ورلڈ بینک ءِ ملکی ڈائریکٹر بولورما امگبازار ءَ وفاقی وزیر علی پرویز ملک ءَ گوں گند ءُ نند کتگ

اسلام آباد۔ 18 دسمبر (اے پی پی): پٹرولیم ءِ وفاقی وزیر علی پرویز ملک ءَ گوں ورلڈ بینک ءِ پاکستان ءِ ملکی ڈائریکٹر بولورما امگبازار ءَ گند ءُُ نند کت۔ گند ءُُ نند ءَ پاکستان ءِ توانائی ءِ شوبگ ءَ برجاھیں ءُ آیوکیں اصلاحات ھاسیں رنگ ءَ گیس ءِ شوبگ ءِ برجائی ءِ سر ءَ ھیال ءُ لیکہ کنگ بوت۔ پٹرولیم ڈویژن ءِ جارکش ءِ رد ءَ اے موہ ءِ سر ءَ بولورما امگابازار ءَ پٹرولیم ڈویژن ءِ کوشست آناں ساڑات کہ آ دیریں ایل این جی ءِ جیڈھ ءَ را سوبمندیں رنگ ءَ گیواری کنگ ءَ اَنت۔ آئی ءَ گوشت کہ ایل این جی چیلنج ءِ گیواری آسانیں کار نہ بوتگ ءُُ گیس ءِ شوبگ ءِ برجائی ءِ واستہ وزیر پٹرولیم ءِ ذاتی عزم ءَ را ستا کرزیں لیک اتگ۔ آئی ءَ گیس ءِ شوبگ ءِ اصلاحات ءِ دیمروئی ءِ تہ ءَ ورلڈ بینک ءِ پٹرولیم ڈویژن ءِ برجاھیں کمک ءِ دل یکیمی دات ءُُ ایل پی جی ءِ شوبگ ءِ اصلاحات ءُُ اوگرا ءِ گنجائش سازی ءِ تہ ءَ وت مہ وتی کمک ءِ واستہ تیاری ءِ درشان کت۔ آئی ءَ گوشت کہ ورلڈ بینک پیسر ءَ چہ گیس ءِ شوبگ ءِ اصلاحات ءِ واستہ یک سرجمیں روڈ میپ ءِ تیاری ءِ واستہ وزارت ءِ گوما کار کنگ ءَ اِنت، ایشی ءِ تہ ءَ سوئی گیس کمپنی آنی کارکردگی ءُُ کارکردگی ءَ را گہتر کنگ ءُُ ان بنڈلنگ ءِ گامگیج ھوار اَنت۔ اے موہ ءِ سر ءَ وفاقی وزیر علی پرویز ملک ءَ ورلڈ بینک ءِ کنٹری ڈائریکٹر ءِ منت گپت کہ آئی ءَ ایل این جی ءِ جیڈھ ءِ گیواری ءِ واستہ حکومت ءِ کوشست آناں من اِتگ۔ آئی ءَ گوشت کہ حکومت گیس ءِ شوبگ ءِ دراجیں مدت ءِ برجائی ءِ واستہ اصلاحات ءِ ایجنڈا ءِ سر ءَ مھکمیں رنگ ءَ جزم اِنت۔ وفاقی وزیر ءَ ورلڈ بینک ءِ تجزیاتی رپورٹ ءُُ کار آناں ساڑات ءُُ آھاں اسٹریٹجک وژنری ءُُ آیوکیں وھد ءِ رد ءَ گشتگ۔ آئی ءَ گوشت کہ ھوا ءِ کوالٹی انڈیکس ءَ را گہتر کنگ حکومت ءِ یک مستریں ترجیح انت ایشی ءِ واستہ ایندھن ءِ کوالٹی ءَ را گہتر کنگ ءِ کوشست بوھگ ءَ انت ءُُ اے مول ءُُ مراد ءِ سرجمی ءِ واستہ پاکستان ءِ ریفائنری آناں اپ گریڈ کنگ المی انت۔ گند ءُ نند ءَ دوئیں نیمگ ءَ پاکستان ءِ توان ءِ شوبگ ءَ اصلاحات ءُ مھکمیں دیمروئی ءِ مول ءُُ مراد آنی سر ءَ سر بوھگ ءِ واستہ وت مہ وتی کمک ءَ را برجاہ دارگ ءِ واستہ وتی جزم ءِ سر ءَ زور پر دات۔