سلطان گولڈن ءَ جھان ءِ ریکارڈ جوڑ کنگ ءَ پاکستان ءِ واستہ یک پھر مندیں کارنامہ یے کتگ، محسن نقوی

لاہور۔14دسمبر  (اے پی پی):پاکستان کرکٹ بورڈ ءِ چیئرمین محسن نقوی ءَ گشتگ کہ وہدے کھڈکار درملک ءَ جوانیں کارکردگی پیش کن انت گڈا ملک ءِ نام چمکیت۔ سلطان گولڈن ءَ پاکستان ءِ واستہ جھان ءِ ریکارڈ جوڑ کنگ ءَ یک پھر مندیں کارے کتگ، ایشی ءِ واستہ آ ھاسیں مبارکی ءِ مستحق اِنت۔ یک بیانے ءِ تہ ءَ آئی ءَ گوشت کہ سلطان گولڈن ءَ یک رندے پد ءَ سبزیں ھلال ءِ بیرک چست کتگ، آ ایندگر پاکستانی کھڈکار آنی واستہ رول ماڈل ءِ بستار ءَ کار کنگ ءَ اِنت۔ چیئرمین پی سی بی ءَ گوشت کہ پاکستان اسپورٹس ءَ ھوار ھمک پڑ ءَ سوبمندی حاصل کنگ ءَ انت۔