اسلام آباد۔15دسمبر (اے پی پی): وزیر دیمپانی خواجہ محمد آصف ءَ گوشت کہ پاکستان گتر ءِ گوما وتی سیادی ءَ را سک باز ارزشت دنت، ءُ دوئیں ملک آناں یکجائی ءَ کار کنگ لوٹ ایت کہ آ وتی کمک ءَ را اقتصادی پڑ ءَ چہ در ءَ دیمپانی، فوجی مشق ءُ کارندہ آنی تربیت ءُ یکجائی منصوبگ آناں گیش بہ کن اَنت۔ دو شمبے ءِ روچ ءَ وزارت دیمپانی …
پاکستان گتر ءِ گوما وتی سیادی ءَ را سک باز ارزشت دنت، وزیر دیمپانی خواجہ محمد آصف
گیشتریں ھال
اسلام آباد۔15دسمبر (اے پی پی): وزیر دیمپانی خواجہ محمد آصف ءَ گوشت کہ پاکستان گتر ءِ گوما وتی سیادی ءَ را سک باز ارزشت دنت، ءُ دوئیں ملک آناں یکجائی ءَ کار کنگ لوٹ ایت کہ آ وتی کمک ءَ را اقتصادی پڑ ءَ چہ در ءَ دیمپانی، فوجی مشق ءُ کارندہ آنی تربیت ءُ یکجائی منصوبگ آناں گیش بہ کن اَنت۔ دو شمبے ءِ روچ ءَ وزارت دیمپانی ءِ نیمگ ءَ جاڑی بوتگیں بیان ءِ رد ءَ وزیر دیمپانی خواجہ محمد آصف ءَ گوں گتر ءِ سفیر علی مبارک علی عیسیٰ الخاطر ءَ گند ءُ نند کتگ۔ وزیر دیمپانی ءَ گتر ءِ سفیر ءَ را وش اتک کنان ءَ گوشت کہ پاکستان گتر ءِ گوما وتی سیادی ءَ را سک باز ارزشت دنت ۔ وفاقی وزیر ءَ گوشت کہ گتر یک ھاسیں ملک ءِ انت ایشی ءِ پڑ ءَ کلیدی کرد انت۔ گتر ءِ گوما مئے سیادی وت مہ وتی شرپ ءُ دو نیمگی کمک ءِ سرا انت۔ وزیر دیمپانی ءَ گوشت کہ دوئیں نیمگ ءَ یکجائی ءَ کار کنگ ءِ ضلورت اِنت تانکہ اقتصادی پڑ ءَ چہ درائیں وتی کمک ءَ را دیمپانی، فوجی ایکسرسائزز ءُ پرسنل ٹریننگ ءُ یکجائی منصوبگ آنی واستہ دیم ءَ برگ بہ بیت۔ مئے فوجی ادارگ گتری سلاہ بندیں اُرد ءِ واستہ گیش ءَ چہ گیش تربیت ءِ آسراتی ءَ چہ سیت چست کنگ ءِ واستہ پچ انت۔ پُرمڈائیں مہمان ءَ دوئیں ملک آنی نیام ءَ دیمپانیی شوبگ ءَ کمک ءِ استیں دائرہ کار ءِ سر ءَ دل یکیمی ءِ درشان کت۔
