شہباز شریف ءِ گشگ انت کہ حکومت آئی ٹی ءِ شوبگ ءَ مردمی قوت ءِ تکنیکی تربیت، ٹیکس ءِ آسراتی ءُ دگہ گہتری ءِ نیمگ ءَ کار کنگ ءَ انت

اسلام آباد۔ 18دسمبر (اے پی پی) مزن وزیر محمد شہباز شریف ءَ را اقتصادی دیمروئی ءِ واستہ آئی ٹی ءِ شوبگ ءَ اصلاحات ءِ ھوالگ ءَ سفارش پیش کنگ بوتگ وھدیکہ مزن وزیر ءَ گوشت کہ حکومت آئی ٹی ءِ شوبگ ءَ مردمی قوت ءِ ٹیکنیکل ٹریننگ، ٹیکس ءِ آسراتی ءُُ اے دگہ گہتری آنی نیمگ ءَ کار کنگ ءَ انت۔ پنچ شمبے ءِ روچ ءَ مزن وزیر کارگس ءِ میڈیا ونگ ءِ نیمگ ءَ جاڑی بوتگیں بیان ءِ رد ءَ آئی ءَ اے ھیالانی درشانی اقتصادی دیمروئی ءِ واستہ آئی ٹی شوبگ ءِ واستہ جوڑ بوتگیں پرائیویٹ سیکٹر ورکنگ گروپ ءِ دیوان ءِ سروکی ءَ کت۔ گند ءُ نند ءَ وفاقی وزیر ڈاکٹر احسن اقبال، جام کمال خان، محمد اورنگزیب، ڈاکٹر مصدق مسعود ملک، احد خان چیما، عطا اللہ تراڑ، شزہ فاطمہ خواجہ، وزیر مملکت ءِ ھزانگ ءِ کارگس بلال اظہر کیانی، سیادی داروکیں کارگس ءِ ھاسیں کمکار ہارون فقیر اختر ءُ ھاسیں کمکار ہارون اختر ءَ بہر زرتگ۔ گند ءُ نند ءَ مزن وزیر ءَ را ڈیجیٹل معیشت ءِ پراھ ءُ شاھگانی، آئی ٹی ءِ برآمدات ءِ تہ ءَ گیشی ءُ آئی ٹی ءِ شوبگ ءَ اے دگہ اصلاحات ءِ ھوالگ ءَ سفارش پیش کنگ بوت۔ مزن وزیر ءَ آصف پیر ءِ سروکی ءَ جوڑ بوتگیں کمیٹی ءِ سفارش آناں وش اتک کت ءُُ گوشت کہ معاشی جیڈھ آنی باوجود ملک ءِ آئی ٹی شوبگ ءَ دیمروئی کتگ، آئی ٹی ءِ برآمدات ءِ تہ ءَ کم کم ءَ گیشی سک باز وش اتک کنگ بیت، آئی ٹی ٹیکنیکل ٹریننگ ءِ واستہ درستیں گامگیج پاکستانی ورنا آناں گلوبل آئی ٹی ورک فورس ءِ تہ ءَ تجربہ کاریں آئی ٹی ورک فورس ءِ رنگ ءَ دیم ءَ آرگ ءِ سر ءَ دلگوش انت۔ مزن وزیر ءَ گوشت کہ ورنا آنی واستہ روزگار ءِ موہ پیداک کنگ ءُُ ملک ءَ آئی ٹی انفراسٹرکچر ءِ گہتری ءِ واستہ گیشاں چہ گیش گامگیج چست کنگ بہ بیت۔ آئی ءَ گوشت کہ ڈیجیٹل معیشت ءِ دیمروئی ءِ واستہ صارف آنی انٹرنیٹ ءِ رسائی ءِ سر ءَ بندوک اِنت۔ مزن وزیر ءَ وزیر ھزانگ ءِ سروکی ءَ جوڑ بوتگیں مزن تک ءِ کمیٹی ءَ را ہدایت کت کہ آ دیوان ءَ پیش کتگیں سفارشانی چار ءُُ تپاسی ءَ بہ کنت ءُُ دو ہفتگ ءِ اندر ءَ رپورٹ پیش بہ کنت۔ دیوان ءَ ڈیٹا بیسڈ گورننس ماڈل ءِ جوڑیشت ءِ ھوالگ ءَ سرپد کنگ بوت۔ دیوان ءَ برآمدات ءِ واستہ مارکیٹ ءِ بہر ءَ را گیش کنگ، پاکستان سافٹ ویئر ایکسپورٹ بورڈ ءِ سرجمیں ڈیجیٹلائزیشن، ای روزگار اسکیم ءُُ نجی شعبہ ءِ نیمگ ءَ اسٹارٹ اپ انوویشن ایکوسسٹم ءِ وڑیں گامگیج آنی سر ءَ حکومت ءِ گامگیج آناں ساڑات۔