اسلام آباد۔15دسمبر (اے پی پی): مزن وزیر محمد شہباز شریف ءَ ڈیرہ اسماعیل خان کولاچی ءَ فتنہ الخوارج ءِ ھلاپ ءَ سوبمندیں آپریشن ءِ پد ءَ سیکورٹی فورسز ءِ افسر ءُ کارندہ آناں شگر ءُ منت ءِ درشان۔ دوشمبے ءِ روچ ءَ مزن وزیر کارگس ءِ میڈیا ونگ ءِ نیمگ ءَ جاڑی بوتگیں بیان ءِ رد ءَ مزن وزیر ءَ آپریشن ءِ ساھت ءَ 7درملکی مردمانی کوش ءِ سر …
مزن وزیر شہباز شریف ءَ کولاچی ءَ فتنہ الخوارج ءِ ھلاپ ءَ سوبمندیں آپریشن ءِ پد ءَ سیکورٹی فورسز ءَ را توسیپ ءُ ستا
گیشتریں ھال
اسلام آباد۔15دسمبر (اے پی پی): مزن وزیر محمد شہباز شریف ءَ ڈیرہ اسماعیل خان کولاچی ءَ فتنہ الخوارج ءِ ھلاپ ءَ سوبمندیں آپریشن ءِ پد ءَ سیکورٹی فورسز ءِ افسر ءُ کارندہ آناں شگر ءُ منت ءِ درشان۔ دوشمبے ءِ روچ ءَ مزن وزیر کارگس ءِ میڈیا ونگ ءِ نیمگ ءَ جاڑی بوتگیں بیان ءِ رد ءَ مزن وزیر ءَ آپریشن ءِ ساھت ءَ 7درملکی مردمانی کوش ءِ سر ءَ سیکورٹی فورسز ءِ کزبی ھیل کاریصلاحیت آنی توسیپ کتگ ءُ آپریشن ءِ ساھت ءَ ملک ءِ واستہ وتی جان ندر کتگ نیک یاسر خان شہید ءَ را شگر ءُ منت گپتگ۔ مزن وزیر ءَ شہید ءِ مزنیں عہدگ ءُ آئی ءِ کھول ءِ واستہ صبر ءِ دعا لوٹ اِت۔ مزن وزیر ءَ گوشت کہ پاکستانی سلاہ بندیں اُرد ءِ بامردیں افسر ءُ سپاھیگ ملک ءُ راج ءِ واستہ وتی سرانی ندر کنگ ءَ چک ءُ پد نہ بنت، راج ملک ءِ واستہ وتی بامردیں افسر ءُ سپاھیگ آنی مزنیں قربانی آناں کدی شموشت نہ کنت۔ مزن وزیر ءَ گوشت کہ ناشرکاری ءِ راکشس ءِ ھلاپ ءَ جنگ ھما وھد ءَ برجاہ مان اِنت داں ناشرکاری ءِ راکشس ملک ءَ چہ سرجمی ءَ ھلاس کنگ مہ بیت۔
