منصوبہ بندی ءِ وفاقی وزیر احسن اقبال ءَ ریلوے ءِ وفاقی وزیر محمد حنیف عباسی ءَ گوں گند ءُ نند

اسلام آباد۔ 18 دسمبر (اے پی پی): منصوبگ بندی ءِ وفاقی وزیر احسن اقبال ءَ ریلوے ءِ وفاقی وزیر محمد حنیف عباسی ءَ گوں گند ءُُ نند کت۔ حنیف عباسی ءَ پاکستان ریلوے ءِ تہ برجاھیں اصلاحات ءُ دیمروئی ءِ گامگیج، ڈیجیٹلائزیشن، سیکورٹی، مسافر آنی آسراتی ءُ ایم ایل ون منصوبگ ءِ سر ءَ پیشرفت ءِ بابت ءَ سرپد کت۔ وفاقی وزیر احسن اقبال ءَ پاک ریلوے ءِ تہا اصلاحات، نوکیں گامگیج ءُُ گہتریں کارکردگی ءِ توسیپ کت ءُُ لاہور ناروال ٹرین ءِ اپ گریڈ کنگ ءِ ھاتر ءَ ریلوے ءِ وزیر محمد حنیف عباسی ءِ منت گپت۔ منصوبہ بندی ءِ وفاقی وزیر احسن اقبال ءَ ناروال ریلوے اسٹیشن ءِ گیش دیمروئی ءِ لوٹ کتگ کہ آئی ءَ را ریلوے ءِ وفاقی وزیر محمد حنیف عباسی ءَ ناروال اسٹیشن ءِ گہتری ءُُ گیش دیمروئی ءِ گامگیج آنی دل یکیمی داتگ۔ گند ءُ نند ءِ تہ دوئیں وزیر آں مزن وزیر ءِ وژن ءِ رد ءَ ریلوے ءِ نظام ءَ را نوکیں ءُ الس دوست جوڑ کنگ ءِ وتی جزم ءِ پدا زور دات۔