مزن وزیر شہباز شریف ءَ راجی اسمبلی ءِ اقلیت ءِ باسک آنی ڈل ءَ گوں گند ءُُ نند ءَ گوشت کہ حکومت اقلیت آنی وشھالی، دیمروئی ءُ رکھینگ ءِ واستہ درستیں المی گامگیج آنی رد ءَ دل یکیم انت

اسلام آباد۔ 18 دسمبر (اے پی پی): مزن وزیر محمد شہباز شریف ءَ گوشت کہ اقلیت پاکستان ءِ چاگردی ءُ اقتصادی نظام ءِ یک ھاسیں بھرے، آھاں پاکستان ءِ آئین ءِ تہ ءَ سرجمیں مذھبی آجوئی، برابریں ھک ءُُ رکھینگ ھست، حکومت اقلیت آنی وشھالی، دیمروئی ءُُ رکھینگ ءِ واستہ درستیں المی گامگیج آناں دل یکیمی کنت۔ اے ھیالانی درشانی آئی ءَ راجی اسمبلی ءِ اقلیت ءِ باسک آنی ڈل ءَ گوں تران کنان ءَ کت آھاں پنچ شمبے ءِ روچ ءَ ایوان ءِ گند ءُُ نند کت۔ ڈل ءِ تہ ءَ مذھبی کارانی وزیر ءِ مملکت خیل داس کوہستانی، ڈاکٹر درشن، نیلسن عظیم، اسفنبھنڈارا، نیلم، سنجے پروانی، رمیش کمار، نوید عامر ءُ رمیش لال ھوار اتنت۔ گند ءُُ نند ءَ ملک ءَ اقلیت آنی ھک ، آھانی وشھالی ءُ راجی مین اسٹریم ءِ تہ ءَ آھانی جوانیں کرد ءِ سر ءَ سرجمیں رنگ ءَ گپ ءُُ تران کنگ بوت۔ مزن وزیر ئَ گوشت کہ اقلیت پاکستان ئِ چاگردی ئُُ اقتصادی نظام ئِ یک ھاسیں بھر اَنت، پاکستان ئِ آئین ئَ آھاں سرجمی ئَ مذہبی آجوئی، برابر ئِ ھک ءُ رکھینگ ئَ داتگ۔ حکومت اقلیت آنی وشھالی، دیمروئی ءُُ رکھینگ ءِ واستہ ھرچ وڑیں گامگیج زورگ ءَ برجاہ اِنت۔ قومی اسمبلی ءِ اقلیت ءِ باسک آں اقلیت آنی گہبود ءِ واستہ حکومتی کوشست آناں ساڑات ءُُ مزن وزیر ءِ شگر ءُُ منت گپت۔ اقلیتی کمیونٹی ءِ دیم ءَ اتکگیں جیڑہ ءُ سوج آنی بابت ءَ ھم سرپدی دات۔ مزن وزیر ءَ اقلیت ءِ کمیونٹی ءِ جیڈھ آناں گیواری ءُُ آوانی ھوار کنگ ءَ را گیش مھکم کنگ ءِ واستہ ھمک رنگ ءِ کمک ءِ دل یکیمی دات۔