دانش یونیورسٹی ءِ بورڈ آف ٹرسٹیز ءِ دیوان ءَ مزن وزیر ءِ سروکی ءَ دانش یونیورسٹی ءَ ٹیکنالوجی ءُ نوکیں زانت ءِ دیمروئی ءِ سر ءَ دلگوشی دیگ بیت شہباز شریف

اسلام آباد۔ 15دسمبر (اے پی پی): مزن وزیر محمد شہباز شریف ءَ گوشت کہ دانش یونیورسٹی ٹیکنالوجی ءُُ نوکیں زانت آنی دیمروئی ءِ سر ءَ دلگوشی دنت ءُ ملک ءِ دوریں دمگ گلگت بلتستان ءُ آزاد جموں ءُ کشمیر ءِ مستحق ءُُ مستحقیں نودربر آناں یونیورسٹی ءَ داخلہ ءِ موہ دیگ بہ بیت۔ دوشمبے ءِ روچ ءَ مزن وزیر کارگس ءِ میڈیا ونگ ءِ نیمگ ءَ جاڑی بوتگیں بیان ءِ رد ءَ آئی ءَ اے ھیالانی درشانی ڈینش یونیورسٹی ءِ بورڈ آف ٹرسٹیز ءِ دیوان ءِ سروکی ءَ کنان ءَ کت۔ گند ءُ نند ءَ وفاقی وزیر ءِ وانگ ءُ زانگ ءُ تکنیکی تربیت ڈاکٹر خالد مقبول صدیقی، وفاقی وزیر ءِ کانود ءُ انصاف اعظم نظیر تراڑ، وفاقی وزیر اقتصادی امور احد خان چیمہ ءُ چیئرمین، دانش یونیورسٹی ءِ سینئر گورنمنٹ ءِ بورڈ آف ٹرسٹیز ءِ باسک ءُ کنسرن ءَ بہر زرتگ۔ مزن وزیر ءَ بورڈ آف ٹرسٹیز ءِ چیئرمین ءُ باسک آناں دیوان ءَ وش آتک کت ءُ آوانی واستہ نیکیں واھگ آنی درشان کت۔ آئی ءَ گوشت کہ تئی کوشست مزن وزیر ءَ ہدایت کت کہ دانش یونیورسٹی ءِ ماڑی ءَ را سادگیں ءُُ شرپداریں رنگ ءَ جوڑ کنگ بہ بیت ءُُ گوشت کہ دانش یونیورسٹی ءَ مزنیں کوالٹی ءِ پٹ ءُُ پول ءَ را دل یکیمی کنگ بہ بیت ءُُ فیکلٹی ممبر آنی گچین کنگ ءِ واستہ حکمت عملی جوڑ کنگ بہ بیت۔ ٹھیکیداراں گوں جوانیں نام ءُ متعلقہ تجربہ ءَ دانش یونیورسٹی ءِ جوڑیشت ءِ ھاتر ءَ زانوگر کنگ بہ بیت۔ ملک ءِ دوریں دمگ گلگت بلتستان ءُ آزات جموں ءُ کشمیر ءِ اہل ءُ مستحقیں نودربراں دانش یونیورسٹی ءَ داخل بوھگ ءِ موہ دیگ بہ بیت۔ ڈنی یونیورسٹی ءِ بابت ءَ سرکاری وانگجاھاں سرپدی شنگ کنگ بہ بیت۔ اے موہ ءِ سر ءَ ڈینش یونیورسٹی ءِ برجاھیں کار آنی ھوالگ ءَ بریفنگ ءِ تہ ءَ گوشگ بوت کہ دانش یونیورسٹی پروجیکٹ مینجمنٹ یونٹ جوڑ کنگ بوتگ۔ دانش یونیورسٹی ءِ منشور ءِ منظوری وزارت ءِ قانون ءُ انصاف ءَ داتگ کہ منظوری ءِ ھاتر ءَ کابینہ ءُ پارلیمنٹ ءَ روان دیگ بیت۔ دانش یونیورسٹی ءِ ھوالگ ءَ سرجمیں ملک ءَ آؤٹ ریچ پروگرام بندات کنگ بوھگ ءَ اِنت۔ اولی رند ءَ دانش یونیورسٹی ءَ ھما وھد ءِ لوٹ ءُ گزراں گوں ھمگرنچیں سینٹر آف ایکسیلنس جوڑ کنگ بیت۔ دانش یونیورسٹی ءَ داخلہ ءِ ھاتر ءَ سرجمیں ملک ءَ چہ بزگریں نودربر آنی واستہ تربیتی کیمپ بندات کنگ بنت۔ یونیورسٹی ءِ اکیڈمک وژن ءِ بابت ءَ میان استمانی نامداریں وانگ ءُ زانگ ءِ زانتکاراں گوں رابطہ کنگ بوتگ۔