دمگی برجائی، برجمیں دیمروئی ءُ انسانی ایمنی ءِ ھاتر ءَ آپ ءِ منصفانہ ءُ منظمیں کارمرز کنگ ءِ ھاتر ءَ ممکن نہ انت، ڈاکٹر مصدق ملک

ریاض ۔15دسمبر  (اے پی پی): موسمیاتی بدلی ءُ چاگردی یکوئی ءِ وفاقی وزیر ڈاکٹر مصدق ملک ءَ گوشت کہ دمگی برجائی، مھکمیں دیمروئی ءُ انسانی ایمنی آپ ءِ منصفانہ ءُ منظم کارمرد کنگ ءَ ابید ممکن نہ انت ءُ دگنیا ءَ را گپ ءُ تران، امن، ھمگرنچی ءُ یکے دومی ءِ احترام ءِ اصول آنی سر ءَ پدا پابند بوھگی انت۔ وزارت ءِ موسمی مٹ ءُ بدلی ءُ چاگردی یکوئی ءِ جارکش ءِ رد ءَ آئی ءَ اے ھیالانی درشانی دو شمبے ءِ روچ ءَ سعودی عرب ءِ بنجاھی شھر ریاض ءَ برجم داشتگیں اقوام متحدہ ءِ تہذیب آنی اتحاد ءِ 11می گلوبل فورم ءَ گوں گشتانک دیان ءَ کت۔ اے مزنیں تک ءِ دیوان ”انسانیت ءِ واستہ بیست سالانی  گپ ءُ تران“ ءِ سرھال ءِ چیر دستی ءَ برجم دارگ بوتگ کہ ایشی ءِ تہ ءَ اقوام متحدہ ءِ تہذیب آنی اتحاد ءِ جوڑ بوھگ ءِ بیست سال ءِ سرجمی ءِ ھم مراگش برجم دارگ بوتگ۔ فورم ءَ جھان ءِ سروک، پالیسی ساز، اکیڈمک ءُ سول سوسائٹی ءِ نمائندگاں بھر زوری کتگ۔ ڈاکٹر مصدق ملک ءَ جھان ءِ نظام ءِ تہ ءَ بوھوکیں بدلی آنی سر ءَ چمشانک دیان ءَ گوشت کہ لھتیں جاھاں دو نیمگی کمک ءِ بدل ءَ یک نیمگی گامگیج کنگ بوھگ ءَ اِنت کہ اے جھان ءِ امن ءُ انصاف ءِ واستہ جیڈھ ءِ گپ اِنت۔ وفاقی وزیر ءَ اے گپ ءِ سر ءَ زور پر دات کہ حق ءُ انصاف ءِ اصول آناں بے تبعیض ءَ کارمرد کنگ بہ بیت۔ آئی ءَ اے گپ ءِ پدر کنگ ءَ گْوشتگ کہ زالبولانی ھک، اقلیتانی ھک، چاگردی ھک ءُ زھگانی ھک بنیاتی ءُ ناقابل تردید اَنت۔ اے درگت ءَ آئی ءَ فلسطین ءُ کشمیر ءِ جاورھالانی نیمگ ءَ دلگوش کرتگ ءُ اے جست دیم ءَ آؤرتگ کہ آیا فلسطینی ءُ کشمیریانی ھک یک پیم ءَ ھژدری اَنت؟ کشمیر ءِ الس ھم اقلیت لیکگ بنت ایشاں ھم دگنیا ءِ دگہ اقلیت آنی وڑیں ھک رسگ لوٹ ایت۔ ڈاکٹر مصدق ملک ءَ آپی حقانی سرا ہم زور پر دات ءُ گشتگ کہ اے جہل ءِ کش ءِ ملکانی ذمہ واری انت کہ آ جہل ءِ کش ءِ ملکانی حقانی احترام ءَ بہ کن انت۔ آئی ءَ اے گپ ءِ پدرائی کت کہ دمگی برجائی، برجمیں دیمروئی ءُ انسانی ایمنی ءِ ھاتر ءَ آپ ءِ منصفانہ ءُ منظم کارمرد کنگ ءِ ھاتر ءَ ممکن نہ انت۔ وفاقی وزیر ءَ گوشت کہ اقوام متحدہ ءِ تہذیب آنی اتحاد ءِ جوڑیشت ءِ 20سال ءِ سرجمی یک یاد دہانی یے کہ دگنیا ءَ را گپ ءُ تران، امن، یکوئی ءُ یکوئی ءِ احترام ءِ اصول آنی سر ءَ دوبر پابند بوھگی اِنت۔