وفاقی وزیر شزہ فاطمہ خواجہ ءَ سرکاری ھزمتانی تہ ءَ زالبولیں سروکی ءِ یک برجمیں ءُ جوانیں درور ءِ جار جتگ

اسلام آباد۔ 15 دسمبر (اے پی پی): وومن ان گورنمنٹ ٹیک 2025 ءِ رپورٹ ءَ آئی ٹی ءُ ٹیلی کام ءِ وفاقی وزیر شزہ فاطمہ خواجہ ءَ را سرکاری ازمت آنی تہ ءَ زالبول آنی سروکی ءِ یک نامدار ءُ موثریں مثال ءِ رنگ ءَ جار جتگ۔ رپورٹ ءِ رد ءَ شزہ فاطمہ خواجہ نوکیں ٹیکنالوجی ءَ ایوک ءَ سسٹم ءَ گوں بندوک نہ لیک ایت بلکیں ایشی ءَ را موثر، شفاف ءُ مردم دوستیں ھزمت آنی پجارینگ ءِ یک ھاسیں وسیلہ لیک ایت۔ رپورٹ ءِ تہ ءَ گشگ بوتگ کہ وفاقی وزیر شزہ فاطمہ خواجہ شمولیت ءِ ڈیجیٹل گورننس ءِ پیشگام اِنت ءُ پالیسی جوڑ کنگ ءُ عملی عملدرآمد ءِ نیام ءَ پرک ءَ را گیش کنگ ءِ تہ ءَ کلیدی کرد پیلو کنگ ءَ اِنت۔ آئی ءِ سروکی ءَ ڈیجیٹل اصلاحات ءِ مول ءُ مراد ایش انت کہ عام شہری ھاسیں رنگ ءَ زالبول ءُ نزوریں گل آناں سرکاری آسراتی آنی تہ ءَ جوانیں رسائی ءِ پھجارینگ بہ بیت۔ وومن ان گورنمنٹ ٹیک 2025 ءِ رپورٹ ءِ رد ءَ پاکستان ءِ ڈیجیٹل لیڈر شپ ءَ را جھان ءِ تک ءَ منگ بوھگ ءَ اِنت کہ ایشی ءِ تہ ءَ شازہ فاطمہ خواجہ ءِ کرد برجم اِنت۔ رپورٹ ءَ اے گپ ءِ سر ءَ ھم زور پر دیگ بوتگ کہ وفاقی وزیر ءِ ھوار کنگ ، نوکیں سوچ ءُ سرکاری ھزمت ءِ واستہ وژن نہ ایوک ءَ زالبول آنی واستہ جوانیں مثال اِنت بلکیں پاکستان ءِ ڈیجیٹل آیوکیں وھد ءِ واستہ دلبڈی ھم اِنت۔ رپورٹ ءِ تہ ءَ گیش گشگ بوتگ کہ شازہ فاطمہ خواجہ ءِ سروکی ءَ چہ شفافیت، شمولیت ءُُ نوکیں ٹیکنالوجی ءِ جوانیں کارمردی ءِ وسیلگ ءَ سرکاری آسراتی آناں گہتر کنگ ءِ یک سوبمندیں مثال ءِ رنگ ءَ ابھر بوتگ۔ رپورٹ ءِ رد ءَ زالبولیں رہشون نہ ایوک ءَ ٹیکنالوجی ءَ را وتی سرا زورگ ءَ اَنت بلکیں سرکاری آسراتی ءِ دیم دیگ ءِ راہ ءَ را بنیاتی رنگ ءَ بدل کنگ ءَ اَنت، ھوار کنگ ءِ واستہ نوکیں معیار جوڑ کنگ ءَ اَنت ءُُ ٹیکنالوجی ءِ کارمرد کنگ ءَ پالیسی ءُُ عملدرآمد ءِ نیام ءَ فرق ءَ را گیش کنگ ءَ اَنت۔ آئی ٹی ءُ ٹیلی کمیونیکیشن ءِ وزیر مملکت شازہ فاطمہ خواجہ ءَ اے گپ ءِ سر ءَ زور پر دات کہ ”20درسد ءِ رسگ ءِ گران تریں مردم“ ءَ را ھوار کنگ ءُ ھما ھزمت جوڑ کنگ المی اِنت کہ آھانی واستہ کار بہ کن اَنت۔ اے سال ءِ رپورٹ ءَ 29 ملک آنی تہ ءَ شنگ بوتگیں 100 زالبولیں نوکیں لیکہ ءِ اثر مندیں کسہ آنی سر ءَ ھاسیں رنگ ءَ چمشانک دیگ بوتگ کہ گوستگیں سال ءَ 24 ملک آنی تہ ءَ ھوار اَنت۔