سرمایہ کاری ءِ بورڈ ءِ وفاقی وزیر ءَ پاکستان ءَ ممکنہ سرمایہ کاری ءُ شریکداری ءِ ھاتر ءَ چین ءِ مزنیں فن ٹیک کمپنی فنٹوپیا  ءَ را سرجمیں کمک ءِ دل یکیمی

اسلام آباد۔17دسمبر  (اے پی پی): سرمایہ کاری بورڈ ءِ وفاقی وزیر قیصر احمد شیخ ءَ چین ءِ مزنیں فن ٹیک کمپنی فنٹوپیا  ءِ مزنیں تک ءِ ڈل ءَ گوں گند ءُ نند کتگ۔ اے گند ءُ نند پاکستان ءُ چین ءِ بی ٹو بی سرمایہ کاری کانفرنس ءِ درگت ءَ بوت۔ گند ءُ نند ءِ ساھت ءَ وفاقی وزیر ءَ گوشت کہ پاکستان ءُ چین آہنی دوست اَنت ءُ دوئیں ملک آنی نیام ءَ دو نیمگی سرمایہ کاری ءُ اقتصادی کمک ءِ تہ ءَ مدام گیشی بوھگ ءَ اِنت۔ آئی ءَ گوشت کہ مزن وزیر شہباز شریف ءِ سروکی ءَ پاکستان ءَ مائیکرو فنانس، فن ٹیک ءُ ڈیٹال سرمایہ کاری ءِ دیمروئی ءِ سر ءَ ھاسیں دلگوشی دیگ بوھگ ءَ انت۔ قصر احمد شاخی ءَ گوشت کہ پاکستان یک مزنیں، متحرک ءُ جوانیں  مارکیٹ اِنت کہ ایشی ءِ تہ ءَ دگنیا ءِ پنچمی مزنیں آبادی اِنت، ایشی ءِ تہ ءَ فن ٹیک ءُ ڈیٹال فنانس منصوبگ آناں ھاسیں رنگ ءَ کسان ءُ میاں اوستمانی ادارگ آناں مزنیں کساسے ءَ نپ رس اِت کنت۔ آئی ءَ گیش گوشت کہ ڈیٹال فنانس ورنا آنی واستہ نوکیں کاروباری موہ آنی پیداک کنگ ءَ کلیدی کرد پیلو کنت۔ ڈل ءَ را کاروباری آسراتی ءِ مرکز ءِ چیر دستی ءَ دیم ءَ آؤرتگیں اصلاحات، ’’کاروبار ءِ آسراتی ءِ ایکٹ‘‘، ھاسیں اقتصادی زون ءُ درملکی سرمایہ کار آنی واستہ دستیابیں سوج ءُ سر  آنی بابت ءَ ھم سرپدی دیگ بیت۔ وفاقی وزیر ءَ سرمایہ کار آنی واستہ کاروبار کنگ ءِ آسراتی ءَ را حکومت ءِ اولی ترجیح لیک اتگ۔ قیصر  احمد شیخ  ءَ فنٹوپیا  ءَ را پاکستان ءَ ممکنہ سرمایہ کاری ءُ شریکداری ءِ واستہ سرجمیں کمک ءِ دل یکیمی دات ءُ گوشت کہ سرمایہ کاری بورڈ آئی ءِ سروکی ءَ ملک ءَ سرمایہ کاری ءَ را دیمروئی دیگ ءِ واستہ جزم انت۔