اسلام آباد۔ 18 دسمبر (اے پی پی) وزیراعظم محمد شہباز شریف لانس نائیک محمد محفوظ شہید تون اوار لمہ وطن نا دفاع کن تینا جان تے ندر کروک آ شہید آتے خراج عقیدت پیش کرساپارینے کہ پاکستانی قوم ءِ تینا غٹ شہید آتیا گمر ءِ، ننا بہادر گلزادہ غاک ہی پاکستان نا ناقابل تسخیر دفاع نا ضمانت ءُ ۔ لانس نائیک محمد محفوظ شہید (نشان حیدر) نا شہیدی دے …
وزیراعظم محمد شہباز شریف نا لانس نائیک محمد محفوظ شہید تون اوار لمہ وطن نا دفاع کن جان تے ندر کروک آ شہید آتے خراج عقیدت
گیشتریں ھال
اسلام آباد۔ 18 دسمبر (اے پی پی) وزیراعظم محمد شہباز شریف لانس نائیک محمد محفوظ شہید تون اوار لمہ وطن نا دفاع کن تینا جان تے ندر کروک آ شہید آتے خراج عقیدت پیش کرساپارینے کہ پاکستانی قوم ءِ تینا غٹ شہید آتیا گمر ءِ، ننا بہادر گلزادہ غاک ہی پاکستان نا ناقابل تسخیر دفاع نا ضمانت ءُ ۔ لانس نائیک محمد محفوظ شہید (نشان حیدر) نا شہیدی دے آ تینا کلہو اٹی وزیراعظم پارے کہ لانس نائیک محمد محفوظ شہید 1971 اٹی واہگہ اٹاری سیکٹر اٹی دشمن نا پیش گامی نا ہندن بے مٹ دلیری اٹ مقابلہ ءِ کرے ہرادے تاریخ اٹی یات تخنگک۔ وزیراعظم آفس نا میڈیا ونگ انا کنڈآن جاری بیان نا رداٹ وزیراعظم پارے کہ لانس نائیک محمد محفوظ شہید کون آ بہادر گلزادہ ہی پاکستان نا ناقابل تسخیر دفاع نا ضمانت ءِ۔اوپارے کہ 1971 اٹی لانس نائیک محمد محفوظ شہید تینا جیرت، دلیری وبہادری اٹ پک کرے کہ مچ آ قوم دفاع وطن کن سوگو ءُ دیوال اسے ءُ، لغور دشمن نا جلہو آن ٹھپی مننگ آن پد ہم لانس نائیک محمد محفوظ شہید میدان جنگ اٹی دشمن نا مقابلہ ءِ کرسا تاریخ اس نوشتہ کرے، اونا میدان جنگ اٹی تاریخی بہادری بروک آ چین تیکن ہم کسر نا ڈیواءِ۔
