سینئر اھوالکار محمد نواز رضا ءِ کتاب ” مرد آہن محمد نواز شریف’ حکومت، اپوزیشن، جلا وطنی اور جیل کہانی” ءِ دیمدرائی بوت

لاہور۔13دسمبر (اے پی پی): شمبے ءِ روچ ءَ لاہور پریس کلب ءَ سینئر اھوالکار محمد نواز رضا ءِ کتاب مرد آہن محمد نواز شریف’ حکومت، اپوزیشن، جلا وطنی اور جیل کہانی” ءِ دیمدرائی ءِ مراگش برجم دارگ بوت۔ اے مراگش ءِ برجم دارگ ءِ ھاتر ءَ پنجاب یونین آف جرنلسٹ (دستور) ءِ نیمگ ءَ چہ کنگ بوتگ۔ اے موہ ءِ سر ءَ وفاقی وزیر برائے اھوالکاری ءُ شنگکاری عطا اللہ ترار ءِ ھمراھی ءَ وفاقی وزیر احسن اقبال ءُ رانا تنویر حسین ھم ھوار اتنت۔ تران کنان ءَ کتاب ءِ نبشتہ کار سینئر اھوالکار حاجی محمد نواز رضا ءَ گوشت کہ کتاب ءِ دیمدرائی ءِ مراگش ھم اسلام آباد ءَ بوتگ۔ آئی ءَ گوشت کہ اے کتاب منی لیکھانی یک ٹولی یے ۔ آئی ءَ گوشت کہ کتاب ءِ نام ءِ سر ءَ مردمانی تہ ءَ بوت کنت اختلاف بہ بیت بلے اے نام ھما مردم ءِ واست ءَ لس انت کہ آئی ءَ اے ملک ایٹمی طاقت جوڑ کتگ۔ نواز شریف ءَ ہم سیاست ءِ تہا مشکلیں وہد دیستگ۔ وہدے جلاوطنی ءِ تہا نواز شریف ءِ انٹرویو یے چھاپ بوت گڈا ہما زمانگ ءَ نووا وقت ءِ اشتہار بند کنگ بوت انت۔ نواز شریف اے وھد ءَ ھم پارٹی ءُ ملک دوئیں آں ایشی ءِ ضلورت انت ۔ دیمروئی ءُ راجی بنیاتی ڈھانچہ ءِ نام گرگ بیت گڈا پیسریگیں مزن وزیر نواز شریف ءُ پاکستان مسلم لیگ نواز ءِ نام دیم ءَ کیت۔ ملک ءَ را ایٹمی طاقت جوڑ کنگ نواز شریف ءِ کامیاب ہم انت ۔ نواز شریف یک راستیں آہن ءِ رنگ ءَ ہما وہد ءَ سہرا بوتگ کہ آئی ءَ پنچ تراک ءِ جاہ ءَ شش تراک کتگ۔ نواز شریف انگت ءَ ملک ءُ قوم ءِ ازمت ءَ کنگ ءَ انت ۔ اگاں ما نواز شریف ءِ ایجنڈا ءِ رندگیری ءَ بہ کتیں مرچی ما باز دیر ءَ سر بوتگ اتیں ۔ اقتصادی استحکام ءِ واستہ سیاسی استحکام المی انت ءُ ہرکس ءَ را یکجائی ءَ کار کنگ لوٹیت۔ اے موہ ءِ سر ءَ صدر لاہور پریس کلب ارشد انصاری، مزنیں اھوالکار مجیب الرحمن شمی، جماعت الاسلامی ءِ سروک امیر العظیم، مزنیں اھوالکار سلمان غنی، نوید چوہدری، مزنیں اھوالکار سجاد میر، پی ایف یو سی ءِ سروک سعید آسی،کتاب ، جماعت اسلامی ءِ مرکزی رہشون فرید پراچہ،سینئر صحافی عابد تہامی ءَ ھم گپ جتگ ءُ کتاب ءِ چاپ ءُ شنگ کنگ ءِ سر ءَ محمد نواز رضا ءَ را مبارکی داتگ۔