چیئرمین پی سی بی ایچ بی ایل پی ایس ایل 11 نا ونڈو نا پڑو ءِ کرے

اسلام آباد۔ 15 دسمبر (اے پی پی) پاکستان کرکٹ بورڈ (پی سی بی) نا چیئرمین سید محسن نقوی ایچ بی ایل پاکستان سپرلیگ نا 11 می ایڈیشن نا ونڈو نا پڑو ءِ کرینے۔ ایچ بی ایل پی ایس ایل نا میلہ بروک آ سال 26 مارچ آن 3 مئی اسکان چندی شار تیٹی بیرفنگک۔ ایچ بی ایل پی ایس ایل 11 نا ودکی ریسہ نا تیاری تے ترند کننگانے تانکہ 6 انا جاگہ غا 8 ٹیم تے میدان اٹ دڑفنگ مرے۔ پاکستان کرکٹ بورڈ 8 جنوری 2026 آ اسلام آباد کنونشن سینٹر اٹی پوسکن آ ٹیم تا نیلامی اس ہم اڈ ایتک، ہراڑے ایچ بی ایل پی ایس ایل نا اِرا پوسکن فرنچائز آتا حق آتے پیش کننگک۔ دا نیلامی ءِ براہ راست نشر کننگک، ہراڑآن شفافیت ءِ پک کننگک و مچ آ دنیا نا گمانی زرکار و کرکٹ شونقی تے جہانی کہول آ رسینگ دوئی مریک۔ یات سلے کہ ایچ بی ایل پی ایس ایل پدریسہ جہانی است خواہی دوئی کننگ ءِ ہرا لیگ انا ودوک آ واپاری قوت، جہانی کہول آ تالان مروک اثرورسوخ و مریس مدی شونداری نا گمان تا عکاسی ءِ۔ جہانی شریدارآتون ساڑی آ رابطہ لیگ انا کاروباری ماڈل آ پت اٹی ودکی کرینے و دنیا نا صف اول نا ٹی ٹونٹی لیگز اٹی اونا اسٹینڈنگ ءِ پک کرینے۔ بڑزکو آب انا کرکٹ، مسابقتی توازن و جہانی کہول انا باصلاحیت گوازی گر آتا تیاری ٹی کڑد انا سوب، ایچ بی ایل پی ایس ایل تینے اسہ پنی جہانی ٹوٹونٹی لیگ انا وڑاٹ سوگو وڑاٹ منفینے۔