حکومت ایم ایل ون منصوبگ ءِ وھد ءِ سر ءَ سرجمی ءِ واستہ جزم اِنت، ایشیائی دیمروئی بینک ءِ برجاھیں کمک منصوبگ ءِ واستہ مزنیں ارزشتے داریت، وفاقی وزیر احد چیمہ ءَ ایشیائی دیمروئی بینک ءِ میان اُستمانی ءُ مغربی ایشیا ءِ ڈائریکٹر جنرل لی گتریس ءَ گوں گند ءُ نند

اسلام آباد۔17دسمبر  (اے پی پی):وفاقی وزیر احد چیمہ ءَ ایم ایل ون منصوبگ ءِ وھد ءِ سر ءَ سرجمی ءِ واستہ حکومت ءِ مھکمیں عزم ءِ پدر کنگ ءَ گوشت کہ اے ھاسیں سنگ میل ءِ سرجمی ءِ واستہ ایشیائی دیمروئی بینک ءِ برجاھیں کمک ءِ واستہ سک باز ارزشتی اِنت۔ اے ھیالانی درشانی آئی ءَ چار شمبے ءِ روچ ءَ ایشیائی دیمروئی بینک برائے میاں اوستمانی ءُ مغربی ایشیا ءِ ڈائریکٹر جنرل لی گوترز ءَ گوں گند ءُ نند ءَ کت۔ اے موہ ءَ پاکستان ءَ ایشیائی دیمروئی بینک ءِ کنٹری ڈائریکٹر امافان ءُ اقتصادی کارانی ڈویژن ءِ مزنیں کارندہ آں ھم بھر زوری کتگ۔ گند ءُ نند ءِ ساھت ءَ وفاقی وزیر ءَ پاکستان ءِ یک جزمیں دیمروئی شریک ءِ بستار ءَ ایشیائی دیمروئی بینک ءِ بازیں وھد ءَ چہ بے مٹیں کمک ءَ را ساڑات۔ آئی ءَ سرجمیں معیشت ءَ را مھکم کنگ ءِ واستہ حکومت ءِ کوشست ءُ ملک ءِ دیم ءَ اوشتاتگیں اقتصادی جیڈھ آناں گیواری ءِ واستہ جاری مالیاتی یکجاھی ءِ بابت ءَ ڈل ءَ را سرپد کت۔ وفاقی وزیر ءَ مین لائن ون (ایم ایل ون) منصوبگ ءِ وھد ءِ سر ءَ سرجمی ءِ واستہ حکومت ءِ مھکمیں عزم ءِ سر ءَ زور پر دات ءُ گوشت کہ اے ھاسیں سنگ میل ءِ سر ءَ سر بوھگ ءِ واستہ بینک ءِ برجاھیں کمک سک باز المی بیت۔ آئی ءَ گوشت کہ وفاقی حکومت ءِ ارادہ اِنت کہ آ صوبائی حکومت آنی گوما نزیکیں ھمگرنچی ءَ دیمروئی وسیلگ آناں جوانیں رنگ ءَ کارمرد بہ کنت، ایشی ءِ تہ ءَ دیمروئی شریک آنی کمک ھم ھوار بیت۔ وفاقی وزیر ءَ ایشیائی دیمروئی بینک ءُ ورلڈ بینک ءِ یکجائی کوشست آناں ھم ساڑات کہ آ نفاذ ءِ تہ ءَ رکاوٹ آنی پجارینگ ءُ منصوبگ آنی تیاری ءَ را گہتر کنگ ءَ انت تانکہ حکومت ءَ را فنڈز ءِ وھد ءِ سر ءَ ریلیز ءَ را دل یکیمی کنگ ءَ کمک کنگ بہ بیت۔ ایشیائی دیمروئی بینک ءِ میان اُستمانی ءُ مغربی ایشیا ءِ ڈائریکٹر جنرل لی گوترز ءَ حکومت ءِ اصلاحاتی ایجنڈا ءِ توسیپ کت ءُ سرجمیں معیشت ءِ بحالی ءُ مالیاتی استحکام ءِ مھکم کنگ ءِ ھاترا کتگیں کوشست آناں من اِت۔ آئی ءَ ایم ایل ون منصوبگ ءَ را حکومت پاکستان ءِ اولی ترجی لیک ات ءُ اے گپ ءِ پدرائی کت کہ بینک ءُ سرکاری ٹیم نزیکیں رابطہ ءُ ہمگرنچی ءَ کار کنگ ءَ انت۔ وفاقی وزیر ءَ ایشیائی دیمروئی بینک ءِ ھزمت ءُ کرد ءِ ھاسیں رنگ ءَ ستا کرتگ ءُ ھاسیں رنگ ءَ پاکستان ءَ بینک ءِ رہائشی مشن ءِ سر ءَ ستا کرتگ۔ فریقین ءَ پاکستان ءِ دیمروئی ءِ اولویت آنی کمک ءَ کمک ءُ شریکداری ءَ را گیش مھکم کنگ ءِ وتی جزم ءِ پدر کنگ کت۔