پاکستان ءُ چین ءِ نیام ءَ چار سالی ایکشن پلان (2025-29) ءُ سی پیک ءِ دومی بھر ءِ منصوبگ دمگ ءَ کمک ءُ وشھالی ءِ نوکیں دور ءِ بُن ھشت ایر کن ان، ڈاکٹر حسن داؤد بٹ

اسلام آباد۔15دسمبر  (اے پی پی): سینئر ایڈوائزر انرجی چائنہ  ءُ سی پیک ءِ پیسریگیں پروجیکٹ ڈائریکٹر ڈاکٹر حسن داؤد بٹ ءَ گوشت کہ پاکستان ءُ چین ءِ نیام ءَ چار سالی ایکشن پلان (2025-29) ءُ سی پیک ءِ دومی بھر ءِ منصوبگ آنی تہ ءَ دمگ ءَ کمک ءُ وشھالی ءِ نوکیں دور ءِ بنیات ایر کنگ بیت۔ دوشمبے ءِ روچ ءَ اے پی پی ءَ گوں تران کنان ءَ ڈاکٹر حسن داؤد بٹ ءَ گوشت کہ اے ایکشن پلان ءِ چیر دستی ءَ کشت ءُ کشاری، صنعتی، انفراسٹرکچر ءُ سائنسی شوبگ آنی تہ ءَ گہتریں کمک ءِ امیت انت ایشی ءَ چہ دوئیں ملک آنی نیام ءَ اقتصادی ءُ تجارتی سیادی گیش مھکم بنت۔ آئی ءَ گوشت کہ اے منصوبگ نہ ایوک ءَ پاکستان ءِ معیشت ءِ واستہ سیت مند بنت بلکینگ ءَ پڑ ءَ امن، دیمروئی ءُ وشھالی ءِ واستہ ھاسیں سنگ میل آنی رنگ ءَ ھم ثابت بنت۔ آئی ءَ گوشت کہ چین ءُ پاکستان ءِ دوستی ءَ را سیاست، معیشت، دفاع ءُ مردم آنی نیام ءَ مھلوک ءِ تبادلہ ءِ توامیں پڑ ءَ نوکیں پڑ ءَ سر کنگ ءِ واستہ چار سالی ایکشن پلان 2025-2029 تیار کنگ بوتگ۔ اے منصوبگ دمگی ءُ جھان ءِ تک ءَ دوئیں ملک آنی نیام ءَ دیریں کمک ءُ امن ءِ مثال ءِ جوڑ کنگ ءِ کوشست اِنت۔ ڈاکٹر حسن داؤد بٹ ءَ گیش گوشت کہ سی پیک دومی بھر ءِ چیر دستی ءَ جتا جتائیں شوبگ آنی تہ ءَ برجاھیں منصوبگ پاکستان ءَ روزگار ءِ موہ آنی تہ ءَ گیشی، صنعتی پیداوار ءِ دیمروئی ءُ کشت ءُ کشاری شوبگ ءِ گنجائش آنی تہ ءَ گیشی ءِ تہ کمکی بنت۔ ھمے وھد ءَ نوکیں بنیاتی ڈھانچہ ءُ سائنسی پٹ ءُ پولی منصوبگ دوئیں ملک آنی اُلس ءِ زندمان ءِ کوالٹی ءَ را گہتر کنگ ءَ ھاسیں کرد پیلو کن اَنت۔ آئی ءَ گوشت کہ پاکستان ءُ چین ءِ نیام ءَ سیادی ایوک ءَ معاشی یا تجارتی نہ انت بلکیں یک گہتریں دوستی ءُ وت مہ وتی بھروسہ ءِ سر ءَ بندوک انت ءُ اے چار سالی ایکشن پلان اے سیادی ءَ را گیش مھکم ءُ جامع جوڑ کنت۔