خیبر پختونخوا ءِ ضلع مہمند ءُ بنو ں ءَ سیکورٹی فورسز ءِ دو جتا جتائیں آپریشن ءِ سبب ءَ ہندوستان ءِ پراکسی فتنہ الخوارج ءِ 13 ناشرکار بیران

راولپنڈی ۔14دسمبر  (اے پی پی):خیبر پختونخوا ءِ ضلع مہمند ءُ بنوں  ءَ دو جتا جتائیں آپریشن ءِ وھد ءَ سیکورٹی فورسز ءَ انٹیلی جنس ءِ زانتکاری ءِ رد ءَ بھارتی پراکسی فتنہ الخوارج ءِ 13 ناشرکار کش اتگ انت۔ پاکستانی فوج ءِ پبلک ریلیشنز ڈیپارٹمنٹ ءِ رد ءَ 12 ءُ 13 دسمبر 2025 ءَ خیبر پختونخوا ءِ جتا جتائیں دمگاں دو جتا جتائیں آپریشن ءِ وھد ءَ سیکورٹی فورسز ءَ ھندی پراکسی فتنہ الخوارج ءِ سیادی داروکیں 13 خوارج کش اِتگ اَنت۔ محمد ضلع ءَ ءُ آپریشن ءِ وھد ءَ سیکورٹی فورسز ءَ خوارج ءِ پناہ گاہ ءَ را موثر نشانگ جوڑ کتگ ءُ شدیدیں تیرگواری ءَ پد 7 خوارج بیران بوتگ۔ ھمے رنگ ءَ ضلع بنو ءَ دگہ انٹیلی جنس ءِ بنیات ءَ آپریشن ءِ وھد ءَ سیکورٹی فورسز ءَ گیش 6 خوارج کش اِتگ یک موثریں آپریشن ءِ تہ ءَ بیران بوتگ اَنت۔ اے دمگ ءَ دگہ ہندوستان ءِ حمایت کتگیں درملکی مردم ءِ ھست بوھگ ءِ ھلاسی ءِ ھاترا سینیٹائزیشن آپریشن برجاہ اِنت۔ نیشنل ایکشن پلان ءِ چیر دستی ءَ فیڈرل اپیکس کمیٹی ءِ نیمگ ءَ منظور بوتگیں وژن ”استحکام ءِ ٹھینگ“ ءِ رد ءَ سیکورٹی فورسز ءُ کانود ءِ نفاذ ءِ ادارگ وتی بے مٹیں ناشرکاری ءِ ھلاپ ءَ آپریشن ءَ را سرجمیں رفتار ءَ برجاہ دار اَنت تانکہ ملک ءَ چہ درملکی سرپرستی ءُ کمک ءِ ناشرکاری ءِ آفت ءَ را سرجمی ءَ ھلاس کنگ بہ بیت۔