وزیر دیمپانی خواجہ آصف ءَ سری لنکا ءِ ہائی کمشنر ءَ گوں گند ءُ نند کت، دو نیمگی سیادی ءَ را گیش مھکم کنگ ءِ سرا تپاک

اسلام آباد۔15دسمبر  (اے پی پی): وزیر دیمپانی خواجہ محمد آصف ءَ سری لنکا ءِ ہائی کمشنر ریئر ایڈمرل فری سینی ویراتنے  ءَ گوں گند ءُ نند کتگ۔ گند ءُ نند ءَ پاکستان ءُ سری لنکا ءِ نیام ءَ دیریں دوستی ءِ سیادی، وت مہ وتی نپ ءُ سیت ءِ جیڈھ ءُ دمگی جاور ھال آنی سر ءَ ھیال ریچی کنگ بوت۔ وفاقی وزیر دیمپانی ءَ پاکستان ءُ سری لنکا ءِ نیام ءَ دیریں دوستی ءَ را ساڑاتگ ءِ وھد ءَ گوشت کہ استیں دمگی ءُ جھان ءِ جاور ھال آنی تہ ءَ دوئیں ملک آناں کثیر نیمگی کمک ءِ جوانیں موہ آں چہ پائدگ چست کنان ءَ وتی سیادی ءَ را گیش مھکم کنگ لوٹ ایت۔ آئی ءَ گوشت کہ پاکستان سری لنکا ءَ را یک ھاسیں دمگی ملک لیک ایت کہ آ دمگ ءُ دگنیا ءَ امن ءُ ایمنی ءِ واستہ جوانیں کرد پیلو کنگ ءَ انت۔ پاکستان سری لنکا ءِ علاقائی یکوئی ءُ حاکمیت ءِ سرجمیں شرپ ءُ حمایت ءَ کنت۔ سری لنکا ءِ ہائی کمشنر ءَ پاکستان حکومت ءِ نیمگ ءَ گوستگیں وھد ءِ سر ءَ داتگیں انسانی کمک ءُ کمک ءِ سر ءَ دل ءِ تہ ءَ چہ منت واری ءِ درشان کت۔ آئی ءَ ناشرکاری ءِ ھلاپ ءَ جنگ ءِ تہ ءَ پاکستان ءِ سوبمندی من اِتگ اَنت ءُ پاکستان سلاہ بندیں اُرد ءِ کزبی ھیل کاریرنگ ءَ ساڑاتگ اَنت۔ گند ءُ نند ءَ دوئیں ملک آنی نیام ءَ برجاھیں کمک ءِ سر ءَ دل یکیمی ءِ درشان کت ءُ وت مہ وتی سیت ءِ شوبگ آنی تہ ءَ کمک ءَ را گیش دیمروئی دیگ ءِ واستہ وتی جزم ءِ پدا زور دات۔