مچ آملک اٹی پولیو تورمہم برجا، مسہ دے اٹی 3 کروڑ 78 لکھ چناتے پڑی کنفنگا

اسلام آباد۔ 18 دسمبر (اے پی پی) مچ آملک اٹی برجاسال انا آخیریکو پولیو تور مہم چارمیکو دے ہم برجاءِ، مہم اٹی مسہ دے اٹی 3 کروڑ 78 لکھ آن زیات چناتے پولیو آن بچفنگ نا پڑی کنفنگا۔ قومی ایمرجنسی آپریشن سینٹر (این ای او سی) نا کنڈآن جاری سرجم حوال آتا رداٹ پنجاب اٹی 2 کروڑ 8 لکھ چناتے پولیو آن بچفنگ نا پڑی کنفنگا۔ سندھ اٹی 74 لکھ 18 ہزار چنا، خیبرپختونخوا ٹی 61 لکھ 5 ہزار آن زیات چنا، بلوچستان اٹی 21 لکھ 27 ہزار آن زیات چناوخت اس کہ اسلام آباد اٹی 4 لکھ 17 ہزار آن زیات چنا، گلگت بلتستان اٹی 2 لکھ 56 ہزار آن زیات چنا و آزاد کشمیر اٹی 6 لکھ 89 ہزار آن زیات چنا تے پولیو آن بچفنگ نا پڑی کنفنگا۔ مچ آملک اٹی پولیو تورمہم 15 آن 21 دسمبر اسکان برجاسلک۔ مہم اٹی 4 لکھ آن زیات پولیو ورکرز ہراُراغا ہنسا چناتے پولیو نا پڑی کنفنگ ءُ۔ این ای او سی نا کمامدارآک لمہ و باوہ غاتیان خواست کریر کہ او پولیو ٹیم آتون کمک کیرو تینا چناتے پولیو آن بچفنگ نا پڑی المی کنفر۔ اوپارے کہ پولیو اسہ لاعلاج ءُ مرض اسے ہرا چنا تے مچ آ زند اکن معذور کیک۔ اوپارے کہ لمہ و باوہ و کمیونٹی نا پبی کمک آن بیدس مہم نا سرسہبی ممکن اف۔