ہندوستان ءَ زالبولیں ڈاکٹر ءِ نقاب ءِ کشگ ءُ آسٹریلیا ءَ ناشرکاری ءِ واقعہ جمعہ ءِ روچ ءَ وعظانی تہا مذمت کنگ بنت، حافظ طاہر اشرفی ءِ پریس کانفرنس

اسلام آباد۔ 18 دسمبر (اے پی پی): پاکستان علماء کونسل ءِ چیئرمین حافظ محمد طاہر محمود اشرفی ءَ گشتگ کہ ہندوستان ءَ زالبولیں ڈاکٹر ءِ چادر ءِ کشگ ءُ آسٹریلیا ءَ ناشرکاری ءِ واقعہ ءِ جمعہ ءِ روچ ءَ سرجمیں دنیا ءَ (مرچی) وعظانی تہا مذمت کنگ بیت۔ اے وھد ءَ بھارت دگنیا ءِ مستریں ناشرکاریں ریاست اِنت۔ سرجمیں دنیا ءَ ہندوستان ءِ اے رُعب ءُ دبدبہ ءُ بربریت ءِ دیم ءَ اوشتگی اِنت۔ پاکستان ھما کار ءِ بھر نہ بیت کہ فلسطینی راج ءَ تاوان بہ دنت یا فلسطینی راج ءِ نیت ءِ ھلاپ بہ بیت۔ پنچ شمبے ءِ روچ ءَ ادا یک پریس کانفرنس ءِ تہ ءَ حافظ محمد طاہر محمود اشرفی ءَ گوشت کہ سئے روچ پیسر بھارت ءَ بہار ءِ سر وزیر ءَ یک مسلمانیں جنینے ءِ حجاب ءَ را بے دردی ءَ چہ کشگ ءِ کوشست کتگ وھدے کہ آئی ءَ را وتی تقرری ءِ نمدی رسگ ءَ ات ءُُ پدا اودا اودا سیاست دان آنی بدل ءَ آئی ءِ مذمت کنگ ءَ انت۔ سرجمیں دنیا ءَ ءُ چہ اقوام متحدہ ءَ بگر داں انسانی حقانی میان استمانی ادارہاں اے گپ ناپسندیں گپ لیک اِتگ۔ آئی ءَ گوشت کہ پاکستان علماء کونسل ءَ پیسلہ کتگ کہ پاکستان، ھندوستان، بنگلہ دیش ءُ اسلامی دگنیا ءِ توامیں مسلمان جمعہ ءِ خطباں (مرچی) اے کارروائی ءِ مذمت ءَ بہ کن اَنت۔ آئی ءَ گوشت کہ بھارت اے وھد ءَ دگنیا ءِ مستریں ناشرکاریں ملک انت۔ اندری لحاظ ءَ ہندوستان ءَ اقلیتانی حق غصب کنگ بوہگ ءَ انت۔ ہندوستان ءَ اقلیتانی سرا چے کنگ بوہگ ءَ انت آ درستانی دیم ءَ انت۔ اے ھم درائیں چماں گندگ بوتگ کہ آسٹریلیا ءَ بوتگیں ناشرکاری ھم گوں ھندی شھر حیدرآباد دکن ءِ اے ناشرکار ءَ ھمگرنچ اِنت۔ آسٹریلوی ہائی کمیشن یکوئی ءِ درشان کنگ ءِ ھاترا آسٹریلیا ءَ شتگ۔ آسٹریلوی ہائی کمیشن ءَ اے گپ ءِ پدرائی کتگ کہ ناشرکار ءِ سیادی گوں ہندوستان ءَ انت۔ آئی ءَ گوشت کہ ھندوستان ءِ اے ناشرکاری، زالم ءُ بربریت ءِ ھلاپ ءَ سرجمیں دگنیا ءَ اوشتگی بیت۔ ہندوستان ءِ عیسائی کمیونٹی وتی مقدسیں روچانی تہا گھیر کنگ بوہگ ءَ انت۔ سرجمیں دنیا ءَ اے گپ ءِ نیمگ ءَ دلگوش دیگی اِنت۔ آئی ءَ گوشت کہ اے وئیل آناں سرجمیں دگنیا ءَ ھوار اسلامی ملک آنی تہ ءَ جمعہ ءِ روچ ءَ وعظ آنی تہ ءَ مذمت کنگ بیت، قرارداد منظور کنگ بنت، ءُُ آسٹریلیا ءِ تہ ءَ ناشرکاری ءِ ھم مذمت کنگ بیت۔ اسلام ءِ دین چہ ھرچ رُعب ءُ دبدبہ ءَ پاک اِنت۔ آسٹریلیا ءِ ناشرکاری وئیل ءِ پٹ ءُ پول کنگ بہ بیت، اے پٹ ءُ پول کنگ بہ بیت کہ اے وئیل ءَ ہندوستانی انٹیلی جنس ادارہانی دست مان بوتگ یا نہ۔ آئی ءَ لوٹ کتگ کہ بھارت ءَ مسلمان ءُ اقلیت آنی گوما سلوک ءِ سر ءَ او آئی سی متحرک کنگ بہ بیت، سیکرٹری جنرل اے درگت ءَ دگنیا ءَ را سرپد بہ کنت۔ آئی ءَ گوشت کہ حجاب مسلمان آنی شعار اِنت، اسلام ءِ تعلیمات آنی تہ ءَ حجاب ءِ ھوالگ ءَ ھاسیں پرمان است اَنت۔ ہندوستان ناشرکاری ءُ ناشرکاری ءِ مرکز جوڑ بوتگ ءُ ہرکس ایشی ءِ ہلاپ ءَ توار چست بہ کنت۔ آئی ءَ گْوشتگ کہ پاکستان ءِ زیبائیں دیم ٹُکّر کنگ بوتگ، شُتگیں مردمانی یک گلے شپ ءُ روچ کوشست کنگ ءَ اِنت کہ پاکستان، پاکستان ءِ لشکر، ءُ پاکستان ءِ یکوئی ءِ ھلاپ ءَ چیزے جیڑھے چست بہ کنت۔ آئی ءَ گوشت کہ پاکستان ءِ حکومت ءَ وتی موقف تچک کتگ کہ فلسطین مئے متفقہ جیڈھ انت، پاکستان کدی چوشیں کارے نہ کنت کہ فلسطینی آناں ھچ رنگ ءَ تاوان بہ دنت۔ پاکستان ھما کارروائی ءِ بھر نہ بیت کہ فلسطینی راج ءَ تاوان بہ دنت یا فلسطینی راج ءِ نیت ءِ ھلاپ بہ بیت۔ ما یک آجوئیں فلسطین ءِ لوٹ کنیں کہ آئی ءِ دارالحکومت القدس الشریف بہ بیت۔