صدر آصف علی زرداری میاں منظور احمد وٹو ءِ بیرانی ءِ سر ءَ دلپدردی ءِ درشانی

اسلام آباد۔16دسمبر  (اے پی پی): صدر ءِ مملکت آصف علی زرداری ءَ مزنیں سیاستدان میاں منظور احمد وٹو ءِ بیرانی ءِ سر ءَ سکیں دلپدردی ءُ غم ءِ درشانی کتگ۔ سئے شمبے ءِ روچ ءَ صدر ءِ پریس ونگ ءِ نیمگ ءَ جاڑی بوتگیں بیان ءِ رد ءَ صدر ءِ مملکت ءَ گوشت کہ میاں منظور احمد وٹو ءَ اسپیکر پنجاب اسمبلی، سر وزیر پنجاب، وفاقی وزیر ءِ بستار ءَ ءُ جتا جتائیں ھاسیں سیاسی عہدہ آنی سر ءَ سرکاری ھزمت ءُ راجی دیمروئی ءِ واستہ ارزشتی ایں ازمت کتگ۔ آئی ءَ گوشت کہ مزنیں سیاستدان ءِ بستار ءَ بیران بوتگیں مردم ءَ جمہوری ادارگ آنی مھکم کنگ ءُ دمگی جیڈھ آناں گیواری ءِ تہ ءَ مزنیں کردے پیلو کتگ ءُ بیران بوتگیں مردم ءِ راجی یکوئی ءِ واستہ عقل ءُ رھشونی ءُ ازمت مدام یات کنگ بنت۔ صدر ءِ مملکت ءَ دعا کت کہ اللہ تعالیٰ بیران بوتگیں مردم ءَ را رحمت ءِ دائرہ ءَ جاگہ ​​بہ دنت ءُ غم ءِ آماچیں ھاندان ءَ را صبر ءُ اوپار بہ دنت۔