دیمپانی اُرد ءِ سروک فیلڈ مارشل سید عاصم منیر ءَ لیبیا ءِ عرب سلاہ بندیں اُرد ءِ کمانڈر ان چیف فیلڈ مارشل خلیفہ بالقاسم حفتر ءُ ڈپٹی کمانڈر ان چیف لیفٹیننٹ جنرل صدام خلیفہ حفتر ءَ گوں گند ءُ نند کتگ

راولپنڈی۔ 18 دسمبر (اے پی پی): دیمپانی اُرد ءِ سروک آرمی چیف فیلڈ مارشل سید عاصم منیر ءَ لیبیا ءِ سرکاری تر ءُ تاب ءِ ساھت ءَ لیبیا ءِ عرب سلاہ بندیں اُرد ءِ کمانڈر ان چیف فیلڈ مارشل خلیفہ بالقاسم حفتر ءُُ لیبیا ءِ عرب سلاہ بندیں افواج ءِ ڈپٹی کمانڈر ان چیف لیفٹیننٹ جنرل صدام خلیفہ حفتر ءَ گوں گند ءُ نند کتگ۔ آئی ایس پی آر ءِ رد ءَ فیلڈ مارشل سید عاصم منیر ءِ آیگ ءَ پد لیبیا ءِ سلاہ بندیں اُرد ءِ یک سلاھ بندیں دستہ ءَ فیلڈ مارشل ءَ را گارڈ آف آنر پیش کتگ۔ فیلڈ مارشل ءُ خلیفہ حفتر ءِ نیام ءَ گند ءُ نند ءَ وت مہ وتی مفاد ءِ جیڈھ، دمگی سیکورٹی ءِ جاور ءُ دو نیمگی دفاع ءُ فوجی کمک ءَ را گیش کنگ ءِ راہ ءُ درانی سر ءَ گپ ءُ تران کنگ بوت۔ دوئیں نیمگ ءَ ٹریننگ، ظرفیت سازی ءُ انسداد ناشرکاری ءِ شوبگ آنی تہ ءَ کمک ءِ ارزشت ءِ سر ءَ زور پر دات۔ فیلڈ مارشل سید عاصم منیر ءَ یکجائی سیت آنی بنیاد ءَ لیبیا ءِ گوما دفاعی سیادی ءَ را مھکم کنگ ءِ واستہ پاکستان ءِ جزم ءِ سر ءَ زور پر دات۔ فیلڈ مارشل خلیفہ حفتر ءَ پاکستانی سلاہ بندیں اُرد ءِ پیشہ وارانہ رنگ ءَ ساڑات ءُ دوئیں ملک آنی نیام ءَ دفاعی کمک ءَ را گیش پراھ کنگ ءِ واھشت ءِ درشان کت۔