مچ آملک اٹی پولیو تور مہم نا بناء

اسلام آباد۔ 15 دسمبر (اے پی پی) مچ آملک اٹی پولیو تور پروگرام پنچ سال آن کم وئی 4 کروڑ 50 لکھ آن زیات چناتے مچ آ وئی نا معذوری آن رکھ فراوان کننگ کن مچ آملک پولیوتور مہم نا بناءِ کننگانے۔ دا پاکستان نا سال 2025 اٹی پنچ می قومی پولیو تور مہم مریک، ہرا ستمبر اٹی مروک آ خصوصی پولیو تور مہم و نومبر اٹی اڈ ہلوک سورک۔ روبیلا و پولیو آن بچفنگ  نا قومی ویکسی نیشن مہم آن پد اڈتننگ انگ ءِ۔ نیشنل ایمرجنسی آپریشن سینٹر نا کنڈآن جاری سرجم حوال آتا رداٹ 15 دسمبر آ بناکروک آ دا پولیو مہم اوغانستان تون ہم گرنچ کننگ انگ ءِ تانکہ ہڑتوم آملک آک اواری اٹ رکھی قوت ءِ سوگو کیر و سیمی علاقہ غاتیٹی دین نا گدریفنگ ءِ تورنگ کیر۔ داتم اکسان 30 پولیو کیس رپورٹ مسنے، وخت اس کہ تدوک آ سال دا کچ 74 ئس، ہرا پاکستان نا نمان پیش رفت ءِ ظاہر کیک۔ نن پولیو نا چٹفنگ نا ہدف کن مہالو آن کیہی زیات خڑک ءِ، و دا مہم ہرہموجاگہ غا دین ءِ چٹفنگ کن اسہ اہم آخیریکو گام ءِ ہراڑے دا داسہ ہم ساڑی ءِ۔ دا مہم اٹی چار لکھ آن زیات فرنٹ لائن ہیلتھ ورکرز تینا زمواری تے سرترسا بلوچستان ، سندھ ، خیبرپختونخوا ، پنجاب ، گلگت بلتستان، آزاد جموں وکشمیر و اسلام آباد اٹی ہر اُراغا ہنسا پولیو آن بچفنگ نا پُڑی کنفرہ، تانکہ اسہ چناس ہم ویکسین آن محروم سلپ۔ دا مہم ننا اجتماعی عزم و قومی زمواری نا ڈیک ءِ، تانکہ نن ہر چناءِ رکھ کننگ کین و پاکستان نا روشنا آخبت ءِ پک کننگ کین۔ سال 2025 نا دا آخیریکو پولیو مہم بھاز اہمیت تخک۔ موسمی بدلی، آبادی نا ودوک آ ہن و بر ، و قوت مدافعت اٹی ساڑی آخلاء ءِ پُر کننگ کن ہر پنچ سال آن کم وئی چناءِ پولیو ویکسین نا اِراپڑی المی تننگے، تانکہ دین انا دُوارہ تالانی ءِ توننگ مرے و غٹ چناتیکن پولیو آن پاک آخبت ءِ پک کننگ مرے۔ نما مثبت رپورٹنگ لکھ آ لمہ و باوہ و چیٹ کروک آ تے پیدوار وخت آ معلومداری فراوان کیک ، تانکہ او چار کہ تینا چناتے ہراتم، ہراڑے و انت اکن ویکسین کرفنگ المی ءِ۔ غٹ فارمیٹس اٹی انٹرویوز کن پولیو پروگرام نا ترجمان ساڑی ءِ، ہرافتے ٹی نیشنل ایمرجنسی آپریشنز سینٹر نا سینئر آفیسر، جان جوڑی نا تکنیکی چاہندار، کمیونٹی ٹی اثرورسوخ تخوک آ بندغ و فرنٹ لائن ہیلتھ ورکرآک اوار ءُ۔ نن بڑزکو آب انا بی ۔ رول ویڈیوز، عکس فراوان کننگ تون اوار اوار ، ہراڑے ممکن مرے، مہم نا سرجزآتیٹی میڈیا ءِ فیلڈ اسکان رسینگ اٹ آسراتی ہم فراوان کننگ کیک۔ نن غٹ اواری اٹ دا پک کننگ کینہ کہ ہر چناپولیو نا خطرہ غان رکھ سلے، اونا پورو رکھ مرے و او جان جوڑ وڑاٹ مون آ ہِننگ کے۔