پاکستان کمک ءِ سر ءَ بڈو  کنگ ءِ بدل ءَ مھکمیں  اقتصادی دیمروئی ءُ دوئیں نیمگ ءَ چہ شریکداری ءِ واستہ تجارتی ءُ سرمایہ کاری ءَ را بنجاھی بستار ءِ   دیگ ءَ اِنت، وفاقی وزیر ءِ ھزانگ ءَ سی این ان بزنس عربی ءَ گوں تران کنان

اسلام آباد۔15دسمبر  (اے پی پی): وفاقی وزیر خزانہ ءُ ریونیو سینیٹر محمد اورنگزیب ءَ گوشت کہ پاکستان نوں کمک ءِ سر ءَ بڈو کنگ ءِ بدل ءَ مھکمیں اقتصادی دیمروئی ءُ دوئیں نیمگ ءَ چہ شریکداری ءِ واستہ تجارتی ءُ سرمایہ کاری ءَ را مرکزیت دیگ ءَ اِنت ءُ اے حکمت عملی ءِ چیر دستی ءَ میاں اوستمانی شریک آنی گوما ھاسیں رنگ ءَ خلیج ءِ ملک آنی گوما اقتصادی سیادی ءَ را گیش مھکم کنگ بوھگ ءَ اِنت۔ سی این ان بزنس عربی ءَ گوں تران کنان ءَ وفاقی وزیر ءِ ھزانگ ءَ اے گپ ءِ پدر کنگ ءَ گوشت کہ مزن وزیر ءِ نیمگ ءَ چہ دیم ءَ آؤرتگیں اے اسٹریٹجک رھبند پاکستان ءِ اقتصادی اعتماد ءُ اصلاحات ءِ دیمروئی ءِ عکس اِنت۔ سینیٹر محمد اورنگزیب ءَ گوشت کہ گوستگیں 18ماہ ءِ تہ ءَ پاکستان ءَ یک سرجمیں میکرو اکنامک برجائی ءِ پروگرام ءِ سر ءَ جزم بوتگ، ایشی ءِ آسر ءَ مزنیں ءُ پیمائش ءِ لائکیں سوبمندی رستگ اَنت۔ مہنگائی کہ یک وھدے ءَ 38 درسد ءِ ریکارڈ ءِ سر ءَ سر بوتگ ات نوں یک عددی کچ ءَ اتکگ۔ مالیاتی محاذ ءِ تہا پاکستان ءَ بنجاہی سرپلس حاصل کتگ وھدیکہ کرنٹ اکاؤنٹ خسارہ ءِ ٹارگٹ ءِ تہا انت۔ آئی ءَ گیش گوشت کہ زرّ ءِ شرح ءِ تہ ءَ برجائی بوتگ ءُ درملکی زرّ ءِ ذخیرہ ءَ را درآمدات ءِ تہ ءَ 2.5 ماہ ءِ کساس ءَ گہتری اتکگ کہ اے درائیں مالیاتی برجائی ءِ نشانی اِنت۔ وفاقی وزیر خزانہ ءَ پاکستان ءِ گہتر بوھگ ءِ اقتصادی جاور ھال ءِ دو مزنیں میاں اوستمانی سوبمندی آنی ذکر کت۔ اولی ایش کہ ھر سئیں گلوبل کریڈٹ ریٹنگ ایجنسیاں اے سال ءَ پاکستان ءِ ریٹنگ ءُ آؤٹ لک ءَ را اپ گریڈ کتگ۔ دومی پاکستان ءَ آئی ایم ایف ءِ توسیعی فنڈ سہولت ءِ چیر دستی ءَ دومی چار ءُ تپاسی ءَ را سوبمندیں رنگ ءَ سرجم کتگ کہ آئی ایم ایف ءِ ایگزیکٹو بورڈ ءَ اے ہفتگ ءَ منظور کتگ۔ اے دیمروئی پاکستان ءِ اقتصادی پالیشی ءُ اصلاحات ءِ رھبند ءِ سر ءَ جھان ءِ تک ءَ گیش بوھوکیں اعتماد ءِ درشان اَنت۔ آئی ءَ گوشت کہ یک یکجاھیں حکمت عملی ءِ چیر دستی ءَ میکرو اکنامک برجائی ءِ ھاترا پجارینگ بوتگ ایشی ءِ تہ ءَ مالیاتی ءُ مالیاتی پالیشی آنی تہ ءَ مھکمیں ڈھانچہ ءِ اصلاحات ھوار اَنت۔ ٹیکس ءِ نظام، توانائی، سرکاری ادارگ، سرکاری مالیاتی انتظام ءُ نجکاری ءِ وڑیں کلیدی شوبگ آنی تہ ءَ اصلاحات ءِ سر ءَ عمل کنگ بوھگ ءَ اِنت تانکہ برجائی ءِ مھکم کنگ ءُ مھکمیں دیمروئی ءِ بنیات ایر کنگ بہ بیت۔ ٹیکس اصلاحات ءِ ھوالگ ءَ سینیٹر اورنگزیب ءَ گوشت کہ اصلاحات پروگرام ءِ بندات ءَ ٹیکس ٹو جی ڈی پی ءِ تناسب 8.8درسد بوتگ گوستگیں مالی سال ءَ 10.3درسد ءَ سر بوتگ ءُ 11درسد ءَ سر بوھگ ءِ یک ھاسیں راہ ءِ است انت۔ آئی ءَ گوشت کہ حکومت ءِ مول ءُ مراد میاں اوستمانی ءُ دراجیں مدت ءَ مالیاتی مھکمیںی ءِ واستہ جوانیں کچ ءُ کساس ءَ ٹیکس ءِ جم کنگ ءَ را گیش کنگ اِنت۔ اے ھاتر ءَ کم ٹیکس دیوکیں بلے معاشی رد ءَ ھاسیں شعبہ چوشکہ رئیل اسٹیٹ، زراعت، ہول سیل ءُ ریٹیل ٹیکس نیٹ ءِ تہا آرگ بوھگ ءَ انت وھدے کہ پیداوار ءِ نگرانی ءِ نظام ءُ مصنوعی ذہانت ءِ سرا مبنی ٹیکنالوجی ءِ وسیلگ ءَ ٹیکس چوری ءُ رساو ءَ را کم کنگ بوھگ ءَ انت۔ ھمے وھد ءَ ٹیکس انتظامیہ ءَ مردمی قوت، طریقہ کار ءُ ٹیکنالوجی ءِ تک ءَ اصلاحات کنگ بوھگ ءَ انت۔ توانائی ءِ شوبگ ءَ وفاقی وزیر خزانہ ءَ ڈسٹری بیوشن کمپنی آنی تہ ءَ گورننس ءَ را گہتر کنگ، نجی شوبگ ءَ را ھوار کنگ، نجکاری ءِ عمل ءَ را دیم ءَ برگ ءُ سرکلر ڈیبٹ ءَ را کم کنگ ءِ کوشست آنی سر ءَ زور پر دات۔ آئی ءَ گوشت کہ صنعت ءِ واستہ توانائی ءِ مقابلہ ءِ لائک جوڑ کنگ ءِ واستہ ٹیرف سسٹم ءِ عقلی کنگ المی اِنت ایشی ءَ چہ صنعتی زندگ بوھگ ءُ اقتصادی دیمروئی ءِ آسراتی رس ایت۔ سینیٹر محمد اورنگزیب ءَ سعودی عرب، متحدہ عرب امارات ءُ قطر ءَ ھوار خلیج ءِ ملک آنی دراجیں مدتی کمک ءِ توسیپ کت ءُ گوشت کہ اے ملک آں آئی ایم ایف ءِ وڑیں میاں اوستمانی مالیاتی ادارگ آنی تہ ءَ مالی کمک، فنڈنگ ​​ءُ کمک ءِ وسیلگ ءَ پاکستان ءَ را مزنیں کمک کتگ۔ آئی ءَ گوشت کہ نوں اے سیادی نوکیں پڑ ءَ داخل بوھگ ءَ اِنت کہ ایشی ءِ تہ ءَ تجارتی ءُ سرمایہ کاری ءِ روانی ءَ را دیمروئی دیگ ءِ سر ءَ دلگوشی دیگ بوتگ۔ کرنٹ اکاؤنٹ ءِ تہا زرّ ءِ دیم دیگ سک باز ھاسیں کردے پیلو کنگ ءَ انت کہ گوستگیں سال ءَ 38 ارب ڈالر ءِ کساس ءَ بوتگ ءُ اے سال ءَ 41-42 ارب ڈالر ءَ سر بوھگ ءِ گمان انت کہ ایشی ءِ نیم ءَ چہ گیش خلیج ءِ ملکاں چہ اتکگ انت۔ آیوکیں وھد ءِ ھوالگ ءَ وفاقی وزیر ءِ ھزانگ ءَ گوشت کہ پاکستان توانائی، تیل ءُ گیس، معدنیات ءُ کان کنی، مصنوعی ذہانت، ڈیجیٹل انفراسٹرکچر، دواسازی ءُ کشت ءُ کشاری ءِ وڑیں اولیت ءِ شوبگ آنی تہ ءَ خلیج ءِ شریک آنی نیمگ ءَ چہ سرگرمیں رنگ ءَ سرمایہ کاری ءِ لوٹ ءَ کنگ ءَ اِنت۔ آئی ءَ خلیج کوآپریشن کونسل ءِ گوما آزاد تجارتی معاہدے ءِ ھوالگ ءَ پیشرفت ءِ ھوالگ ءَ ھم امیت سہرا کت ءُ گوشت کہ گپ ءُ تران گڈی بھر ءَ انت۔ سینیٹر محمد اورنگزیب ءَ یک رندے پدا گوشت کہ پاکستان ءِ آیوکیں وھد کمک ءِ سر ءَ بڈو ءِ بدل ءَ تجارت ءُ سرمایہ کاری ءِ سر ءَ بنیات ءِ سر ءَ شریکداری ءِ تہ ءَ اِنت۔ آئی ءَ گوشت کہ پیداواری شوبگ آنی تہ ءَ دیم پہ دیمیں درملکی سرمایہ کاری ءَ چہ جی ڈی پی ءِ تہ ءَ گیشی بیت، روزگار ءِ موہ پیداک بیت ءُ پاکستان ءُ آئی ءِ شریکیں ملک آناں یکجائی اقتصادی آسراتی رس ایت۔ آئی ءَ اے گپ ءِ سر ءَ زور پر دات کہ حکومت اے وژن ءِ سر ءَ عمل کنگ ءِ واستہ سرجمی ءَ متحرک اِنت۔