پاک بحریہ نا قطبی بحیرہ عرب اٹی فائر پاور نا درشانی

راولپنڈی۔ 15 دسمبر (اے پی پی) پاک بحریہ قطبی بحیرہ عرب اٹی FM-90(N) ERکچ آن فضااسکان خلوک آ میزائل نا سرسہب لائیو و پین سم کاری نا کمک اٹ تینا آپریشنل تیاری و جنگی لائخی تے پک کرے۔ فائرپاور نا درشانی ٹی، پاک بحریہ نا جہاز بھاز مینووریبل فضائی ہدف آتے سرسہبی اٹ شست کرے، ہراڑآن پاک بحریہ نا جنگی لائخی اسہ وار ولدا تالان مس۔ کمانڈر پاکستان فلیٹ، و پاک بحریہ نا فلیٹ یونٹ آ دا لائیوفائرنگ نا مشاہدہ ءِ کرے۔ دوشنبے نادے آآئی ایس پی آر نا رداٹ کمانڈر پاکستان فلیٹ سم کاری ٹی شریک آفیسر و ورناتا کسبی مہارت، عزم و بڑزکو کارکڑد نا ستاءِ کرے۔ اوداعزم انا درشانی ءِ کرے کہ پاک بحریہ ہر حال اٹ پاکستان نا سمندری دفاع ءِ پک کننگ و قومی بحری فائدہ غاتا رکھ اکن تیار ءِ۔