حکومت ڈیجیٹل، آئی ٹی معیشت، زراعت، زرعی ویلیو چین، معدنیات، کان کنی، جان سلامتی ءُ ہنرمندیں انسانی سرمایہ ءِ برآمدات ءِ شوبگ آنی تہ ءَ سازگاریں ماحولیاتی نظام ءِ جوڑ کنگ ءِ سر ءَ دلگوشی دیگ ءَ اِنت، وزیر خزانہ محمد اورنگزیب آئی ایف سی ءِ ڈل ءَ گوں گپ ءُ تران کنان

اسلام آباد۔18دسمبر  (اے پی پی):وفاقی وزیر خزانہ ءُ ریونیو سینیٹر محمد اورنگزیب ءَ گوشت کہ حکومت براہ راست مداخلت ءِ بدل ءَ ڈیجیٹل، آئی ٹی معیشت، زراعت، زرعی ویلیو چین، معدنیات، کان کنی، انسانی برآمدات ءُ ہنرمندیں شوبگ آنی تہ ءَ سازگاریں ماحولیاتی نظام ءِ جوڑ کنگ ءِ سر ءَ دلگوشی دیگ ءَ اِنت۔ آئی ئَ اے گپ پنچ شمبے ئِ روچ ئَ ادا انٹرنیشنل فنانس کارپوریشن ئِ ڈل ئَ گوں گند ئُُ نند ئَ گوشت اَنت۔ ڈل ءِ سروکی ءَ آئی ایف سی ءِ میاں اوستمانی، پاکستان ءُ اوگانستان ءِ ڈائریکٹر خواجہ آفتاب احمد ءَ کتگ وھدیکہ آئی ایف سی ءِ قائم مقام کنٹری منیجر پاکستان ناز خان ھم ساڑی بوتگ۔ گند ءُ نند ءِ تہ پاکستان ءُ آئی ایف سی ءِ نیام ءَ اسٹریٹجک کمک ءَ را گیش مھکم کنگ ءِ سر ءَ دلگوش گور کنگ بوت۔ فریقین ءَ خاص طور ءَ نجی سرمایہ کاری ءِ دیمروئی، سرکاری ءُ نجی شراکت داری ءَ را دیم ءَ برگ ءُ ہما گہتری کار ءِ حمایت کنگ ءِ سرا تران کت کہ ایشی ءَ چہ پائیدار دیمروئی ءُ روزگار پیداک بنت۔ آئی ایف سی ءِ ڈل ءَ وزیر ءِ ھزانگ ءَ را پاکستان ءَ سرمایہ کاری ءُ مشاورتی کاروائی آنی تہ ءَ وتی گیش بوھوکیں کرد ءِ بابت ءَ سرپدی دات ءُ بنجاہی کرنسی ءِ مالی کمک، نجی شوبگ ءِ سرمایہ کاری، ءُ پائیداری ءِ سر ءَ بنیات ءِ سر ءَ مشاورتی گامگیج آنی تہ ءَ نوکیں دیمروئی آنی سر ءَ چمشانک دات۔ دیوان ءَ سرکاری ءُ نجی شراکت داری ءِ فریم ورک ءِ کمک ءِ تہ آئی ایف سی ءِ گیش بوھوکیں کرد ءِ سر ءَ زور پر دات، ایشی ءِ تہ ءَ نجی شعبہ ءِ بھر زوری ءُ جدید ٹیکنالوجی ءِ وسیلگ ءَ شہری ءِ ازمت، وسیلگ آنی کارکردگی ءُ انفراسٹرکچر ءِ کارکردگی ءَ را گہتر کنگ ءِ گامگیج ھوار اَنت۔ گپ ءُ تران ءِ تہ ءَ منصوبگ ءِ تیاری ءَ را گہتر کنگ، گورننس ءَ را مھکم کنگ ءُ کلیدی سروس ڈیلیوری ءِ شوبگ آناں نجی سرمایہ ءِ راجیگ کنگ ءِ واستہ وفاقی ءُ صوبائی ادارگ آنی گوما برجاھیں کمک ءِ سر ءَ ھم چار ءُ تپاسی کنگ بوتگ۔ فریقین ءَ اے گپ ءِ سر ءَ زور پر دات کہ منظور بوتگیں لین دین آنی وھد ءِ سر ءَ سرجمی ءُ سرمایہ کاری ءِ پائپ لائن ءِ تہ ءَ رفتار ءِ برجائی مارکیٹ ءِ اعتماد ءَ را مھکم کنگ ءِ واستہ سک باز المی اِنت۔ گند ءُ نند ءَ پاکستان ءِ گہتری کاری اولویت آنی کمک ءِ واستہ مشورہ، مالی کمک ءُ رسک ءِ کمی ءِ وسیلگ آناں جوانیں رنگ ءَ کارمرد کنگ ءِ واستہ ورلڈ بینک گروپ ءِ تہ ءَ نزیکیں رابطہ ءِ ارزشت ءِ سر ءَ ھم چار ءُ تپاسی کنگ بوت۔ آئی ایف سی ءِ ڈل ءَ پاکستان ءُ گیشیں دمگ ءِ گوما سیادی ءَ را گیش مھکم کنگ ءِ ھاترا تنظیمی بندوبست آنی ھوالگ ءَ اپ ڈیٹ ھم شیئر کت، ایشی ءَ را وزیر ھزانگ ءَ وش اتک کت۔ حکومت ءِ اسٹریٹجک اولویت آنی سر ءَ چمشانک دیان ءَ وزیر ھزانگ ءَ گوشت کہ حکومت براہ راست مداخلت ءِ بدل ءَ توانائی ءِ ماحولیاتی نظام جوڑ کنگ ءِ سر ءَ دلگوشی دیگ ءَ اِنت ھاسیں رنگ ءَ ھما شوبگ آنی تہ ءَ کہ اودا روزگار ءِ پیداک کنگ ءُ درملکی زرّ ءِ آمدنی ءِ واستہ مزنیں گنجائش است اِنت، ایشی ءِ تہ ءَ ڈیجیٹل ءُ آئی ٹی ءِ معیشت، زراعت ءُ معدنیات ءِ چا، معدنیات ءُ ایگروپورٹ ءِ شوبگ ھوار اَنت۔ ہنرمندیں انسانی سرمایہ ءِ سرا کار کنت۔ آہاں اے گپ ءِ سر ءَ زور پر دات کہ اے شوبگ آنی تہ ءَ پیداواری ءُ مقابلہ ءِ تہ ءَ گہتری ءِ واستہ ٹیکنالوجی ءِ دیمروئی، ریگولیٹری سسٹم ءِ مھکم کنگ ءُ نجی شوبگ ءِ سروکی ءِ بنیاتی اِنت۔ نیمگ ءَ اے گپ ءِ سر ءَ تپاک کت کہ سرمایہ کاری ءُ مشاورتی کمک ءَ را پاکستان ءِ میاں اوستمانی دیمروئی ءِ اولویت آنی گوما یکجا کنگ بہ بیت، ایشی ءِ تہ ءَ روزگار ءِ پیداک کنگ، برآمدات ءِ سروکی ءَ دیمروئی ءِ سر ءَ ھاسیں دلگوشی دیگ بہ بیت۔ گند ءُ نند ءِ آسر ءَ کمک ءَ را گیش گہتر کنگ، اولیت ءِ گامگیج آنی سر ءَ عمل کنگ ءَ را ترند کنگ ءُ نجی سرمایہ کاری ءَ را متحرک کنگ ءُ پاکستان ءَ ھواریں اقتصادی دیمروئی ءَ را دیم ءَ برگ ءِ واستہ منظم شمولیت ءَ را برجاہ دارگ ءِ واستہ یکجائی جزم ءِ گوما آسر بوت۔