کوئٹہ۔ 18 دسمبر (اے پی پی) چیئرمین قائمہ کمیٹی دفاع پیدوار سینیٹر محمد عبدالقادر پارینے کہ بلوچستان اٹی صنعتی شونداری آن صوبہ ٹی زرگزرانی انقلاب بریک ، بلوچستان نا معدنی وسیلہ غاتیا مچ آ دنیا نا خنک خلوک ءُ، حب اٹی آئل ریفائنری ڈٹ بلوچستان اٹی صنعتی شونداری، توانائی نا بشخ اٹی خودکفالت و روزگارنا گیشتر وارخواہی ودی کننگ اٹ اہم کڑد ادا کیک ہنداسوب آن حکومت ڈٹ آتا …
بلوچستان اٹی صنعتی شونداری آن صوبہ ٹی زرگزرانی انقلاب بریک ،چیئرمین قائمہ کمیٹی دفاع پیدوار سینیٹر محمد عبدالقادر
گیشتریں ھال
کوئٹہ۔ 18 دسمبر (اے پی پی) چیئرمین قائمہ کمیٹی دفاع پیدوار سینیٹر محمد عبدالقادر پارینے کہ بلوچستان اٹی صنعتی شونداری آن صوبہ ٹی زرگزرانی انقلاب بریک ، بلوچستان نا معدنی وسیلہ غاتیا مچ آ دنیا نا خنک خلوک ءُ، حب اٹی آئل ریفائنری ڈٹ بلوچستان اٹی صنعتی شونداری، توانائی نا بشخ اٹی خودکفالت و روزگارنا گیشتر وارخواہی ودی کننگ اٹ اہم کڑد ادا کیک ہنداسوب آن حکومت ڈٹ آتا کسر اٹ بروک آ غٹ اڑاند اتے دمدستی چٹفے تانکہ صوبہ نا شونداری نا رفتار برقرار سلے ، صوبائی حکومت زرکارآتے ہرممکن آسراتی و پورو کمک فراوان کے تانکہ ڈٹ ءِ وخت آ پورو کننگ مرے۔ داڑے جاری مروک اسہ بیان اسے ٹی چیئرمین قائمہ کمیٹی دفاعی پیداوار سینیٹر محمد عبدالقادر پارے کہ حکومت زرکارآتون خڑکی رابطہ ءِ برقرار تخے و زرکاری نا چندی ڈٹ آتا بابت کانودی، انتظامی و تکنیکی باندات آتے ترندی اٹ ایسر کے تانکہ زرکاری نا حوصلہ شکنی مف ، حب آئل ریفائنری کون آ چندی میگاپروجیکٹ آتا قیام آن صوبہ غان بیروزگاری نا چٹفنگ اٹ کمک رسینگک صوبہ نا تعلیم و تربیت یافتہ و مزور تپہ غاتے روزگار کٹیا کننگ نا گیشتر وارخواہی دُوبریک تو اوفتے ٹی منفی سرجزآتیٹی است خواہی ہلنگ نا کچ شون ہلپک ہر اُراٹی شونہالی مریک تو صوبہ نا امن و سکون پدی بریک بلوچستان اٹی ٹہیفوک آ ہر چنکا بھلا پروجیکٹ اٹی بلوچستان نا باتی تے اولیتی بنداو تیا روزگار نا وارخواہی فراوان کننگے تانکہ اوفتا احساس محرومی چٹے۔
