پٹرولیم ءِ وفاقی وزیر علی پرویز ملک ءَ کویت ءِ تیل ءِ وزیر ءَ گوں گند ءُ نند کتگ، توانائی ءِ شوبگ ءَ کمک ءَ را گیش مھکم کنگ ءِ سر ءَ تپاک

کویت۔15دسمبر  (اے پی پی): پٹرولیم ءِ وفاقی وزیر علی پرویز ملک ءَ کویت ءِ تیل ءِ وزیر طارق سلیمان الرومی  ءَ گوں گند ءُ نند کت ایشی ءِ تہ ءَ پٹرولیم ءِ شوبگ ءَ وت مہ وتی مفاد ءِ جیڈھ آنی سر ءَ سرجمیں رنگ ءَ گپ ءُ تران کنگ بوت۔ پٹرولیم ڈویژن ءِ جارکش ءِ رد ءَ وفاقی وزیر ءَ اے موہ ءِ سر ءَ گوشت کہ پاکستان ءُ کویت ءِ سیادی وت مہ وتی شرپ ءُ شرپ، بھروسہ ءُ دہائی آنی تہ ءَ کمک ءِ بنیات ءَ انت ھاسیں رنگ ءَ پٹرولیم ءِ شوبگ ءَ۔ گند ءُ نند ءَ کویت پٹرولیم کارپوریشن ءِ چیف ایگزیکٹو آفیسر شیخ نواف الصباح، کویت فارن پٹرولیم ایکسپلوریشن کمپنی ءِ سی ای او ءُ آہانی مزنیں انتظامیہ ءِ باسکاں بہر زرتگ۔ پاکستانی ڈل ءِ تہ ءَ آئل اینڈ گیس ڈویلپمنٹ کمپنی لمیٹڈ ءِ منیجنگ ڈائریکٹر احمد حیات لک ءُ پاکستان اسٹیٹ آئل ءِ جنرل منیجر (سپلائز) ھم ھوار ات۔ گند ءُ نند ءِ ساھت ءَ پٹرولیم ءِ شوبگ ءَ پاکستان ءُ کویت ءِ نیام ءَ برجاھیں دوستی کمک ءِ سر ءَ چار ءُ تپاسی کنگ بوت ءُ استیں شریکداری آناں گیش وسعت دیگ ءِ ھوار کمک ءِ نوکیں موہ آناں پٹ ءُ پول کنگ ءِ سر ءَ زور دیگ بوت۔ دوئیں رہشون آں دو نیمگی سیادی ءَ را گیش مھکم کنگ ءُ یکجائی مول ءُ مراد آنی سر ءَ سر بوھگ ءِ واستہ نزیکیں رابطہ ءُ کمک ءَ را برجاہ دارگ ءِ واستہ وتی جزم ءِ یک رندے پدا گوشت کہ ایشی ءَ چہ پاکستان ءُ کویت ءِ نیام ءَ مھکمیں شریکی ءِ درشان اِنت۔ گند ءُ نند ءَ پد کویت ءِ تیل ءِ وزیر ءَ والڈورف اسٹوریا ہوٹل ءَ پاکستانی ڈل ءِ شرپ ءَ نیم روچ ءِ مراگش ھم کت۔