مزن وزیر شہباز شریف ءَ بجلی ءِ ٹرانسمیشن کمپنی ءُ جنریشن کمپنی آنی نجکاری ءِ عمل ءَ را ترند کنگ ءِ پنت ءُ شون

اسلام آباد۔15دسمبر  (اے پی پی): مزن وزیر محمد شہباز شریف ءَ بجلی ءِ ٹرانسمیشن کمپنی ءُ جنریشن کمپنی آنی نجکاری ءِ عمل ءَ را ترند کنگ ءِ پنت ءُ شون کتگ ءُ گوشت کہ بجلی ءِ نظام ءِ نجکاری ءِ وسیلگ ءَ ملک ءَ بجلی ءِ مقابلہ ءِ مارکیٹ ءِ جوڑ کنگ ملک ءِ توانائی ءِ جیڈھ آنی گیواری ءِ تہنا گیواری اِنت۔ مزن وزیر کارگس ءِ میڈیا ونگ ءِ نیمگ ءَ جاڑی بوتگیں بیان ءِ رد ءَ دو شمبے ءَ مزن وزیر ءِ سروکی ءَ بجلی ءِ شوبگ ءَ گہتری ءِ ھوالگ ءَ چار ءُ تپاسی دیوان بوت۔ گند ءُ نند ءَ وفاقی وزیر محمد اورنگزیب، احد خان چیما، سردار اویس احمد لغاری، نجکاری ءِ ھوالگ ءَ مشیر محمد علی، وزیر مملکت ءِ ھزانگ بلال اظہر کیانی ءُ سیادی داروکیں ادارگ آنی مزنیں افسر آں بھر زوری کت۔ مزن وزیر ءَ بجلی ءِ بھر ءُ بانگ ءِ نظام ءَ را گیش گہتر کنگ ءِ واستہ ترجیحی بنیاد ءَ سیادی داروکیں دیمروئی منصوبگ آناں ترجیحی بنیات ءِ سر ءَ سرجم کنگ ءِ پنت ءُ شون کت۔ آئی ءَ گوشت کہ بجلی ءِ نظام ءِ نجکاری ءِ وسیلگ ءَ ملک ءَ مسابقتی بجلی ءِ مارکیٹ ءِ جوڑ کنگ ملک ءَ توان ءِ جیڈھ آنی گیواری ءِ یکیں گیواری انت۔ مزن وزیر ءَ گوشت کہ بجلی ءِ نظام ءَ را نوکیں دور ءِ لوٹ آنی گوما ھمگام کنگ ءِ واستہ سرکاری پرائیویٹ شریکداری ءُ جندی شوبگ ءِ بھر زوری ءِ وسیلگ ءَ بیٹری انرجی اسٹوریج سسٹم ءِ سر ءَ کار بندات کنگ بہ بیت۔ گند ءُ نند ءَ مزن وزیر ءَ را بجلی ءِ شوبگ ءَ بجلی ءِ پیداوار، ٹرانسمیشن، ڈسکو ءُ جینکوز ءِ نجکاری ءُ ایندگہ گہتری ءِ دیمروئی ءِ بابت ءَ سرپد کت۔ بریفنگ ءِ ساھت ءَ گوشگ بوت کہ سئے ٹرانسمیشن کمپنی اسلام آباد الیکٹرک سپلائی کمپنی اسکو، فیصل آباد الیکٹرک سپلائی کمپنی فیسکو ءُ گجرانوالہ الیکٹرک سپلائی کمپنی ءِ نجکاری ءِ واستہ گامگیج زورگ بوھگ ءَ انت ءُ اے درگت ءَ ایکسپریشن آف انٹرسٹ زوت شنگ کنگ بیت۔ 500کے وی غازی باروتہ فیصل آباد ٹرانسمیشن لائن ءِ پی سی ون بجلی ءِ ٹرانسمیشن سسٹم ءَ را گہتر کنگ ءِ ھاتر ءَ منظوری ءِ عمل ءَ انت۔ درآمد بوتگیں کوئلہ ءِ سر ءَ چلوکیں پلانٹاں تھر کوئلہ ءَ شفٹ کنگ ءِ واستہ ٹیکنیکل فزیبلٹی سرجم کنگ بوتگ۔ تھر ءِ کوئلہ ءَ را پلانٹ آنی تہ ءَ دیم دیگ ءِ واستہ ریلوے لائن ءِ سر ءَ کار برجاہ اِنت۔ دیوان ءَ یک مقابلہ ءِ بجلی ءِ مارکیٹ ءِ آپریشنل کنگ ءِ سر ءَ تران کنگ بوت، برجاھیں کوشست آنی آسر ءَ گوستگیں سال ءِ مقابلہ ءَ لائن ءِ تاوان ءَ کمی اتکگ، ءُ بیٹری توانائی ءِ ذخیرہ کنگ ءِ نظام منصوبگ ءِ واستہ کانسیپٹ کلیئرنس ءِ تجویز ءِ منظوری دیگ بوتگ۔ فزیبلٹی اسٹڈی ءِ کنگ بوھگ ءِ سر ءَ ھم بریفنگ دیگ بوتگ۔