مزن وزیر شہباز شریف ءَ اسٹیٹ بینک ءِ نیمگ ءَ سود ءِ کساس ءِ تہ ءَ 50 بیس پوائنٹ ءِ کمی ءِ سر ءَ دل یکیمی ءِ درشانی

اسلام آباد۔15دسمبر  (اے پی پی): مزن وزیر محمد شہباز شریف ءَ اسٹیٹ بینک ءِ نیمگ ءَ سود ءِ کساس ءِ تہ ءَ 50بیس پوائنٹ ءِ کمی ءِ سر ءَ دل یکیمی ءِ درشانی کت ءُ ایشی ءَ را کاروباری برادری ءُ لس  مردم ءِ گہتری ءِ   بن ھشت نامینتگ۔ دوشمبے ءِ روچ ءَ مزن وزیر کارگس ءِ میڈیا ونگ ءِ نیمگ ءَ جاڑی بوتگیں بیان ءِ رد ءَ مزن وزیر ءَ گوشت کہ ھدا ءِ فضل ءُ کرم ءَ چہ حکومتی اقتصادی ٹیمب ءِ محنت ءُ کوشست نتیجہ دیئگ ءَ انت۔ وفاقی وزیر خزانہ محمد اورنگزیب، خزانہ ءِ وزیر مملکت بلال اظہر کیانی ءُ سیکرٹری خزانہ ءُ آہانی ٹیم پاکستان ءِ اقتصادی دیمروئی ءِ ھاتر ءَ وتی کوشست آنی ستا کرز انت۔ مزن وزیر ءَ گوشت کہ ملک ءَ اقتصادی نمبگ است انت پاکستان دیمروئی ءِ نیمگ ءَ جنزان انت۔ کاروباری برادری ءُ مہلوک ءَ اقتصادی دیمروئی ءِ ھاتر ءَ قربانی داتگ۔ الحمداللہ اقتصادی دیمروئی ءِ سبب ءَ گیش ءَ چہ گیش مہلوک ءَ را ریلیف دیگ ءَ انت۔ مزن وزیر ءَ گوشت کہ کمیں ھرچ ءُ درچ ءِ سر ءَ سود ءُ وام آنی تہ ءَ کمی ءَ چہ کسان ءُ درنیامی کاروباری ادارگ گیش ءَ چہ گیش نپ چست کن اَنت۔