وفاقی وزیر اھوالکاری عطا اللہ تارڑ ءَ راجہ مطلوب   ءِ لوگ ءِ تر ءُ تاب کتگ، آئی ءِ ھاندان ءَ گوں دلپدردی درشان

اسلام آباد۔ 16دسمبر (اے پی پی): وفاقی وزیر ءِ اھوالکاری عطا اللہ تارڑ ءَ ٹریفک ءِ حادثہ ءَ بیران بوتگیں ورنائیں اھوالکار، اینکر ءُ چاگردی مردم راجہ مطلوب  ءِ لوگ ءِ تر ءُ تاب کتگ ءُ آئی ءِ ھاندان ءَ گوں دلپدردی ءُ ھمدردی ءِ درشانی کتگ۔ اے موہ ءِ سر ءَ پرنسپل انفارمیشن آفیسر مبشر حسن ھم ساڑی ات۔ وفاقی وزیر اھوالکاری ءَ پاتیہ ونت۔ عطا اللہ تارڑ ءَ گوشت کہ راجہ مطلوب  یک جوانیں ، محنتی، ذمہ وار یں اھوالکار ءُ چاگردی مردمے بوتگ۔ آئی ءِ ناگیگیں بیرانی ءَ اھوالکارانی چاگرد چہ  ساپ ءُ سلہ ایں  مردمے  ءَ چہ زبھر بوتگ۔ آئی ءَ گوشت کہ اے گرانیں وھد ءَ ما غم ءِ آماچیں کھول ءِ غم ءَ یک پیم ءَ شریک آں ۔ وفاقی وزیر ءِ اھوالکاری ءَ دعا کت کہ اللہ تعالیٰ بیران بوتگیں مردم ءَ را جنت ءِ تہ ءَ بُرزیں جاھے بہ دنت ءُ غم ءِ آماچیں کھول ءَ را سگ   ءُ اوپار بہ دنت۔ آمین