سڈنی بیچ ءِ واقعہ ءِ سرا پاکستان ءِ ھلاپ ءَ پروپیگنڈا بے ثبوت ءَ کنگ بوتگ، پاکستان یک ذمہ واریں ملکے، بے تصدیقیں ھالانی شنگ کنگ ءَ پاکستان ءِ نام ءَ تاوان دیگ ءِ ذمہ وار کئے بیت؟ عطا اللہ تارڑ

اسلام آباد۔17دسمبر  (اے پی پی):وفاقی وزیر اطلاعات ءُ نشریات عطا اللہ تارڑ ءَ سڈنی ءِ وئیل ءِ سرا پاکستان ءَ را بے ثبوت ءِ ذمہ وار لیکگ ءِ مہم ءَ را بد نیتی ءُ دروگ لیک اتگ ءُ گشتگ کہ سڈنی بیچ ءِ وئیل ءِ سرا پاکستان ءِ ھلاپ ءَ پروپیگنڈا بے ثبوت ءُ تصدیق ءَ کنگ بوتگ، لھتیں معتبریں چینلاں 2018 ءَ اے واقعہ ءِ سرا زور داتگ۔ outlets بے بنیاد ءَ ناشرکاراں گوں پاکستان ءَ ھمگرنچ کتگ، پاکستان یک ذمہ واریں ملکے، ما مدام ناشرکاری ءِ مذمت کتگ، ھندی رسانکدر پاکستان ءِ نام ءَ بدنام کنگ ءِ ھاترا گندی پندل کارمرز کنگ ءَ اِنت، اے گپ پدر بوتگ کہ ھندوستان پاکستان ءَ ناشرکارانی حمایت ءَ کنگ ءَ اِنت، بے رھبندیں ھالانی شنگ کنگ ءَ پاکستان ءِ نام ءَ تاوان دیگ ءِ ذمہ وار کئے بیت؟ اے گپ گشگ بہ بیت کہ اے الزام پاکستان ءِ سر ءَ چون دیم ءَ آرگ بیت؟ دروگیں ھال شنگ کنوک باقاعدہ معذرت بہ کن انت۔ چار شمبے ءِ روچ ءَ ادا میاں اوستمانی میڈیا ءِ نمائندگ آناں بریفنگ کنان ءَ وفاقی وزیر انفارمیشن ءَ گوشت کہ سڈنی ءِ بونڈی بیچ ءَ بوتگیں المناکیں وئیل ءِ ھوالگ ءَ 48کلاک ءِ واستہ ردیں ھال ءُ اھوال ءِ مہم بندات کنگ بوتگ ءُ دگنیا ءِ معتبر ءُ معتبریں میڈیا ادارگ ھم اے مہم ءِ بھر جوڑ بوتگ اَنت۔ آئی ءَ اے گپ ءِ پدر کنگ ءَ گْوشتگ کہ اے جیڑھ ءِ سر ءَ چمشانک دیگ ءِ مول ءُ مراد کسے ءِ بدنام کنگ ءُ کسے ءِ جزبگاں ٹپّی کنگ نہ اِنت بلکیں ایوک ءَ اے گپ ءِ سر ءَ چمشانک دیگ اِنت کہ اے وڑیں وئیلاں پد یک ملکے ءَ را بے ھچ وڑیں ثبوت ءُ معتبریں وسیلگاں ناانصافی ءِ رد ءَ ذمہ وار لیکگ بیت کہ اے چہ پٹ ءُ پول ءِ بنیاتی صحافتی رھبندانی ھلاپ اِنت۔ آئی ءَ گوشت کہ سڈنی ءِ وئیل یک غمناکیں وئیلے، ایشی ءِ سر ءَ ھچ وڑیں مذمت کنگ نہ بیت۔ صدر، مزن وزیر ءُ پاکستان ءِ حکومت ءَ سڈنی ءِ وئیل ءِ یک رندے پدا مذمت کتگ۔ وفاقی وزیر ءَ گوشت کہ پاکستان وت سال آنی وھد ءَ ناشرکاری ءِ آماچ بوتگ ءُ ما سک شری ءَ زان ایں کہ اے رنگیں وئیل آنی درد ءُ رنج چے اَنت ۔ آئی ءَ گوشت کہ پاکستان آسٹریلیا ءُ آئی ءِ اُلس ءِ درد ءَ مار ایت ءُ آہانی غم ءَ یکوئی ءَ شریک انت۔ آئی ءَ گوشت کہ ما آسٹریلیا ءِ حکومت ءُ الس ءِ گوما سرجمیں رنگ ءَ یکوئی ءِ درشان کن ایں ۔ آئی ءَ گوشت کہ آسٹریلیا ءِ شہری ءَ ھمت ءِ درشان کتگ ءُ ارش کنوک ءِ گر ءُ دار کتگ ایشی ءَ چہ بازیں گران بہائیں جان رک اتگ انت۔ آئی ءَ گوشت کہ اے وئیل ءِ فوراً پد لھتیں رسانکدر ءِ وسیلگاں عجلت ءِ درشانی کتگ ءُ دعویٰ کتگ کہ اُرش کنوکاں چہ یکے پاکستان ءِ بوتگ ءُ دومی آسٹریلیا ءَ ودی بوتگ بلے اے گپ ءِ ھچ وڑیں دستاویزی پدریچ ءُ ثبوت نیست۔ آئی ءَ گوشت کہ اے گپ پدّر انت کہ اے منظمیں مہم دژمن ملک آنی نیمگ ءَ پاکستان ءِ نام ءِ بدنام کنگ ءِ واستہ چست کنگ بوتگ ایشی ءِ مول ءُ مراد راستی آنی رد کنگ ءُ پاکستان ءِ ھلاپ ءَ بے بنیں تاثر ءِ جوڑ کنگ انت۔ اسرائیل ءُ ہندوستان ءَ اے مہم سوشل میڈیا ءُ الیکٹرانک میڈیا ءَ ہم برجاہ بوتگ کہ اے سک باز افسوس ءِ گپے پرچا کہ پاکستان ناشرکاری ءِ ھلاپ ءَ مدام دیم پہ دیم بوتگ ءُ اے جنگ ءَ بے کساس انسانی ءُ مالی قربانی داتگ۔ وفاقی وزیر ءِ اھوالکاری ءَ گوشت کہ پاکستان مرچی ھم ناشرکار آنی ھلاپ ءَ برجاھیں گامگیج زورگ ءَ انت۔ آئی ءَ گوشت کہ سڈنی ءِ وئیل ھما روچ ءَ بوتگ کہ ما 16دسمبر ءَ آرمی پبلک اسکول پشاور ءِ شھید آناں یات کنگ ءَ اِتیں، ھمے روچ ءَ ناشرکاراں آرمی پبلک اسکول پشاور ءِ سر ءَ اُرش کتگ، ایشی ءِ آسر ءَ بے گناھیں ءُ کسانیں زھگاں ھوار گران بھائیں جان بیران بوتگ اَنت ءُ اے سانحہ انگت ءَ سرجمیں راج ءِ دل آنی تہ ءَ نبشتہ اِنت۔ آئی ءَ گوشت کہ پاکستان یک انچیں ملکے کہ آئی ءِ زھگاں ھم ناشرکاری ءِ ھلاپ ءَ اے جنگ ءَ قربانی داتگ۔ اپسوز انت کہ چوشیں موہ ءَ کہ ما وتی شہیدانی یات ءَ کنگ ءَ اتیں پاکستان ءِ ہلاپ ءَ دروگیں ءُ بد نیتی ءِ کمپین ءِ بندات کنگ بوت۔ آئی ءَ گیش کرتگ کہ ھچ وڑیں ثبوت ءُ معتبریں وسیلگ نیست کہ ارش کنوکاں چہ کسے پاکستان ءِ بوتگ ءُ اے مہم گمراہ کنوکیں ھالانی سر ءَ بوتگ بلے بدبھتی ءَ دگنیا ءِ نامداریں رسانکدر ءِ گل ھم اے گمراہ کنوکیں مہم ءِ آماچ بوتگ اَنت۔ اے وڑیں ھال رسانکی ادارہ کہ جھان ءِ کچ ءَ کار کن اَنت آھانی ادارہ جاتی بورڈ ھست اَنت، راستی ءِ پٹ ءُ پول ءِ نظام ھست کہ آھانی وسیلہ ءَ زانتکاری ءِ پٹ ءُ پول ءُ ادارہ ءِ رد ءَ کنٹرول کنگ بیت، پدا ھم اے رسانکدر ءِ ادارہ صحافت ءِ بُنکی رھبندانی سرا عمل کنگ ءَ ناکام بوتگ اَنت۔ وفاقی وزیر ءَ گوشت کہ بھارتی پولیس ءَ گوستگیں روچ ءَ یک پریس ریلیز ءِ شنگ کتگ کہ ایشی ءِ تہ ءَ اے گپ پدر کنگ بوتگ کہ اُرش کنوک حیدرآباد، تلنگانہ ءِ مردم اِنت ءُ لھتیں ساھت ءِ تہ ءَ اے گپ ءِ پدر کنگ بوتگ کہ آئی ءِ پاسپورٹ سڈنی ءَ بھارتی سفارتخانہ ءَ چہ جاری کنگ بوتگ ءُ آئی ءَ ھمے بھارتی پاسپورٹ ءِ سر ءَ فلپائن ءِ سفر کتگ کہ ایشی ءِ تہ ءَ فلپائن ءِ پاسپورٹ بوتگ۔ وفاقی وزیر ءَ گوشت کہ اے مہم سک باز افسوس ءِ گپ اِنت۔ اے موہ ءِ سر ءَ آئی ءَ رسانکدر ءَ یک ویڈیو یے ھم پیش داشتگ کہ ایشی ءِ تہ ءَ اے گپ پدر کنگ بوتگ کہ اے کمپین چون کنگ بوتگ ءُ ایشی ءِ تہ ءَ کجام رسانکدر ءِ ادارگ ھوار بوتگ اَنت۔ آئی ءَ گوشت کہ اے یک جوانیں رنگ ءَ منظمیں مہم ات کہ سک ترندیں رنگ ءَ شنگ ءُ تالان بوت۔ نہ ایڈیٹوریل بورڈ ءُ نہ انتظامیہ ءُ نہ رپورٹر اے جست ءَ کت کنت کہ اے ھال چہ کجا پیداک انت، یک ھال رسانکدر ءِ ادارہ ءَ بے ھچ ثبوت ءَ دعویٰ کتگ کہ ھر دوئیں اُرش کنوک پاکستان ءِ شھر لاہور ءِ مردم اَنت۔ آئی ءَ گوشت کہ چوں بوت کنت کہ ناشرکاری ءِ وئیل ءِ ھال آنی تہ ءَ اے دعویٰ کنگ بہ بیت کہ اُرش کنوک یک خاصیں ملک یا دمگ ءِ مردم اِنت وھدے کہ اے دعویٰ ءِ ھچ وڑیں تصدیق کتگیں شواہد یا ثبوت نیست۔ اے گپ پہ مارا ناشرکاری ءِ آماچیں مردمانی بستار ءَ سک دلپروش کنوک اِنت۔ پاکستان مدام ءُ ہر جاور ءَ ناشرکاری ءِ آماچ بوتگ۔سڈنی بیچ ءِ واقعہ ءِ سرا پاکستان ءِ ھلاپ ءَ پروپیگنڈا بے ثبوت ءَ کنگ بوتگ، پاکستان یک ذمہ واریں ملکے، بے تصدیقیں ھالانی شنگ کنگ ءَ پاکستان ءِ نام ءَ تاوان دیگ ءِ ذمہ وار کئے بیت؟ وفاقی وزیر اطلاعات ءُ نشریات عطا اللہ تارڑ ءَ سڈنی ءِ وئیل ءِ سرا پاکستان ءَ را بے ثبوت ءِ ذمہ وار لیکگ ءِ مہم ءَ را بد نیتی ءُ دروگ لیک اتگ ءُ گشتگ کہ سڈنی بیچ ءِ وئیل ءِ سرا پاکستان ءِ ھلاپ ءَ پروپیگنڈا بے ثبوت ءُ تصدیق ءَ کنگ بوتگ، لھتیں معتبریں چینلاں 2018 ءَ اے واقعہ ءِ سرا زور داتگ۔ outlets بے بنیاد ءَ ناشرکاراں گوں پاکستان ءَ ھمگرنچ کتگ، پاکستان یک ذمہ واریں ملکے، ما مدام ناشرکاری ءِ مذمت کتگ، ھندی رسانکدر پاکستان ءِ نام ءَ بدنام کنگ ءِ ھاترا گندی پندل کارمرز کنگ ءَ اِنت، اے گپ پدر بوتگ کہ ھندوستان پاکستان ءَ ناشرکارانی حمایت ءَ کنگ ءَ اِنت، بے رھبندیں ھالانی شنگ کنگ ءَ پاکستان ءِ نام ءَ تاوان دیگ ءِ ذمہ وار کئے بیت؟ اے گپ گشگ بہ بیت کہ اے الزام پاکستان ءِ سر ءَ چون دیم ءَ آرگ بیت؟ دروگیں ھال شنگ کنوک باقاعدہ معذرت بہ کن انت۔ چار شمبے ءِ روچ ءَ ادا میاں اوستمانی میڈیا ءِ نمائندگ آناں بریفنگ کنان ءَ وفاقی وزیر انفارمیشن ءَ گوشت کہ سڈنی ءِ بونڈی بیچ ءَ بوتگیں المناکیں وئیل ءِ ھوالگ ءَ 48کلاک ءِ واستہ ردیں ھال ءُ اھوال ءِ مہم بندات کنگ بوتگ ءُ دگنیا ءِ معتبر ءُ معتبریں میڈیا ادارگ ھم اے مہم ءِ بھر جوڑ بوتگ اَنت۔ آئی ءَ اے گپ ءِ پدر کنگ ءَ گْوشتگ کہ اے جیڑھ ءِ سر ءَ چمشانک دیگ ءِ مول ءُ مراد کسے ءِ بدنام کنگ ءُ کسے ءِ جزبگاں ٹپّی کنگ نہ اِنت بلکیں ایوک ءَ اے گپ ءِ سر ءَ چمشانک دیگ اِنت کہ اے وڑیں وئیلاں پد یک ملکے ءَ را بے ھچ وڑیں ثبوت ءُ معتبریں وسیلگاں ناانصافی ءِ رد ءَ ذمہ وار لیکگ بیت کہ اے چہ پٹ ءُ پول ءِ بنیاتی صحافتی رھبندانی ھلاپ اِنت۔ آئی ءَ گوشت کہ سڈنی ءِ وئیل یک غمناکیں وئیلے، ایشی ءِ سر ءَ ھچ وڑیں مذمت کنگ نہ بیت۔ صدر، مزن وزیر ءُ پاکستان ءِ حکومت ءَ سڈنی ءِ وئیل ءِ یک رندے پدا مذمت کتگ۔ وفاقی وزیر ءَ گوشت کہ پاکستان وت سال آنی وھد ءَ ناشرکاری ءِ آماچ بوتگ ءُ ما سک شری ءَ زان ایں کہ اے رنگیں وئیل آنی درد ءُ رنج چے اَنت ۔ آئی ءَ گوشت کہ پاکستان آسٹریلیا ءُ آئی ءِ اُلس ءِ درد ءَ مار ایت ءُ آہانی غم ءَ یکوئی ءَ شریک انت۔ آئی ءَ گوشت کہ ما آسٹریلیا ءِ حکومت ءُ الس ءِ گوما سرجمیں رنگ ءَ یکوئی ءِ درشان کن ایں ۔ آئی ءَ گوشت کہ آسٹریلیا ءِ شہری ءَ ھمت ءِ درشان کتگ ءُ ارش کنوک ءِ گر ءُ دار کتگ ایشی ءَ چہ بازیں گران بہائیں جان رک اتگ انت۔ آئی ءَ گوشت کہ اے وئیل ءِ فوراً پد لھتیں رسانکدر ءِ وسیلگاں عجلت ءِ درشانی کتگ ءُ دعویٰ کتگ کہ اُرش کنوکاں چہ یکے پاکستان ءِ بوتگ ءُ دومی آسٹریلیا ءَ ودی بوتگ بلے اے گپ ءِ ھچ وڑیں دستاویزی پدریچ ءُ ثبوت نیست۔ آئی ءَ گوشت کہ اے گپ پدّر انت کہ اے منظمیں مہم دژمن ملک آنی نیمگ ءَ پاکستان ءِ نام ءِ بدنام کنگ ءِ واستہ چست کنگ بوتگ ایشی ءِ مول ءُ مراد راستی آنی رد کنگ ءُ پاکستان ءِ ھلاپ ءَ بے بنیں تاثر ءِ جوڑ کنگ انت۔ اسرائیل ءُ ہندوستان ءَ اے مہم سوشل میڈیا ءُ الیکٹرانک میڈیا ءَ ہم برجاہ بوتگ کہ اے سک باز افسوس ءِ گپے پرچا کہ پاکستان ناشرکاری ءِ ھلاپ ءَ مدام دیم پہ دیم بوتگ ءُ اے جنگ ءَ بے کساس انسانی ءُ مالی قربانی داتگ۔ وفاقی وزیر ءِ اھوالکاری ءَ گوشت کہ پاکستان مرچی ھم ناشرکار آنی ھلاپ ءَ برجاھیں گامگیج زورگ ءَ انت۔ آئی ءَ گوشت کہ سڈنی ءِ وئیل ھما روچ ءَ بوتگ کہ ما 16دسمبر ءَ آرمی پبلک اسکول پشاور ءِ شھید آناں یات کنگ ءَ اِتیں، ھمے روچ ءَ ناشرکاراں آرمی پبلک اسکول پشاور ءِ سر ءَ اُرش کتگ، ایشی ءِ آسر ءَ بے گناھیں ءُ کسانیں زھگاں ھوار گران بھائیں جان بیران بوتگ اَنت ءُ اے سانحہ انگت ءَ سرجمیں راج ءِ دل آنی تہ ءَ نبشتہ اِنت۔ آئی ءَ گوشت کہ پاکستان یک انچیں ملکے کہ آئی ءِ زھگاں ھم ناشرکاری ءِ ھلاپ ءَ اے جنگ ءَ قربانی داتگ۔ اپسوز انت کہ چوشیں موہ ءَ کہ ما وتی شہیدانی یات ءَ کنگ ءَ اتیں پاکستان ءِ ہلاپ ءَ دروگیں ءُ بد نیتی ءِ کمپین ءِ بندات کنگ بوت۔ آئی ءَ گیش کرتگ کہ ھچ وڑیں ثبوت ءُ معتبریں وسیلگ نیست کہ ارش کنوکاں چہ کسے پاکستان ءِ بوتگ ءُ اے مہم گمراہ کنوکیں ھالانی سر ءَ بوتگ بلے بدبھتی ءَ دگنیا ءِ نامداریں رسانکدر ءِ گل ھم اے گمراہ کنوکیں مہم ءِ آماچ بوتگ اَنت۔ اے وڑیں ھال رسانکی ادارہ کہ جھان ءِ کچ ءَ کار کن اَنت آھانی ادارہ جاتی بورڈ ھست اَنت، راستی ءِ پٹ ءُ پول ءِ نظام ھست کہ آھانی وسیلہ ءَ زانتکاری ءِ پٹ ءُ پول ءُ ادارہ ءِ رد ءَ کنٹرول کنگ بیت، پدا ھم اے رسانکدر ءِ ادارہ صحافت ءِ بُنکی رھبندانی سرا عمل کنگ ءَ ناکام بوتگ اَنت۔ وفاقی وزیر ءَ گوشت کہ بھارتی پولیس ءَ گوستگیں روچ ءَ یک پریس ریلیز ءِ شنگ کتگ کہ ایشی ءِ تہ ءَ اے گپ پدر کنگ بوتگ کہ اُرش کنوک حیدرآباد، تلنگانہ ءِ مردم اِنت ءُ لھتیں ساھت ءِ تہ ءَ اے گپ ءِ پدر کنگ بوتگ کہ آئی ءِ پاسپورٹ سڈنی ءَ بھارتی سفارتخانہ ءَ چہ جاری کنگ بوتگ ءُ آئی ءَ ھمے بھارتی پاسپورٹ ءِ سر ءَ فلپائن ءِ سفر کتگ کہ ایشی ءِ تہ ءَ فلپائن ءِ پاسپورٹ بوتگ۔ وفاقی وزیر ءَ گوشت کہ اے مہم سک باز افسوس ءِ گپ اِنت۔ اے موہ ءِ سر ءَ آئی ءَ رسانکدر ءَ یک ویڈیو یے ھم پیش داشتگ کہ ایشی ءِ تہ ءَ اے گپ پدر کنگ بوتگ کہ اے کمپین چون کنگ بوتگ ءُ ایشی ءِ تہ ءَ کجام رسانکدر ءِ ادارگ ھوار بوتگ اَنت۔ آئی ءَ گوشت کہ اے یک جوانیں رنگ ءَ منظمیں مہم ات کہ سک ترندیں رنگ ءَ شنگ ءُ تالان بوت۔ نہ ایڈیٹوریل بورڈ ءُ نہ انتظامیہ ءُ نہ رپورٹر اے جست ءَ کت کنت کہ اے ھال چہ کجا پیداک انت، یک ھال رسانکدر ءِ ادارہ ءَ بے ھچ ثبوت ءَ دعویٰ کتگ کہ ھر دوئیں اُرش کنوک پاکستان ءِ شھر لاہور ءِ مردم اَنت۔ آئی ءَ گوشت کہ چوں بوت کنت کہ ناشرکاری ءِ وئیل ءِ ھال آنی تہ ءَ اے دعویٰ کنگ بہ بیت کہ اُرش کنوک یک خاصیں ملک یا دمگ ءِ مردم اِنت وھدے کہ اے دعویٰ ءِ ھچ وڑیں تصدیق کتگیں شواہد یا ثبوت نیست۔ اے گپ پہ مارا ناشرکاری ءِ آماچیں مردمانی بستار ءَ سک دلپروش کنوک اِنت۔ پاکستان مدام ءُ ہر جاور ءَ ناشرکاری ءِ آماچ بوتگ۔