اسلام آباد۔ 17 دسمبر (اے پی پی) بنجائی وزیر آئی ٹی و ٹیلی کام شزافاطمہ خواجہ نا کماشی ٹی نیشنل کمیٹی آئی سی ٹی سکلز و کیپیسٹی ڈویلپمنٹ نا دیوان اڈ ہلک، ہراٹی ڈیجیٹل سکلز نا مون آ دننگ کن صنعت و تعلیمی ادارہ غاتا تین پہ تینی رابطہ غاتے سوگو کننگ آ زور شاغنگا۔ دیوان ءِ پاننگاکہ ہواوے نا کمکاری آن داتم اسکان اسہ لکھ آئی سی ٹی …
بنجائی وزیر آئی ٹی و ٹیلی کام شزافاطمہ خواجہ نا کماشی ٹی نیشنل کمیٹی آئی سی ٹی سکلز و کیپیسٹی ڈویلپمنٹ نا دیوان
گیشتریں ھال
اسلام آباد۔ 17 دسمبر (اے پی پی) بنجائی وزیر آئی ٹی و ٹیلی کام شزافاطمہ خواجہ نا کماشی ٹی نیشنل کمیٹی آئی سی ٹی سکلز و کیپیسٹی ڈویلپمنٹ نا دیوان اڈ ہلک، ہراٹی ڈیجیٹل سکلز نا مون آ دننگ کن صنعت و تعلیمی ادارہ غاتا تین پہ تینی رابطہ غاتے سوگو کننگ آ زور شاغنگا۔ دیوان ءِ پاننگاکہ ہواوے نا کمکاری آن داتم اسکان اسہ لکھ آئی سی ٹی ٹریننگز پورو کننگانے، آئی سی ٹی ٹریننگز نا ہدف 3 لکھ مقررءِ۔ دیوان اٹی ڈگری پورو مننگ آن مست خاص وڑاٹ کمپیوٹر سائنس نا طالب علم آتیکن ملازمت تون گنڈوک اسکلز آ خصوصی گپ وتران کننگا۔ بشخ ہلوک آتا کنڈآن ایمرجنگ ٹیکنالوجیز ءِ نصاب نا اسہ اہم ءُ بشخ اس گوندنگا۔ دیوان اٹی سیکرٹری آئی ٹی ، سیکرٹری آئی ٹی گلگت بلتستان ، وزارت تعلیم، ہائر ایجوکیشن کمیشن (ایچ ای سی) ، پاکستان سافٹ ویئر ایکسپورٹ بورڈ (پی ایس ای بی) ، پی ایس ڈی ایف، نسٹ ، جی آئی کے آئی، ہواوے و ٹیوٹاز نا چندی کمامدارآک بشخ ہلکر۔ بنجائی وزیر شزافاطمہ وزیراعظم نا ڈیجیٹل نیشن پاکستان وژن نا رداٹ آخبت نا خواست آتون ہم گرنچ کسبکار ہیومن ریسورس نا تیاری آ زور شاغنگا۔
