مزن وزیر ءِ صنعت ءُ پیداوار ءِ بابت ءَ ھاسیں کمکار ہارون اختر خان ءَ چمن چیمبر آف کامرس اینڈ انڈسٹری ءِ ڈل ءَ گوں گند ءُ نند کتگ

اسلام آباد۔ 18دسمبر (اے پی پی): چمن چیمبر آف کامرس اینڈ انڈسٹری ءِ ڈل ءَ مزن وزیر ءِ صنعت ءُ پیداوار ءِ باروا ھاسیں کمکار ہارون اختر خان ءَ گوں گند ءُ نند کت۔ دیوان ءِ تہ ءَ صنعت آنی ایڈیشنل سیکرٹری ءُُ سمیڈا ءِ چیف ایگزیکٹو آفیسر نادیہ سیٹھ ءَ ھم بھر زوری کتگ۔ گند ءُ نند ءَ چمن چیمبر ءُ کسان ءُ میان استمانی کاروباری ادارگ آنی دیم ءَ اوشتاتگیں جیڈھ، تجارتی آسراتی ءُ صنعتی دیمروئی ءِ جیڈھ آنی سر ءَ سرجمی ءَ گپ ءُ تران کنگ بوت۔ چمن چیمبر ءَ اے گپ ءِ سر ءَ زور پر دات کہ چمن یک ملین ءَ چہ گیش آبادی ، تجارت ، ٹرانسپورٹ ءُُ سرحد ءِ سرا کاروبار ءِ سبب ءَ یک ھاسیں ایس ایم ای ہب جوڑ بوتگ۔ چمن چیمبر ءَ لوٹ کتگ کہ چمن صنعتی زون ءَ را وفاقی صنعتی اسکیم ءُُ کمکی پروگرامانی تہا ہوار کنگ بہ بیت، صنعتی کارانی دیمروئی ءِ ھاتر ءَ پیشہ وارانہ ءُُ تکنیکی تربیت ءِ مرکز جوڑ کنگ بہ بیت، حکومت ءِ کمک ءَ یک مشترکہ آسراتی ءِ مرکز جوڑ کنگ بہ بیت، برآمداتی آسراتی ءِ میز جوڑ کنگ بہ بیت ءُُ چمن ءِ ھاتر ءَ ھاسیں کمک ءِ دیمروئی کنگ بہ بیت۔ صنعتاں چہ دیم ءَ اتکگ۔ اے موہ ءِ سر ءَ ہارون اختر خان ءَ مزن وزیر شہباز شریف ءِ چمن چیمبر ءَ را ایس ایم ایز ءِ دیمروئی ءِ واستہ وژن ءِ بابت ءَ سرپد کت ءُ گوشت کہ مزن وزیر ءَ ہدایت کتگ کہ ملک ءِ ہر ایس ایم ای ءَ را آسراتی ءُ دیمروئی دیگ بہ بیت۔ سرحد ءِ سرا تجارت ءِ تہا چمن چیمبر ءِ کلیدی کرد ءِ ساڑاھگ ءَ آئی ءَ دل یکیمی دات کہ چمن چیمبر ءَ را توامیں دیمروئی پروگرام ءُُ ہمگرنچیں کمیٹی آنی تہ ءَ ہوار کنگ بیت۔ آئی ءَ گوشت کہ چمن ءَ ایس ایم ای ڈی اے ءُُ پاکستان انڈسٹریل ٹیکنیکل سپورٹ سینٹر ءِ کمک ءَ ٹیکنیکل ءُُ پیشہ وارانہ تربیت ءِ مرکز جوڑ کنگ بیت وھدیکہ چمن ءِ سیم سر ءَ یک مشترکہ آسراتی مرکز ءِ جوڑ کنگ ایس ایم ایز ءِ واستہ کمکی بیت۔ آئی ءَ گیش گوشت کہ حکومت زرعی پروسیسنگ ءُ کولڈ چین منصوبگ آنی سر ءَ کار کنگ ءَ اِنت ءُُ چمن ھم اے منصوبگ آنی تہ ءَ ھوار کنگ بیت۔ ہارون اختر خان ءَ اسمیڈا ءَ را ہدایت کت کہ آ چمن چیمبر ءِ جوانیں آسراتی ءُ عملی آسراتی ءَ را دل یکیمی بہ کنت ءُ چمن چیمبر ءَ را ایس ایم ایز ءِ واستہ سرجمیں حکومتی کمک ءِ دل یکیمی دات۔