پاور ڈویژن ءِ کوشستاں چہ ڈسکوز  ءِ واستہ نوکیں سمارٹ میٹر ءِ نرخ 40 درسد کم بوتگ انت، سردار اویس لغاری

اسلام آباد۔15دسمبر  (اے پی پی): پاور ڈویژن ءِ برجاھیں کوشست، وھد ءُ پاس ءِ سر ءَ جوانیں گامگیج، شفافیت ءُ مقابلہ ءِ عمل ءَ را مھکم کنگ ءِ سبب ءَ بجلی ءِ بھر ءُ بانگ ءِ کمپنی آنی واستہ نوکیں سمارٹ میٹر آنی بہا 40درسد کمی کنگ بوتگ، ایشی ءَ چہ راجی تک ءَ سالی 150ارب کلدار ءِ بچت بیت۔ دو شمبے ءِ روچ ءَ سمارٹ میٹر آنی ھوالگ ءَ رپورٹ پیش کنگ ءَ پد جاڑی بوتگیں بیان ءِ تہ ءَ وفاقی وزیر بجلی ءِ ڈویژن سردار اویس احمد خان لغاری ءَ گوشت کہ شفافیت ءُ میاں اوستمانی مقابلہ ءِ عمل ءِ جوانیں رنگ ءَ زورگ ءِ سبب ءَ تھری فیز میٹر ءِ نھاد 45 ہزار کلدار ءَ چہ کم کنگ بوتگ ءُ 25ہزار کلدار ءَ چہ کم کنگ بوتگ۔ ھمے رنگ ءَ سنگل فیز میٹر ءِ نھاد ءَ ھم 7ھزار کلدار کم کنگ بوتگ، اے درستیں نھاد چہ راجمان ءِ ٹیکساں ابید اَنت۔ وفاقی وزیر برائے بجلی ڈویژن ءَ گوشت کہ بجلی ڈویژن ءِ گہتریں حکمت عملی ءِ سبب ءَ پاکستان انجینئرنگ ءَ جنریشن ءِ ریگولیشن آنی تہ ءَ جوانیں بدلی کتگ، میاں اوستمانی کمپنی آناں مقابلہ ءِ عمل ءَ سرجمی ءَ بھر زوری کتگ ءُ ایشانی دیم ءَ اوشتاتگیں رکاوٹ آناں دور کنگ بوتگ۔ چوش کہ درستیں بجلی ءِ بہر ءُ بانگ کنوکیں کمپنیانی تہا سمارٹ میٹر ءِ گرگ ءَ چہ میٹر ءِ نرخ کم بوتگ انت پرچا کہ خام مال ءُ مواد مزنیں کساسے ءَ ارزان انت۔ پاور ڈویژن ءِ برجاھیں نگرانی ءُ سمارٹ میٹر آنی واستہ شفاف ءُ مقابلہ ءِ معیار ءِ جوڑ کنگ ءِ سبب ءَ اے میٹر آنی نرخ آنی تہ ءَ کمی ءِ بندات بوتگ۔ وفاقی وزیر برائے بجلی ڈویژن ءِ رد ءَ بدل ءُ ھراب بوتگیں میٹر آنی ایر کنگ ءِ کمک ءَ بجلی ءِ بھر ءُ بانگ کمپنی آنی نیمگ ءَ سالانہ 150ارب کلدار ءِ بچت ءِ اندازہ جتگ۔ ایشی ءَ ابید بجلی ءِ صارف نوکیں میٹر ءِ رد ءَ ارباں کلدار ءِ بچت ھم کن اَنت کہ ایشی ءَ چہ صارف آناں وتی نوکیں کنکشن آنی واستہ ڈیمانڈ نوٹس آنی ھرچ ءُ درچ ءِ تہ ءَ کمی ءِ رنگ ءَ براہ راست فائدگ رسیت۔ سمارٹ میٹر آنی نرخ آنی تہ ءَ کمی ءِ سبب ءَ نوں ملک ءَ بجلی ءِ شوبگ ءَ ڈیجیٹلائزیشن ءِ نیمگ ءَ ترندی ءَ گوں پیشرفت بیت ایشی ءَ چہ راجی گرڈ ءِ کارکردگی ءَ را گیش گہتری کیت۔ عویس لغاری ءَ گیش گوشت کہ سمارٹ میٹر آنی سبب ءَ میٹر ءِ ردیں ریڈنگ ءَ چہ ریلیف رس ایت، بجلی ءِ دُزی ءِ زوتیں پجارینگ، پیشگی ادائیگی ءِ آسراتی، وتی میٹر آنی سر ءَ براہ راست نگرانی ءُ بجلی ءِ کارمرد کنگ ءِ بابت ءَ سرپدی، بجلی ءِ برجای ءِ ھچ وڑیں لائن مین ءِ ھست نہ بوھگ ءُ دگہ بازیں آسراتی رس ایت۔