پولیو ءِ ھلاسی ءِ ھاترا پنجاب سرکار ءِ کوشست ستا کرز اَنت، مزن وزیر ءِ فوکل پرسن برائے پولیو عائشہ رضا فاروق

اسلام آباد۔15دسمبر  (اے پی پی): مزن وزیر ءِ فوکل پرسن برائے پولیو عائشہ رضا فاروق ءَ گوشت کہ پولیو ءِ ھلاسی ءِ واستہ پنجاب حکومت ءِ کوشست ستا کرز انت، پولیو ءِ ھلاسی ءِ واستہ کوشست آنی تہ ءَ پنجاب دیم ءَ انت۔ آئی ءَ اے ھیالانی درشانی پولیو ءِ ھلاپ ءَ مہم ءِ بنگیج ءِ موہ ءَ کت۔ اے مہم ءِ بندات مراگش ءَ زھگاں ڈراپ ءِ دیم دیگ ءَ چہ کنگ بوتگ۔ صوبائی جان سلامتی ءِ وزیر خواجہ عمران ءَ گوشت کہ لاہور ءَ پولیو ءِ مہم 7 روچ ءَ برجاہ بیت۔ پنجاب سرکار ءِ کوشست ءِ سبب ءَ چاگردی نمونہ منفی بوہگ ءَ انت۔ اے موہ ءِ سر ءَ بنجاھی وزیر ءِ فوکل پرسن برائے پولیو ازما کردار ءَ گوشت کہ 2025ءِ ساھت ءَ پنجاب ءَ ایوک ءَ یک پولیو ءِ کیس ءِ رپورٹ بوتگ۔ماحولیاتی نمونہ آنی تہ ءَ وائرس ءِ شرح 26درسد ءَ چہ کم بوتگ۔ آئی ءَ گوشت کہ مھکمیں کوریج ءِ سبب ءَ پنجاب ءَ پولیو ءِ سبب ءَ معذوری ءِ ھچ وڑیں مزنیں کیس گندگ نہ بوتگ۔ پولیو ءِ ھلاسی ءِ پروگرام ءِ سروک عادل تساور ءَ بریفنگ دیان ءَ گوشت کہ لاہور ءَ اے مہم 7 روچ ءَ برجاہ بیت وھدیکہ دگہ ضلع آنی تہ ءَ چار روچ ءَ برجاہ بیت۔ آئی ءَ گوشت کہ سرجمیں پنجاب ءَ دو لکھ ءَ چہ گیش پولیو ءِ کارندہ 17 ملین ءَ چہ گیش زھگ آناں ویکسین کن اَنت۔ پولیو ءِ ھلاپ ءَ مزنیں پیشرفت ءِ باوجود اے وائرس انگت ءَ یک ھترہ یے ۔ مُدام آبادی ءِ نقل و حرکت وائرس ءِ شنگ ءُ تالان بوھگ ءِ مستریں سوب اِنت۔ 78 درصد ءَ چہ گیش نمونہ مثبت گوں استان ءِ تہی شنگ ءُ تالان ءَ بندوک انت۔ ہائی رسک موبائل آبادی ءِ ویکسینیشن ءِ واستہ پنجاب ءَ ٹرانزٹ پوائنٹ جوڑ کنگ بوتگ انت۔ استانانی نیام ءَ سفر کنوکیں آبادی ءَ را پولیو ءِ ھلاپ ءَ ویکسین کنگ بوھگ ءَ اِنت۔ پنجاب حکومت پولیو ءِ فرنٹ لائن کارندہ آنی ایمنی ءُ جان سلامتی ءَ را دل یکیمی کنگ ءَ انت۔ پولیو ءِ ھلاپ ءَ شرتریں رکھینگ ءِ ھاترا ھر چُک ءَ بار بار ویکسین کنگ المی اِنت۔ آئی ءَ والدین ءَ چہ اپیل کت کہ آ پولیو ٹیم آناں وش آتک بہ کن اَنت ءُ آھانی کمک ءَ را دل یکیمی بہ کن اَنت۔