءِ درشان اِنت۔ دری شوبگ ءِ ھوالگ ءَ وفاقی وزیر ءَ گوشت کہ آئی ٹی سروسز ءِ برآمدات ءِ تہ ءَ مزنیں گہتری بوتگ ءُ اے 19درسد ءِ گیشی ءِ گوما 1.8ارب ڈالر ءَ سر بوتگ وھدیکہ زرّ ءِ دیم دیگ 9.3درسد ءَ چہ گیشی بوتگ ءُ 16.1ارب ڈالر بوتگ ایشی ءَ چہ درملکی زرّ ءِ ذخیرہ ءُ سرجمیں اقتصادی استحکام ءَ را مھکم کتگ۔ دیمروئی ھرچ ءُ درچ ءِ ھوالگ ءَ آئی ءَ گوشت کہ سہ ماہی ءِ ساھت ءَ دیمروئی بجٹ ءِ چیر دستی ءَ 196ارب کلدار یلہ کنگ بوتگ ایشی ءِ تہ ءَ چہ 92ارب کلدار ھرچ کنگ بوتگ ءُ گیشتریں وسیلگ بنیاتی ڈھانچگ ءِ منصوبگ آنی تہ ءَ سرمایہ کاری کنگ بوتگ۔ آئی ءَ گیش گوشت کہ جوانیں منصوبگ بندی ءُ غیر ضروری ھرچ ءُ درچ آنی ھلاسی ءِ آسر ءَ جولائی ءَ بگر داں اکتوبر 2025 ءِ تہ ءَ 3.3 ارب کلدار ءِ بچت بوتگ۔ راجی اقتصادی کونسل ءِ نیمگ ءَ چہ دیم ءَ آرگ بوتگ۔ اے منصوبگ آنی تہ ءَ 994 زوتیں روزگار ءِ موہ پیداک بنت وھدیکہ کل ءَ 24859 براہ راست ءُ 40873 بالواسطہ روزگار ءِ موہ آنی گمان اِنت۔ آئی ءَ گوشت کہ چاگردی رکھینگ ءُ برجمیں دیمروئی ءَ را دل یکیمی کنگ ءِ واستہ آیوکیں درستیں دیمروئی منصوبگ آنی واستہ گرین بلڈنگ کوڈ المی جوڑ کنگ بوتگ۔ ایشی ءَ ابید ”اُدان پاکستان“ پروگرام ءِ چیر دستی ءَ پٹ ءُ پول، ٹیکنالوجی ءُ نوآبادیاتی ءِ دیمروئی ءِ واستہ آکسفورڈ یونیورسٹی ءُ کیمبرج یونیورسٹی ءَ ھوار جھان ءِ ادارگ آنی گوما کمک گیش کنگ بوھگ ءَ اِنت۔ وفاقی وزیر ءَ گوشت کہ آئی ٹی انڈسٹری ءِ زندگ کنگ ءِ منصوبگ ءِ رد ءَ 20ہزار ءَ چہ گیش ورنا آناں نوکیں ٹیکنالوجی ءِ تہ ءَ تربیت دیگ بوھگ ءَ اِنت ایشی ءِ آسر ءَ 14ہزار ءَ چہ گیش نوکیں روزگار ءِ موہ پیداک بنت۔ آئی ءَ گوشت کہ پاکستان ءِ حکومت مالیاتی استحکام، ھدف مندیں دیمروئی ءِ گامگیج ءُ مھکمیں نگرانی ءِ وسیلگ ءَ پائیدار، ھواریں ءُ ٹیکنالوجی ءِ بنیاد ءَ دیمروئی ءِ واستہ جزمیگ انت۔