دوئیں شہر آنی تہ ءَ ریکارڈ وھد ءِ تہ ءَ دو گیش دیمروئی منصوبگ آنی سرجمی ءُ الس ءَ را سفری آسراتی ءِ پھجاری ستا کرزیں گپ اِنت، مزن وزیر محمد شہباز شریف اقبال فلائی اوور، ٹی چوک فلائی اوور، اسلام آباد ایکسپریس وے سگنل فری راہداری ءِ بنگیج ءِ مراگش ءَ گوں تران کنان ءَ گشتانک

اسلام آباد۔18دسمبر  (اے پی پی):مزن وزیر محمد شہباز شریف ءَ دوئیں شہر آنی تہ ءَ دگہ دو دیمروئی منصوبگ آنی ریکارڈ وھد ءِ تہ ءَ سرجمی ءُ الس ءَ را سفری آسراتی ءِ پھجاری ءِ ساڑات ءُ گوشت کہ اے منصوبگ نہ ایوک ءَ راولپنڈی، اسلام آباد ءَ چہ آیوکیں الس آنی واستہ نپ مند انت بلکیں سرجمیں پاکستان ءَ چہ آیوکیں الس آنی واستہ ھم سیت مند انت، سرکاری ھزمت ءِ سفر برجاہ بیت۔ آئی ءَ اے ھیالانی درشانی پنچ شمبے ءِ روچ ءَ اقبال فلائی اوور/ٹی چوک فلائی اوور، اسلام آباد ایکسپریس وے سگنل فری کوریڈور ءِ بنگیج ءِ مراگش ءَ گشتانک دیان ءَ کت۔ اے موہ ءِ سر ءَ مزنیں کساسے ءَ وفاقی وزیر، اسمبلی ءِ باسک، سی ڈی اے ءُ ضلعی انتظامیہ ءِ کارندہ، ٹھیکیدار ءُ دمگی بزگیں مردم ھم ھوار بوتگ اَنت۔ مزن وزیر ءَ وزیر داخلہ، آئی ءِ ٹیم ءُ ٹھیکیدار آناں شاندار منصوبگ ءِ سرجمی ءِ پد ءَ مبارک بات دات ءُ گوشت کہ اے منصوبگ ھم ریکارڈ وھد ءِ تہ ءَ سرجم بوت۔ اے منصوبگ عام مردم ءِ آسراتی ءِ واستہ سک باز ارزشت ءِ دار انت ۔ آئی ءَ گوشت کہ یک ءُ نیم سال ءِ تہ ءَ بھارا کہو، ایف 9، سرینا چوک، رسول چوک، مارگلا چوک، طیب اردگان فلائی اوور ءُ انڈر پاس، کرنال شیر خان راہداری، میٹرو بس سروس ءِ وڑیں منصوبگ نہ ایوک ءَ دوئیں شہر آنی نندوکیں مردم آنی واستہ بلکینگ ءَ پاکستان ءَ چہ آیوکیں سرجمیں مردم آنی واستہ ھم فائدگ مند انت۔ آئی ءَ ھما افسر آناں ھم مبارک بات دات کہ آھاں تجاوزات ءِ ھلاسی ءَ منصوبگ ءِ زوت سرجمی ءِ راہ پچ کتگ۔ مزن وزیر ءَ گوشت کہ الس ءَ را جوانیں سفری آسراتی پجاری ءَ را وش اتک کنگ بیت۔ آئی ءَ شفافیت ءُ کوالٹی ءَ را دل یکیمی کنگ ءِ وھد ءَ دیم ءَ روگ ءُ سرکاری ھزمت ءِ سفر ءَ را برجاہ دارگ ءِ وتی جزم ءِ پدا زور دات۔ مراگش ءَ گوں گشتانک دیان ءَ وزیر تہی کار محسن نقوی ءَ گوشت کہ ٹی چوک ءَ ٹریفک جام ءِ جیڈھ نارمل جیڈھ ات، ایکسپریس وے ءِ کش ءَ سروس روڈ ءِ منصوبگ ھم زوت بندات کنگ بیت۔ آئی ءَ گوشت کہ آ وفاقی دارالحکومت ءِ دیمروئی ءِ واستہ وژن 2027 ءِ سر ءَ عمل کنگ ءَ آں، دوسال ءَ پد نوکیں اسلام آباد گندگ بیت، منصوبگ آنی تہ ءَ شفافیت ءَ را دل یکیمی کنگ بوھگ ءَ اِنت، شاہین چوک منصوبگ ھم گڈی بھر ءَ اِنت۔ آئی ءَ اسلام آباد ءِ نندوکیں مردمانی واستہ آپ ءِ جیڈھ ءَ را گیش ءُ گیوار کنگ ءِ ھم دل یکیمی داتگ۔ ایشی ءَ چہ پیسر مزن وزیر ءَ اقبال فلائی اوور ٹی چوک، اسلام آباد ایکسپریس وے سگنل فری راہداری ءِ بنگیج کت۔ آئی ءَ منصوبگ ءِ چار ءُ تپاسی ھم کت ءُ مزن وزیر ءَ را منصوبگ ءِ بابت ءَ سرجمیں بریفنگ دیگ بوت، ایشی ءِ تہ ءَ سرپدی دیگ بوت کہ راولپنڈی ءُ اسلام آباد ءِ نیام ءَ ٹریفک ءِ روانی ءَ را آسان کنگ ءِ واستہ 77روچ ءِ ریکارڈ وھد ءَ منصوبگ سرجم کنگ بوتگ ءُ ایشی ءِ سر ءَ یک ارب 40کروڑ کلدار ھرچ بوتگ۔