آئی ایم ایف ءِ توسیعی فنڈ ءِ آسراتی ءِ چیر دستی ءَ اصلاحات ءِ تسلسل ءُُ پس منظر، وزارت خزانہ ءِ بیان

اسلام آباد۔14 دسمبر (اے پی پی): وزارت خزانہ ءَ اے گپ ءِ پدر کنگ ءَ گشتگ کہ اقتصادی ءُ مالیاتی پالیشی آنی نوکیں یادداشت ءِ تہ ءَ ھواریں گامگیج پاکستان ءِ حکومت ءُ آئی ایم ایف ءِ نیام ءَ تپاک کتگیں اصلاحات ءِ ایجنڈا ءِ یک طبیعی تسلسل ءِ انت کہ ایشی ءَ را ملک ءِ اقتصادی دیمروئی ءُ برجائی ءِ واستہ مرحلہ وار رنگ ءَ عمل کنگ بوھگ ءَ انت۔ غیر متوقع نوکیں حالات حقائق ءِ جہالت ءِ برابر انت۔ یک شمبے ءِ روچ ءَ وتی بیان ءِ تہ ءَ وزارت ءِ ھزانگ ءَ آئی ایم ایف ءِ توسیعی فنڈ سہولت (ای ایف ایف) پروگرام ءِ چیر دستی ءَ تپاک کتگیں اصلاحات ءِ گامگیج آنی پس منظر، تسلسل ءُُ مرحلہ وار دروشم ءِ بابت ءَ گپ ءُُ تران کنان ءَ گیش ءَ چہ گیش اے گپ ءِ پدر کنگ ءَ کہ نوکیں شرط آنی رنگ ءَ ترجمانی کنگ بوھوکیں گامگیج نہ اناگت ءَ ایر کنگ بوتگ اَنت ءُُ نہ کہ آ یک بہرے ءِ سر ءَ پاکستان ءِ سرکار ءُ آئی ایم ایف ءِ نیام ءَ تپاک کنگ بوتگ کہ ایشی ءِ تہ ءَ بازیں کار پاکستان ءِ سرکار ءَ وت بندات کتگ اَنت۔ آئی ایم ایف ءِ توسیعی فنڈ سہولت پروگرام ءِ وسیلگ ءَ باسکیں ملک آناں میاں اوستمانی مدت ءَ ڈھانچہ ءِ اصلاحات آنی سر ءَ عمل کنگ ءِ اہل جوڑ کنت کہ ایشی ءَ چہ ٹھینگ بوتگیں پالیسی ءِ مول ءُُ مراد آناں سرجم کنگ بوت کنت۔ اے اصلاحات یک مرحلہ ءِ تہا نہ بلکیں سرجمیں پروگرام ءِ تہا مرحلہ وار ءِ سرا عمل کنگ بنت۔ بیان ئَ گوشت کہ اے رھبند ئِ رد ئَ ای ایف ایف پروگرام ئِ چیر دستی ئَ گامگیج آناں منطقی بھر آنی تہ ئَ بھر کنگ بوتگ۔ ہر جائزہ ءِ گوما نوکیں گامگیج ھوار کنگ بنت دانکہ پروگرام ءِ بندات ءَ ٹھینگ بوتگیں گڈی مول ءُ مراد کم کم ءَ سرجم کنگ بہ بنت۔ چوش کہ دومی چار ءُُ تپاسی ءَ پد آئی ایم ایف ءِ گوما تپاک کتگیں اقتصادی ءُُ مالیاتی پالیشیانی یادداشت اولی چار ءُُ تپاسی ءِ تسلسل اِنت ءُُ ایشی ءِ تکمیل اِنت۔ آئی ایم ایف ءِ گوما گپ ءُ تران ءِ وھد ءَ پاکستان ءِ حکومت وتی پیش کرتگیں اصلاحات ءِ پالیسی ھم پیش کنت کہ اودا ءُ وھدے آئی ایم ایف ءِ ھیال ءَ اے سرکاری اصلاحات ای ایف ایف ءِ ٹھینگ بوتگیں مول ءُ مراد آنی سرجمی ءَ کمک کن اَنت گڑا آ ایم ای ایف پی ءِ بھر جوڑ کنگ بنت۔ اے سبب ءَ انوگیں ایم ای ایف پی ءِ تہ ءَ ھواریں بازیں ڈھانچہ ءِ گامگیج ھما اَنت کہ پاکستان ءِ سرکار ءَ پیسر ءَ بندات کتگ اَت یا ایشانی سر ءَ عمل کنگ ءِ عمل ءَ اَت۔ جار ءِ تہ ءَ گوشت کہ اے درگت ءَ رسانکدر ءَ گپ جنگ بوھوکیں مبینہ ”نوکیں جاور“ ءِ ھوالگ ءَ اے راستی آنی ھیال ءَ دارگ المی اِنت کہ سرکاری کارندہ آنی اثاثہ آنی جار ءِ شنگ کنگ ءِ جیڈھ ای ایف ایف پروگرام ءِ بندات ءَ چہ ایم ای ایف پی ءِ بھر بوتگ، بزاں مئی ءِ رد ءَ انوگیں ٹارگٹ 2024 ءَ پد the next the step is. سول سرونٹس ایکٹ 1973 ءِ ترمیم ءِ سرا کار کنگ بوتگ کہ پیسر ءَ چہ سوبمندیں رنگے ءَ سرجم بوتگ۔ نیب ءِ کارکردگی ءُُ وت واجہی ءِ تہ ءَ گہتری ءِ ھوالگ ءَ گوشگ بوتگ کہ پیسریگیں چار ءُُ تپاسی آنی تہ ءَ حکومت ءَ پیسر ءَ چہ اے گپ ءِ سر ءَ تپاک کتگ ات کہ نیب ءِ موثر کارکردگی ءُُ ایندگر پٹ ءُُ پولی ادارگ ھاسیں رنگ ءَ صوبائی اینٹی کرپشن ادارگ آنی گوما کمک ءَ را مھکم کنگ بیت۔ ہائی رسک ادارگ آنی واستہ ایکشن پلان آنی تیاری ھمے تسلسل ءِ بھر اِنت ءُُ اے گامگیج گورننس ءُُ کرپشن ءِ تشخیصی رپورٹ ءِ تہ ءَ پیسر ءَ چہ منصوبگ بندی کتگیں اصلاحات آنی گوما ھمگام اِنت۔ صوبائی انسداد بدعنوانی ادارگ آنی واستہ مالیاتی زانتکاری آنی رسائی ءِ ھوالگ ءَ گوشگ بوتگ کہ کرپشن ءِ مالیاتی تک آنی پٹ ءُُ پول ءِ واستہ صوبائی ادارگ آناں مالیاتی زانتکاری ءِ پجارینگ منی لانڈرنگ ءِ ھلاپ ءَ ءُُ ناشرکاری ءِ مالی کمک ءِ گر ءُُ دار ءِ ھوالگ ءَ اصلاحات آنی بھر اِنت کہ ای ایف ایف ءِ پروگرام ءِ بندات ءَ چہ ھوار کنگ بوتگ اَنت۔ بیان ءِ تہ ءَ گوشت کہ پاکستان ءِ درئی مالیاتی برجائی ءِ واستہ زرّ دیم دیگ سک باز المی اِنت۔ غیر رسمی وسیلگ آناں دلپروش کنگ ءَ پد مالی سال 24 ءِ مقابلہ ءَ مالی سال 25 ءَ 26درسد ءِ گیشی بوتگ وھدے کہ مالی سال 26 ءَ 9.3درسد ءِ گیشی ءِ گمان اِنت۔ پاکستان ءِ حکومت اسٹیٹ بینک آف پاکستان ءِ گوما یکجائی ءَ زرّ دیم دیگ ءِ ھرچ ءُ درچ ءَ را کم کنگ ءِ واستہ اڑانداں دور کنگ ءَ انت۔ آئی ایم ایف ءَ اے سرکاری گامگیج آناں گیش مھکم کتگ ءُُ ایم ای ایف پی ءِ تہ ءَ ھوار کتگ۔ مقامی کرنسی بانڈ مارکیٹ ءِ دیمروئی ءِ ھوالگ ءَ اے گپ گشگ بوتگ کہ مئی 2025 ءَ جاری بوتگیں آئی ایم ایف ءِ کارندہ آنی رپورٹ ءَ سرمایہ کار آنی کساس ءَ را گیش کنگ ءِ واستہ مقامی بانڈ مارکیٹ ءِ تہ ءَ رکاوٹ آنی سر ءَ سرجمیں پٹ ءُُ پول ءِ سفارش کنگ بوتگ کہ نوں ایشی ءَ را یک ڈھانچہ ءِ مول ءُُ مراد ءِ رنگ ءَ پروگرام ءِ تہ ءَ ھوار کنگ بوتگ۔ شکر ءِ صنعت ءِ ڈی ریگولیشن ءِ ھوالگ ءَ جار ءَ اے گپ ءِ پدر کنگ بوتگ کہ شکر ءِ شوبگ ءَ اصلاحات حکومت پاکستان ءِ وتی گامگیج انت۔ مزن وزیر کارگس ءَ وزیر توانائی ءِ سروکی ءَ ٹاسک فورس جوڑ کتگ کہ آ شکر مارکیٹ ءِ سرجمیں لبرل کنگ ءِ واستہ ءُُ صوبگ آنی گوما شور ءُُ سلاھ ءَ راجی پالیشی ءِ سفارشات تیار کنگ ءَ انت۔ چوناھا اے گامگیج ای ایف ایف ءِ مول ءُُ مراد ءِ رد ءَ اِنت کہ آ شے ءِ مارکیٹ آنی تہ ءَ سرکاری مداخلت ءَ را کم کنگ بہ بیت، آئی ایم ایف ءَ ایشی ءَ را ایم ای ایف پی ءِ بھر جوڑ کتگ۔ ایف بی آر ءِ ھاتر ءَ جامع اصلاحات ءِ روڈ میپ ءِ ھوالگ ءَ بیان ءَ گوشت کہ ایف بی آر ءِ تہ ءَ اصلاحات حکومت ءِ گیشیں آمدنی ءِ گیشی ءِ ایجنڈا ءِ بھر اِنت کہ ایشی ءِ سروکی ءَ مزن وزیر وت کنگ ءَ اِنت۔ گوستگیں یک سال ءِ تہ ءَ ٹرانسفارمیشن پلان ءِ منظوری، ٹیکس پالیسی ءِ کارگس ءِ جوڑ کنگ ءُُ تعمیل ءِ رسک مینجمنٹ ءِ تہ ءَ گہتری ءِ وڑیں گامگیج چست کنگ بوتگ اَنت۔ اے ڈھانچہ ءِ مول ءُ مراد اے اصلاحات ءَ را گیش مھکم کنگ اِنت۔ میاں اوستمانی ٹیکس اصلاحات ءِ حکمت عملی ءِ ھوالگ ءَ اے گپ پدر کنگ بوتگ کہ ٹیکس پالیسی ءِ کارگس ءِ جوڑ کنگ ءَ پد ایف بی آر ءِ ٹیکس پالیسی ءُُ آپریشنل معاملہ آناں جتا کنگ مزنیں گامگیج بوتگ۔ نوں میان اُستمانی ٹیکس اصلاحات ءِ حکمت عملی ءِ تیاری اے عمل ءِ یک طبیعی تسلسلے انت۔ ڈسکو آنی نجکاری ءِ درشان کنان ءَ گشگ بوتگ کہ ای ایف ایف 2018 ءِ چیر دستی ءَ بجلی ءِ بھر ءُ بانگ کنوکیں کمپنی آنی نجکاری ءِ بابت ءَ گپ جنگ بوتگ۔اے پروگرام ءِ بندات ءَ چہ ھوار کنگ بوتگ ءُُ ایشی ءَ را مرحلہ وار ءَ چہ دیم ءَ برگ بوھگ ءَ انت۔ ہیسکو ءُ سیپکو ءِ واستہ نجی شعبہ ءِ شریکداری ءِ شرت آناں گڈی رنگ دیگ اولی بھر ءَ پد آیوکیں گامگیج اِنت۔ ھمے رنگ ءَ ھپت مزنیں ادارگ آنی گوما پبلک سروس ءِ ذمہ واری ءِ معاہدہ ھم پیسر ءَ چہ منّگ بوتگیں گامگیج آنی تسلسل اِنت۔ ریگولیٹری اصلاحات ءُُ کاروباری ماحول ءِ تہا گہتری ءِ حوالہ ءَ اے گپ ءِ پدر کنگ بوتگ کہ غیر لسٹڈ کمپنی آنی واستہ تعمیل ءَ را مھکم کنگ ءِ ھاتر ءَ کمپنی ایکٹ 2017ءِ تہا ترمیم کاروباری ماحول ءِ تہا گہتری ءِ ھاتر ءَ گیشیں اصلاحات ءِ بہر انت کہ ای ایف ایف پروگرام ءِ بندات ءَ چہ ایشی ءَ را ھوار کنگ بوتگ۔ ھمے رنگ ءَ ھاسیں اقتصادی زون ایکٹ ءِ تہ ءَ ترمیم ءِ ھوالگ ءَ کانسپٹ نوٹ پیسر ءَ کنگ بوتگیں جائزہ ءِ پٹ ءُُ پول ءِ تہ ءَ آیوکیں گامگیج اِنت۔ آمدنی ءِ کمی ءِ وھد ءَ متبادل گامگیج آنی ھوالگ ءَ اے گپ ءِ درشانی کنگ بوتگ کہ آمدنی ءِ ممکنہ کمی ءِ وھد ءَ متبادل گامگیج ایم ای ایف پی ءِ دائمی بھر بوتگ اَنت۔ مئی 2024 ءَ چہ بنداتی ایم ای ایف پی ءَ کھاد ءُُ ایگرو کیمیکلز ءِ سر ءَ 5درسد وفاقی ایکسائز ڈیوٹی ءِ دیم ءَ آرگ ءِ ڈھانچہ ءِ ٹارگٹ ھم ھوار بوتگ۔ جار ءِ تہ ءَ گوشت کہ خلاصہ ءِ تہ ءَ نوکیں ایم ای ایف پی ءِ تہ ءَ ھواریں گامگیج پاکستان ءِ حکومت ءُُ آئی ایم ایف ءِ نیام ءَ تپاک کتگیں اصلاحات ءِ ایجنڈا ءِ یک طبیعی تسلسل اَنت کہ ملک ءِ اقتصادی برجائی ءُُ پائیدار دیمروئی ءِ واستہ مرحلہ وار رنگ ءَ کارمرد کنگ بوھگ ءَ اَنت ءُُ آھاں ناگیگیں یا نا اُمیتیں نوکیں جاور ھال آنی رد ءَ ترجمانی کنگ بوھگ ءَ اِنت۔