پاک چین ءِ اقتصادی شریکداری ءِ تہ ءَ پیشرفت، پاکستان ءَ شمسی ءُ ہائی ٹیک ءِ شوبگ آنی تہ ءَ نوکیں سرمایہ کاری ءِ موہ

اسلام آباد۔ 14دسمبر (اے پی پی): ایس آئی ایف سی ءِ موثر آسراتی ءِ گوما پاکستان ءَ سرمایہ کاری ءَ را دیمروئی دیگ ءِ واستہ گامگیج کنگ بوھگ ءَ انت۔ سرمایہ کاری بورڈ ءِ وفاقی وزیر قیصر احمد شیخ ءَ چین ءِ ہیبی جوہانگ انرجی ٹیکنالوجی گروپ ءِ ڈل ءِ گوما ھاسیں گند ءُُ نند کت، ایشی ءِ تہ ءَ چینی ڈل ءَ پاکستان ءَ شمسی توانائی ءُُ ہائی ٹیک ءِ شوبگ آنی تہ ءَ ارباں ڈالر ءِ سرمایہ کاری ءِ واھشت ءِ درشانی کت۔ ڈل ءَ پاکستان ءَ مزنیں کساس ءَ سولر پینل مینوفیکچرنگ پلانٹ ءِ جوڑ کنگ ءِ ھم تجویز پیش کتگ۔ تفصیلات ءِ رد ءَ گند ءُُ نند ءَ ستمبر 2025 ءَ بیجنگ ءَ برجم دارگ بوھوکیں پاکستان ءُُ چین بی ٹو بی سرمایہ کاری کانفرنس ءِ آسر آنی سر ءَ چار ءُُ تپاسی کنگ بوت۔کانفرنس ءِ ساھت ءَ بازیں ترجیحی شوبگ آنی تہ ءَ 8.5ارب ڈالر ءِ ارزشت ءِ معاہدہ ءُُ یکجائی منصوبگ آنی سر ءَ دستخط کنگ بوت۔ پاکستان ءَ را چینی سرمایہ کار آنی واستہ ایمن، دلکش ءُُ ترندی ءَ گوں دیمروئی کنوکیں سرمایہ کاری مرکز ءِ جار جنگ بوتگ۔ پاکستان ءَ 6 ہزار ایکڑ زمین سرمایہ کاری ءِ واستہ ایر کنگ ءِ پیسلہ کتگ۔ اے موہ ءِ سر ءَ بورڈ آف سرمایہ کاری ءِ وفاقی وزیر قیصر احمد شیخ ءَ گوشت کہ پاکستان اقتصادی استحکام ءِ راہ ءَ انت، گوستگیں سال ءِ مقابلہ ءَ اسٹاک مارکیٹ انڈیکس ءَ 4 چہ 5 رند ءَ گہتری اتکگ، پاکستان ءُُ چین ءِ نیام ءَ وت مہ وتی کمک ءِ گوما روزگار، برآمدات ءُُ صنعتی دیمروئی ءِ تہ ءَ مزنیں گیشی ءِ امیت انت۔ ایس آئی ایف سی ءِ نیمگ ءَ پاکستان ءَ سرمایہ کاری ءَ را دیمروئی دیگ ءِ کوشست آنی گوما ملک ءِ معیشت برجائی ءِ نیمگ ءَ روگ ءَ انت۔