راجی ورثہ ءُ دود ءُ ربیدگ ءِ وفاقی وزیر اورنگزیب خان کھچی ءَ تاجکستان ءِ دود ءُ ربیدگ ءِ وزیر ءَ گوں گند ءُ نند کتگ، دود ءُ ربیدگی سفارتکاری ءِ وسیلگ ءَ دو نیمگی سیادی ءَ را گیش مھکم کنگ ءِ سر ءَ تپاک

اسلام آباد۔17دسمبر  (اے پی پی): راجی ورثہ ءُ دود ءُ ربیدگ ءِ وفاقی وزیر اورنگزیب خان کھچی ءَ تاجکستان ءِ دود ءُ ربیدگ ءِ وزیر ژابدخان سہاتوریان امانزادا ءَ گوں گند ءُ نند کت۔ چار شمبے ءِ روچ ءَ ادا برجم داشتگیں گند ءُ نند ءَ دوئیں ملک آنی نیام ءَ دود ءُ ربیدگی سفارتکاری ءِ وسیلگ ءَ دو نیمگی سیادی آناں گیش مھکم کنگ ءِ سر ءَ تپاک کت۔ ایشی ءَ چہ پیسر راجی ورثہ ءُ دود ءُ ربیدگ ءِ وفاقی وزیر اورنگزیب خان کھچی ءَ اسلام آباد ءِ میاں اوستمانی بالی پٹ ءَ تاجکستان ءِ وزیر دود ءُ ربیدگ ءِ سروکی ءَ مزنیں تک ءِ دود ءُ ربیدگ ءِ ڈل ءَ را وش اتک کت۔ تاجکستان ءِ دود ءُ ربیدگ ءِ ڈل پاکستان ءُ تاجکستان ءِ نیام ءَ اولی یکجائی دود ءُ ربیدگی میلے ءِ درگت ءَ پاکستان ءِ تر ءُ تاب ءَ کنگ ءَ انت ایشی ءِ بنداتی مراگش باندا (پنج شمبے) کنونشن سینٹر اسلام آباد ءَ بیت۔ اے گند ءُ نند ءَ چہ دوئیں ملک آنی نیام ءَ دود ءُ ربیدگی  پڑ ءَ  نوکیں در  ءِ بندات بیت۔