بزغر آتا آسودہی، پوسکن آ کشاری ٹیکنالوجی و منڈی تسکان گچین رسینگ کن پبی گام گیج المی ءِ، صدر آصف علی زرداری نا کلہو

اسلام آباد۔ 18 دسمبر (اے پی پی) صدر مملکت آصف علی زرداری ’’یوم کسان ‘‘ نا وخت آ پاکستانی بزغر آتے خراج تحسین پیش کرسا پارینے کہ پاکستان نا بزغر آک ملکی زرگزران، غذائی خودکفالت و خلقی شونداری نا بنداو ءُ۔ ایوانِ صدر نا پریس ونگ انا رداٹ صدرِ مملکت اینو (پنچ شنبے نادے آ) یومِ کسان نا وخت آ تینا کلہو اٹی پارے کہ تینٹ کشت وکشار تون وابست ہ اُراغان تعلق تخنگ نا سوب آن اودے بزغرآتا خواری، سرسہبی  و مشکلات آتا جوانی اٹ درک ءِ۔ اوپارے کہ کشت وکشار پاکستان نا کروڑ آ خاہوت آتا روزگار نا ذریعہ و قومی شونداری نا اہم تمبہ ءِ۔ دِیر انا کاختی، موسمیاتی بدلی و کشاری خڑچ اٹی ودکی پاکستانی بزغرآتیکن بھلو چیلنج اسے۔ صدر مملکت پارے کہ پاکستان اٹ بزغرآ تا آسودہی، پوسکن کشاری ٹیکنالوجی و منڈی تسکان گچین رسینگ کن پبی گام گیج المی ءِ۔ اوپارے کہ کشاری بشخ انا سوگوی آن پاکستان اٹ غذائی رکھ ، پائیدار شونداری و شونہالی ممکن ءِ۔