وفاقی وزیر خزانہ سینیٹر محمد اورنگزیب ءَ اے ڈی بی ءِ مزنیں تک ءِ ڈل ءِ گوما سرجمیں گند ءُ نند کت، اصلاحات، دیمروئی ءُ نجی شعبہ ءِ دیمروئی ءِ واستہ پاکستان ءُ اے ڈی بی ءِ نیام ءَ اسٹریٹجک شراکت داری ءِ دوبر پدر

اسلام آباد۔15دسمبر  (اے پی پی): اصلاحات، دیمروئی ءُ جندی  شوبگ ءِ دیمروئی ءِ تہ ءَ ترندی ءِ واستہ پاکستان ءُ ایشیائی دیمروئی بینک ءِ نیام ءَ اسٹریٹجک شریکداری ءِ دوبر پدر کنگ بوت۔ دو شمبے ءِ روچ ءَ ایشیائی دیمروئی بینک ءِ مزنیں تک ءِ ڈل ءَ گوں سرجمیں وزیر ءِ ھزانگ ءُ آمدنی ءِ سینیٹر محمد اورنگزیب ءَ سرجمیں گند ءُ نند کت۔ اے ڈل ءِ سروکی ءَ اے ڈی بی ءِ ملکی ڈائریکٹر ایما فین ءُ میان اُستمانی ءُ مغربی ایشیا ءِ محکمہ ءِ ڈائریکٹر جنرل گوٹیریز ءَ کتگ ات وھدیکہ اے موہ ءِ سر ءَ اے ڈی بی ءِ بنجاہی کارگس ءِ مزنیں کارندہ ھم ھوار اتنت۔ دیوان وزارت خزانہ ءَ برجم دارگ بوتگ ءُ ایشی ءِ تہ ءَ اسٹریٹجک کمک ءَ را گیش مھکم کنگ، دیمروئی اثر آناں گہتر کنگ ءُ اصلاحات ءِ کوشست آناں ترند کنگ ءِ راہ آنی سر ءَ تران کنگ بوتگ۔ ڈل ءِ وش اتک کنان ءَ وزیر ءِ ھزانگ ءَ اے ڈی بی ءِ پاکستان ءَ را دراجیں مدتی ءُ وھد ءِ سر ءَ کمک ءِ سر ءَ دل ءِ جہلانکی ءَ چہ منت واری ءِ درشان کت ، ھاسیں رنگ ءَ بجٹ ءِ کمک ، چاگردی رکھینگ ، چاگردی شوبگ ءِ دیمروئی ، ءُ ڈھانچہ ءِ اصلاحات ءِ پڑ ءَ ۔ آئی ءَ اے گپ ءِ سر ءَ زور پر دات کہ دیمروئی شریکداری ءِ بنیات ءَ را آسر ، اثر ءُ کارکردگی ءِ اشارہ آنی سر ءَ بہ بیت ءُ نہ کہ ایوک ءَ منظوری ءِ سر ءَ بہ بیت تانکہ حقیقی ءُ پائیداریں دیمروئی ءَ را دل یکیمی کنگ بہ بیت۔ منصوبگ بندی، تیاری، ءُ عملدرآمد ءَ را گہتر کنگ ءِ واستہ وتی جزم ءِ درشان کنان ءَ وزیر خزانہ ءَ گوشت کہ گوستگیں وھد ءَ منصوبگ آنی سرجمی ءِ تہ ءَ تاخیر ھاسیں رنگ ءَ چاگردی شوبگ ءُ چاگردی منصوبگ آنی تہ ءَ دیمروئی ءِ اثر آناں نزور کنگ ءَ انت، ایشی ءَ را گیش ءُ گیوار کنگ المی انت۔ گند ءُ نند ءَ آئی ایم ایف ءِ توسیپی فنڈ آسراتی پروگرام ءِ رد ءَ پاکستان ءِ اقتصادی برجائی ءُ اصلاحات ءِ پیشرفت ءِ سر ءَ چار ءُ تپاسی کنگ بوت۔ وزیر ءِ ھزانگ ءَ گوشت کہ کریڈٹ ریٹنگ ءِ تہ ءَ گہتری، آئی ایم ایف ءِ سوبمندیں چار ءُ تپاسی ءُ موسمیاتی گر ءُ دار ءِ آسراتی ءِ منظوری ءِ وڑیں گامگیج پاکستان ءِ اصلاحاتی ایجنڈا ءِ سر ءَ جھان ءِ دل یکیمی ءِ درشان اَنت۔ آئی ءَ ٹیکس اصلاحات، توانائی ءِ شوبگ ءِ گہتری، سرکاری ادارگ آنی اصلاحات، نجکاری ءُ سرکاری مالیاتی انتظامی اصلاحات ءِ واستہ حکومت ءِ جزم ءِ سر ءَ یک رندے پدا گوشت۔ سینیٹر محمد اورنگزیب ءَ ڈل ءَ را گوستگیں دیمروئی آنی بابت ءَ سرپدی دات ءُ گوشت کہ یک کسانیں بینک ءِ نجکاری سرجم بوتگ، اسٹریٹجک لین دین آنی تہ ءَ دلچسپی پدا زندگ بوھگ ءَ اِنت ءُ توانائی ءِ شوبگ ھاسیں رنگ ءَ ڈسٹری بیوشن کمپنی آنی نوکیں رنگ ءَ جوڑ کنگ ءِ سر ءَ کار برجاہ اِنت۔ آئی ءَ گوشت کہ اصلاحات ءِ عمل ءَ دل یکیمی ءُ رفتار ءِ پیداک کنگ ءِ واستہ سوبمندیں ءُ ھاسیں نجکاری ءِ گامگیج سک باز المی انت۔ وزیر خزانہ ءَ برآمدات، سروسز، ھاسیں رنگ ءَ آئی ٹی سروسز، حوالہ جات ءِ تہ ءَ گہتری ءُ کرنٹ اکاؤنٹ ءِ خسارہ ءِ تہ ءَ گیشی ءِ وڑیں جوانیں اقتصادی اشارہ آنی ھم ذکر کت بلے اے گپ ءِ سر ءَ زور پر دات کہ اقتصادی دیمروئی ءَ را متوازن ءُ برجمیں بنیات ءِ سر ءَ برجم دارگ المی اِنت۔ آئی ءَ کم مدتی مزاحمت ءِ باوجود حکومت ءِ تجارت ءِ لبرل کنگ ءُ مقابلہ ءِ تہ ءَ گیشی ءِ جزم ءِ سر ءَ زور پر دات۔ اے ڈی بی ءِ نیمگ ءَ ایما فین ءَ وزیر ءِ ھزانگ ءُ آئی ءِ ٹیم ءِ مھکمیں کمک ءُ آسراتی ءِ ھاتر ءَ ھاسیں رنگ ءَ اے ڈی بی ءِ صدر ءِ پاکستان ءِ سوبمندیں تر ءُ تاب ءِ رژنائی ءَ منت گپت۔ آئی ءَ اے ڈی بی ءِ دیمروئی ءِ آسر آنی سر ءَ دلگوشی ءِ سر ءَ زور پر دات ءُ گوشت کہ ترندیں فنڈ ءِ بھر ءُ بانگ ءُ عملی آسر آنی واستہ بروقت منصوبگ ءِ تیاری ءُ آسان کتگیں کارروائی المی اِنت۔ آئی ءَ اصلاحات ءِ وسیلگ ءَ ادارگی گنجائش ءُ نفاذ ءِ گہتری ءِ کمک ءِ واستہ اے ڈی بی ءِ سرجمیں تیاری ءِ درشانی کت۔ اے ڈی بی ءِ حکام ءَ آئی ایم ایف پروگرام ءِ چیر دستی ءَ پاکستان ءِ اصلاحاتی پیشرفت ءِ ھم توسیپ کت ءُ ای ایف ایف ءِ رد ءَ گیش بجٹ کمک ءِ پجارینگ ءِ واستہ تیاری ءِ جار جت۔ آہاں آیوکیں کار ءِ ھاتر ءَ بوت کنوکیں دمگ آنی نشاندہی کتگ، ایشی ءِ تہ ءَ بیمہ ءِ شوبگ ءِ اصلاحات، سرکاری ءُ نجی شراکت داری، پنشن ءِ اصلاحات ءُ چاگردی رکھینگ ءُ چاگردی شوبگ ءِ ھاتر ءَ برجاہ حمایت ھوار انت۔ ڈل ءَ نجی شعبہ ءِ تہا اے ڈی بی ءِ گیش بوھوکیں ھوار بوھگ ءِ سر ءَ ھم زور پر دات، ایشی ءِ تہ ءَ نجی شعبہ ءِ ممکنہ لین دین، گارنٹی، ءُ پی پی پی منصوبگ ھوار اَنت، ایشی ءِ تہ ءَ مجوزہ بالی پٹ ءِ لین دین ءِ سر ءَ ھیال ءُ لیکہ کنگ ھوار اِنت۔ پاکستان ءَ اے ڈی بی ءِ ھست بوھگ ءَ را گیش مھکم کنگ ءَ ھوار نوکیں کنٹری آپریشنز ہیڈ ءِ گچین کنگ ءَ را گیشیں کمک ءُ جوانیں منصوبگ بندی ءِ نیمگ ءَ یک ھاسیں گامگیج ءِ رنگ ءَ بیان کنگ بوتگ۔ دوئیں نیمگاں پاکستان ءُ اے ڈی بی ءِ نیام ءَ شریکداری ءَ را گیش مھکم کنگ ءِ وتی جزم ءِ پدا پدر کت کہ ایشی ءِ تہ ءَ دیمروئی ءِ اثر، شفافیت، نجی شوبگ ءِ دیمروئی، ءُ ھواریں ءُ پائیداریں اقتصادی دیمروئی ءِ سر ءَ دلگوشی دیگ بیت۔ اے گپ ءِ سر ءَ ھم تپاک کنگ بوت کہ آیوکیں ملکی شریکداری ءِ چارچوب ءُ 2026 ءُ ایشی ءَ چہ پد دیمروئی منصوبگ آنی سر ءَ نزیکیں ھمگرنچی ءُ کمک ءَ را برجاہ دارگ بہ بیت۔