اوورسیز پاکستانی ملک ءِ ارزشت داریں اثاثہ ءُُ اقتصادی استحکام ءِ ضمانت انت، سلاہ بندیں اُرد ءِ قربانی پاکستان ءِ حاکمیت ءُُ بقا ءِ بنیاد انت، وفاقی وزیر قیسر احمد شیخ ءَ ھاسیں سیمینار ءَ گوں تران

اسلام آباد۔18 دسمبر (اے پی پی): سرمایہ کاری ءِ وفاقی وزیر قیصر احمد شیخ ءَ گوشت کہ درملک ءِ پاکستانی ملک ءِ ارزشتی ایں اثاثہ ءُُ اقتصادی برجائی ءِ ضمانت انت، سلاہ بندیں اُرد آنی قربانی پاکستان ءِ وت واجہی ءُُ بقا ءِ بنیات انت۔ آئی ءَ اے ھیالانی درشانی اوورسیز پاکستانیز گروپ ءُ پاکستان ایکس سروسمین سوسائٹی ءِ نیمگ ءَ اسلام آباد ءَ برجم داشتگیں ھاسیں سیمینار ءَ گوں گشتانک دیان ءَ کت کہ ایشی ءِ تہ ءَ پاکستان ءِ شھید آناں شرپ ءُ شان کنگ، سلاہ بندیں اُرد ءِ گوما یکوئی ءِ درشان کنگ ءُ قائداعظم ءِ پیدائش ءِ درگت ءَ درگیجگ بوتگ۔ پاکستان پیسریگیں سروس مین سوسائٹی ءِ صدر لیفٹیننٹ جنرل (ریٹائرڈ) عبدالقیوم، اوورسیز پاکستان گروپ ءِ سروک بیرسٹر شہزادہ حیات، پیسریگیں ایئر چیف مارشل سہیل امان ءِ مہمان بوتگ انت۔ مراگش ءَ لیفٹیننٹ جنرل ڈاکٹر اظہر کیانی، وائس ایڈمرل احمد سعید، پیسریگیں کیئرٹیکر وزیر داخلہ میجر ملک حبیب، بریگیڈیئر آصف ہارون ءُ کموڈور ارشد محمود ءِ ھواریں سینئر آنی ھوار ھوار اتنت۔ مراگش ءِ مول ءُ مراد پاکستان ءِ شھید آناں یات کنگ، سلاہ بندیں اُرد ءِ گوما یکوئی ءِ درشان کنگ ءُ پاکستان ءِ بن ھشت ایر کنوک قائداعظم محمد علی جناح ءِ 149 سالی روچ ءِ درگت ءَ آئی ءِ یات کنگ بوتگ۔ وفاقی وزیر ءَ اے گپ ءِ سر ءَ زور پر دات کہ حکومت مدام سرمایہ کار آنی دلبڈی بحال کنگ ءُُ پاکستان ءَ را دلکشیں سرمایہ کاری مرکز جوڑ کنگ ءِ واستہ کوشست کنگ ءَ انت۔ وفاقی وزیر قیصر شیخ ءَ گوشت کہ اے مراگش پاکستان ءِ قربانی ءُُ یکوئی ءِ وڑیں بنیاتی ارزشت آنی درشان اِنت۔ آئی ئَ شہید آناں ستا کرتگ ئُُ ملک ئِ حاکمیت ءُ برجائی ءِ رکھینگ ئَ سلاہ بندیں اُرد آنی کرد ساڑاتگ۔ قائداعظم ءِ نظم و ضبط، کانود ءِ حاکمیت ءُ راجی یکوئی ءِ آدرش آناں ملک ءِ دیمروئی ءِ واستہ المی لیکگ ءَ وفاقی وزیر ءَ معیشت ءُُ جھان ءِ پڑ ءَ پاکستان ءِ جوانیں عکس ءِ پیش کنگ ءِ تہ ءَ درملکیں پاکستانی آنی کرد ءِ سر ءَ زور پر دات ءُُ سرمایہ کار آنی اعتماد ءِ بحالی ءِ واستہ حکومت ءِ عزم ءِ سر ءَ زور پر دات۔ سینیٹر لیفٹیننٹ جنرل (ریٹائرڈ) عبدالقیوم ءَ درملکیں پاکستانی آناں ملک ءِ اقتصادی جوگلر ءُُ سفیر لیک اتگ ءُ بیرسٹر شہزادہ حیات ءِ کوشست آنی توسیپ کتگ۔ آئی ءَ ھشدار داتگ کہ پاکستان ءَ را ہائبرڈ ءُُ غیر روایتی ھترہ آنی دیم ءَ انت کہ ایشی ءِ مول ءُُ مراد ریاستی ادارگ آناں نشانگ جوڑ کنان ءَ ملک ءَ را بے رھبند کنگ انت۔ ادارہانی سرا اُرش اسل ءَ پاکستان ءِ سرا اُرش انت کہ آئی ءِ مول ءُ مراد ملک ءَ بے سلاہ کنگ ءُ نزور کنگ انت بلے دژمن کدی اے پندلانی تہا سوبین نہ بیت۔ آئی ءَ راجدپتر ءَ چہ دربرگ ءُُ قائد ءِ اصولانی سر ءَ عمل کنگ ءِ وھد ءَ یکجا بوھگ ءِ اپیل کتگ۔ پیسریگیں ایئر چیف مارشل سہیل امان ءَ وتی گشتانک ءِ تہ ءَ نوکیں دفاع ءِ تہ ءَ ایئر پاور ءُُ ٹیکنالوجی ءِ ارزشت ءِ سر ءَ زور پر دات۔ آئی ءَ گوشت کہ آیوکیں جنگ ایوک ءَ روایتی جنگ ءِ وسیلگ ءَ نہ بلکینگ ءَ سائبر، الیکٹرانک ءُ انفارمیشن وار ءِ وسیلگ ءَ کنگ بنت۔ آئی ءَ پٹ ءُ پول، آپریشن ءُ نوآبادیاتی ءِ یکے دومی ءَ گوں سیادی ءِ ضلورت ءُ راجی مفاد ءَ را اولیت دیگ ءَ دگہ مردمانی جنگاں چہ دور بوھگ ءِ ضلورت ءِ سر ءَ زور پر دات۔ بین الاقوامی یکوئی فورم ءِ صدر بیرسٹر شہزاد حیات ءَ نوکیں جنگانی تہا ہوائی برتری ءِ ارزشت ءِ ذکر کنان ءَ گشتگ کہ راجدپتر گواہ انت کہ ہوائی برتری ءِ ہست نہ بوہگ ءَ چہ مھکمیں زمینی فوج ہم بے اثر بیت۔ آئی ءَ گوشت کہ اوورسیز پاکستانی ملک ءِ حاکمیت ءُُ سلاہ بندیں اُرد ءِ کمک ءِ سر ءَ ھچبر سمجھوتہ نہ کن اَنت۔ آئی ءَ پیسریگیں فوجی آنی ازمت آناں ساڑات ءُُ گوشت کہ لاکھوں ریٹائرڈ اُرد مرچی ھم ملک ءِ کال ءِ پسو دیگ ءَ تیار اَنت۔ آئی ءَ گیش کرتگ کہ وھدے راجی ایمنی ءِ گپ کیت گڑا درستیں پاکستانی یکیں راج جوڑ بنت۔ بیرسٹر حیات ءَ سینیٹر عبدالقیوم ءُُ وفاقی وزیر قیصر شیخ ءِ کشمیر ءِ جیڈھ ءُُ پاکستان ءِ موقف ءَ را میاں اوستمانی تک ءَ ھاسیں رنگ ءَ برطانیہ ءَ جوانیں رنگ ءَ پیش کنگ ءِ کوشست آناں ھم مزنیں شگر ءُُ منت گپت۔ سیمینار ءِ گڈ سر ءَ سلاہ بندیں اُرد ءِ گوما یکوئی ءُ مھکم ءُ وشھالیں پاکستان ءِ واستہ قائداعظم ءِ وژن ءِ سر ءَ عمل کنگ ءِ عزم ءِ پدا زور پر دیگ بوت۔