صدر آصف علی زرداری ءَ سڈنی ءَ تیابءِِ سرا تیر گواری ءَ  غم ءِ درشانی کتگ

اسلام آباد- 14 دسمبر (اے پی پی): صدر آصف علی زرداری ءَ آسٹریلیا ءِ شہر سڈنی ءِ شہر بونڈی بیچ ءَ تیرگواری ءِ سبب ءَ بیران بوتگیں مردمانی کھول ءِ گوما دلپدردی ءِ درشانی کتگ ءُ ٹپیگ آنی زوت جان سلامتی ءِ واھشت ءِ درشانی کتگ۔ شمبے ءِ روچ ءَ صدارت ءِ میڈیا ونگ ءِ نیمگ ءَ جاڑی بوتگیں بیان ءِ رد ءَ صدر ءِ مملکت آصف علی زرداری ءَ سڈنی بیچ ءَ تیرگواری ءِ وئیل ءَ بیران بوتگیں مردمانی کھول ءِ گوما دلپدردی ءُُ ھمدردی ءِ درشانی کتگ ءُُ آپریشن ءِ وھد ءَ ٹپی بوتگیں پولیس ءِ کارندہ آنی ھوار ٹپیگ آنی واستہ دلپدردی ءِ درشانی کتگ۔ آئی ءَ گوشت کہ پاکستان، وت ناشرکاری ءَ چہ سک باز آماچ بوتگ ءُُ اے رنگیں اُرش آنی سبب ءَ چاگرد آنی سر ءَ بوتگیں درد ءُُ ٹراما ءَ را سرپد اِنت۔ آئی ءَ بے گناہیں شہری آنی سر ءَ زوراکی ءِ سک باز مذمت کت ءُُ اے گرانیں وھد ءَ آسٹریلیا ءِ حکومت ءُُ الس ءِ گوما سرجمیں یکوئی ءِ درشان کت ءُُ ھمک رنگ ءِ ناشرکاری ءِ ھلاپ ءَ پاکستان ءِ  لیکہ ءِ دعشان کت۔