ایشیائی شونداری بینک فجی ٹی کرکی رکھ اکن 16.7 ملین ڈالر نا گرانٹ نا منظوری ءِ تس

منیلا۔ 17 دسمبر (اے پی پی) ایشیائی شونداری بینک فجی ٹی کرکی رکھ اکن 16.7 ملین ڈالر نا گرانٹ نا منظوری ءِ تس۔ شنہوا نا رداٹ ایشین ڈیولپمنٹ بینک (اے ڈی بی ) چارشنبے نادے آ جاری بیان اٹی پارے کہ فجی ٹی کرکی رکھ ءِ پک کننگ کن اسہ کروڑ 67 لکھ امریکی ڈالر گرانٹ نا منظوری ءِ تننگانے ہرانا مسخت طوفانی لہر، سمندر نا کچ اٹی ودکی و کرکی کٹاؤ آن زہمی کرکی آبادی تا رکھ ءِ۔ منیلا ٹی جوڑ بینک انا جاری کروک اعلامیہ نا رداٹ دا گرانٹ آن اسہ ہندن ءُ ڈٹ اسے مالی کمک فراوان کننگک ہرانا رداٹ کرکی آبادی ءِ ترند موسمی حالیت آتیان بچفنگ کن گام گیج کاریم اٹ اتنگک۔ اے ڈی بی حکومتی کساس آتا حوالہ ءِ ترساپارے کہ بیرہ سمندری طوفان و نوکاپ ہی فجی نا جم قومی پیدوار (جی ڈی پی) نا 5.8 درسد نا بریبر اوسط سالانہ نسخان نا سوب جوڑمریک۔ بینک انا رداٹ دا ڈٹ انا رداٹ قدرتی بنداوتیا کرکی رکھ انا گام گیج کننگک وخت اس کہ ملک اٹی کم وو د 3 ہزار میٹر کرکی پٹی و دریانا کنارہ غاتے دُوارہ سرسوز کننگ و مین گرووز نا شجرکاری نا کمک اٹ بحال کننگک۔