اقوام متحدہ ءِ سیکرٹری جنرل انتونیو گوترز ءَ عراق ءِ تر ءُ تاب کتگ ، جنگ ءَ آماچیں عراقی آنی واستہ 2003 ءَ جوڑ بوتگیں کمکی ادارہ ءِ بند کنگ ءِ جار جتگ

بغداد- 14دسمبر (اے پی پی): عراق ءِ تر ءُ تاب ءِ وھد ءَ اقوام متحدہ ءِ سیکرٹری جنرل انتونیو گوتریس ءَ جنگ ءِ آماچیں عراقی آنی واستہ 2003 ءَ اقوام متحدہ ءِ نیمگ ءَ جوڑ کتگیں کمکی ادارگ یونامی ءِ بند کنگ ءِ جار جتگ۔ العربیہ ءِ رد ءَ اے گل امریکی اُرش ءِ وھد ءَ بے لوگ بوتگیں عراقیانی ھلاسی ءِ آسراتی ءِ ھاترا جوڑ کنگ بوتگ ءُ ایشی ءِ نام اقوام متحدہ ءِ عراق ءِ مشن ایر کنگ بوتگ۔ نوں 2025 ءَ شورا سلامتی ءَ اے کمکی ماموریت ءِ ھلاس کنگ ءِ رائے داتگ۔ عراق ءَ وت اے کمکی گل ءِ بند کنگ ءِ لوٹ کرتگ۔ عراق ءِ نگہبان مزن وزیر محمد شیعہ السودانی ءَ جنگ ءِ وھد ءَ اقوام متحدہ ءِ آسراتی ءِ کوشست آنی توسیپ کتگ ءُُ گوشت کہ آئی ءِ ملک سرجمیں دمگ ءَ اقوام متحدہ ءِ مشن ءِ کار ءَ را ارزشت دنت۔ اے کمکی ماموریت ءَ بازیں سالاں چہ جنگ ءِ آماچیں مردمانی کمک کتگ۔ نوں اے کمکی مشن ءِ آسر ءَ چہ اے گپ پدر بیت کہ عراق ءَ سرجمیں وت واجہی ءِ ھاترا جھد کتگ۔ سیکرٹری جنرل انتونیو گتریس ءِ گوما یکجائی بیان ءِ تہ ءَ آئی ءَ گوشت کہ عراق وتی اُلس ءِ قربانی ءُُ دلیری ءِ سبب ءَ سوبمند بوتگ ۔ بلے آئی ءَ اے کمکی مشن ءِ ھلاسی ءِ بابت ءَ گپ جت ءُ گوشت کہ یونامی ءِ ھلاسی ءِ بزانت عراق ءُ اقوام متحدہ ءِ نیام ءَ کمک ھلاس بوھگ نہ انت بلکیں اقوام متحدہ ءِ گوما مئے شریکداری برجاہ مان ایت۔ آئی ءَ گیش گوشت کہ اے موہ ھم کمک ءِ نوکیں باب ءِ بندات ءِ نمائندگی کنت کہ دیمروئی ءُُ ھواریں اقتصادی دیمروئی ءِ مول ءُُ مراد آنی گوما ھمگرنچ اِنت۔ عراق ءِ مزن وزیر ءَ گوشت کہ بغداد ءِ یک کوچگے ءَ را 19اگست 2003 ءَ بیران بوتگیں اقوام متحدہ ءِ کارندہ آنی 22باسک آناں یات کنگ ءِ واستہ اقوام متحدہ ءِ کوچگ ءِ نام دیگ بوھگ ءَ انت۔اے موہ ءِ سر ءَ انتونیو گوتریس ءَ ھم عراقی الس ءِ دلیری، مھکم ءُُ جزم ءِ توسیپ کتگ۔